Voceiro do ENDL do IES Johan Carballeira de Bueu
Despois de moitos anos sen saírmos navegar, por fin partimos de novo e botamos os aparellos na rede. Este é o noso bou, non será o enxebre, pero esperamos que embarquedes connosco como antes fixo a xentalla que vos precedeu.
Pretendemos darnos a coñecer, contarvos todo o que está pasando e tamén que vos fagades oír contándonos o que queirades. Podedes entregarlle os vosos traballos a calquera membro do equipo e tamén acudir ás reunións que se vaian convocando.
Esperamos que vos guste e agardamos as vosas colaboracións! E se non, sempre podedes ofrecernos a vosas opinións (favorábeis ; ) por suposto) nos comentarios do blogue.
Saúdos enxebres desde Bueu!
A TRIPULACIÓN
 CATEGORÍAS
 FOTOBLOGOTECA
 BUSCADOR
 BUSCAR BLOGS GALEGOS
 ARQUIVO
 ANTERIORES

EU SON ROSALÍA. (Concurso)

Preciosa esta foto!!
Animádevos e participade!
Comentarios (0) - Categoría: CONCURSOS - Publicado o 24-02-2017 18:06
# Ligazón permanente a este artigo
EU SON ROSALÍA
Como ben sabedes o 24 de Febreiro é o Día de Rosalía.
No vestíbulo do centro tedes un photocall no que podedes fotografarvos cunha careta da nosa poetisa. Podedes elixir algunha das que xa están feitas, ou tedes tamén a oportunidade de tunear o modelo exposto e así participar no concurso "Qué Rosalía é a máis orixinal?".
Enviade as vosas fotos á dirección de correo:
artesplasticascarballeira@gmail.com

ANTES DO VENRES 3 DE MARZO.

Non esquezades poñer o voso NOME E CURSO.


Sabedes QUEN É QUEN?:


Comentarios (0) - Categoría: Xeral - Publicado o 22-02-2017 17:38
# Ligazón permanente a este artigo
POSTAL NAMORADOS
Noraboa a todos os e as participantes deste Concurso de Postais e Odas de Namorados e Namoradas deste curso!!
Non vos puidemos comunicar antes os e as gañadoras porque o nivel de calidade dos vosos traballos foi tan grande que nos costou moito chegar a unha conclusión.
Na Categoría A tivemos que desdobrar o premio, xa que era moi difícil englobar texto e deseño nunha única postal.
Polo que a decisión do xurado, formado polo profesorado do EDLG do centro, foi desta maneira:

- PREMIO AO MELLOR TEXTO DA CATEGORÍA A, para LAURA HERNÁNDEZ, de 2º ESO B;

- PREMIO AO MELLOR DESEÑO DA CATEGORÍA A, para IRIA ESTÉVEZ JUNCAL, de 1º ESO B;

- PREMIO A MELLOR POSTAL DA CATEGORÍA B, para MARTÍN PORTELA LAMOSA, de 1º Bacharelato C.

NORABOA AS GAÑADORAS E GAÑADOR!!
No Festival de Entroido recibiredes os vosos agasallos!!

Comentarios (0) - Categoría: CONCURSOS - Publicado o 22-02-2017 17:28
# Ligazón permanente a este artigo
Concursos NAMORADOS e IGUALDADE NO TRABALLO

Desde o EDLG propoñémosvos dous concursos para estas datas:
1 - Realización dunha declaración de amor ou amizade, ou ben, se vos gusta máis aplicádevos na elaboración dunha ODA ao que vos queirades.
2 - Creación dunha viñeta para o 8 de marzo, Día Internacional da Muller. O tema é a Igualdade de xénero no traballo.
Como vedes mandamos as bases de cada concurso.
ANIMÁDEVOS E PARTICIPADE!!

Comentarios (0) - Categoría: CONCURSOS - Publicado o 09-02-2017 19:53
# Ligazón permanente a este artigo
A ARTE DA PAZ

Para o Día da Paz o EDLG e o departamento de Artes Plásticas, en colaboración con BiblioCarballeira e Titorías elaboraron esta versión do famoso cadro Guernica, que ben sabedes é de Picasso.
A actividade titulouse " A Arte da Paz" e pediuse ao alumnado que pescudara imaxes, na hora de titoría, de obras de arte relacionadas coa paz. O día 30 de xaneiro pegamos esas imaxes nalgunhas das figuras que se representan no cadro. Acompañouse con textos feitos polo Equipo de Biblioteca onde se explicaba a simboloxía dos personaxes que Picasso pintou nesta obra tan emblemática.
Comentarios (0) - Categoría: Xeral - Publicado o 09-02-2017 19:42
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0