Bo uso


A BITÁCORA DE FRAN BOUSO
Un blog aberto para falar desde Mondoñedo ou calquera outro lugar do mundo sobre Mondoñedo e as súas cousas ou sobre as cousas do mundo.



Fran Bouso

Crea tu insignia

O meu perfil
 CATEGORÍAS
 GALERÍA FOTOGRÁFICA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Grazas, Antón Caxoto

nº 90 28/11/2017
LVG-AM

Ilustración: Antón Caxoto
Texto: Fran Bouso.


Para min é un luxo -e tamén unha reponsabilidade- poder publicar cada semana un artigo dentro dunha sección fixa como é esta e moito máis desde hai un ano por iren os meus escritos ilustrados con viñetas orixinais feitas ex profeso por Antón Caxoto.

O outeiro de Mondoforte apareceu por primeira vez o 26 de febreiro de 2016 como unha sección semanal no programa Voces da Mariña que, desde Radiovoz, era emitido polas emisoras de Viveiro e Ribadeo para todo o norte da provincia de Lugo. Foi a proposta de Félix Jorquera, o locutor do programa, o impulso suficiente e necesario para intentar manter unha colaboración semanal. Non era a primeira vez que algún medio mo propoñía -refírome a unha colaboración semanal-, pero si foi a primeira vez que aceptei. Creo, que axudou moito á decisión que a emisión fose radiofónica, medio no que colaborei en diferentes etapas desde os 16 anos e no que me sinto moi cómodo. Medio ano máis tarde O outeiro de Mondoforte aparece cada martes tamén nas páxinas de A Mariña de La Voz de Galicia. Ata o momento van publicadas arredor de 90 entregas, das cales 50 -todas desde hai un ano- levan debuxos do amigo Caxoto. Na radio houbo un parón duns meses, por motivos de saúde, pero agora O outeiro de Mondoforte segue a emitirse en Radiovoz para todas as emisoras da provincia de Lugo.


A primeira vez que oín falar de Antón Caxoto foi na inauguración do Parque do Seminario de Mondoñedo. Os rapaces de Xoldra puxeron o seu empeño en mellorar aquel lugar para poñelo a disposicion de todos como zona de recreo e esparcemento. Nun dos muros había uns murais que moito me gustaron, foran executados pola xente de Xoldra coa colaboración do Garabateiro Caxoto. Empecei a interesarme polo seu traballo, parecíame fresco e espontáneo. Hai agora tres anos propúxenlle ilustrar a serie Crónicas das San Lucas que se publica neste mesmo xornal desde entón durante os días de celebración das feiras máis antigas de Galiza -xa van 18 entegas-.

O ano pasado, o día de Santa Cilla cadraba martes e quixen facer un Outeiro de Mondoforte un pouco especial lembrando a tódolos músicos da Mariña, pero en especial aos que foron compañeiros na Banda de Música da Asociación Cultural Pascual Veiga. Para darlle máis viveza ao texto pedinlle a Antón que o ilustrara. Foi unha petición puntual, a sorpresa chegou no momento no que durante unha conversa telefónica o debuxante me propón ilustrar de xeito habitual O outeiro de Mondoforte.

50 historias e 50 viñetas nun ano ben merecen unha celebración e, con tal motivo, está prevista unha exposición cunha selección dos traballos publicados no último ano nesta sección que estará aberta durante todo o Nadal no bar O Porriño de Mondoñedo e que será inaugurada o vindeiro sábado, 2 de decembro ás catro e media da tarde. Por suposto vostede, amigo lector, está convidado.

Antón Caxoto é un tipo grande en tódolos sentidos, cun gran corazón que non lle cabe no peito, traballador incansable e sempre ten un sorriso na cara e palabras, xestos e feitos de ánimo e alento para os que a el se achegan. Moitas grazas, Antón.
Comentarios (0) - Categoría: O OUTEIRO DE MONDOFORTE - Publicado o 29-11-2017 10:47
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:

(Introduce o código da imaxe)
© by Abertal
Fran Bouso - Mondoñedo T.I.C.



Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0