blogalizando



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

GALICIA, O PAÍS DAS MARABILLAS (e II)

COMO NACE UN IDIOMA?

Un idioma nace das accións e reaccións seculares dunha comunidade de seres humanos coa Natureza nunha terra concreta.
Un idioma é coma unha persoa, ten unha nai, a terra na que nacerá, e un pai que adoita ser outro idioma.

O Latín é o idioma pai do galego,
como unha semente que trouxeron
os romanos a esta terra Gallaecia
hai 2000 anos e que medrou
coma un fillo.

O NOME DA TERRA
Visualiza os seguintes vídeos e logo responde as cuestións:





1- Cal é o obxectivo do micro programa "Ben falado"?
2- O galego vén do latín, o latín vén a ser a nai do galego, pero quen é a avoa da nosa lingua?
3- Quen lle puxo o nome de Gallaecia a Nosa Terra:
4- Dos sufixos latinas aic /aec = -ego naceu un sufixo moi galego. Cita tres palabras que o conteñan.
5- Por que cres que a montaxe que inclúe o primeiro dos vídeos denomínase "palabras milenarias"? Argumenta a resposta.
6- "Chover miudiño" e ?ás cuncas" ou "a cachón? Que diferenza hai?
7- Cal é a etimoloxía de "Galicia" de Callaecia?
8- O galego forma parte do privilexiado 5% que significa isto?
9-En que continentes hai máis linguas?
10-Cantas linguas do mundo hai en Europa?
11-De quen depende a continuidade das nosas linguas?
12- Despois de ler o seguinte texto e consultando as dúbidas de vocabulario que teñas, intenta expresar coas túas palabras o que nos quere dicir.

Un poema para comentar:

O IDIOMA É A CHAVE COA QUE ABRIMOS O MUNDO



O idioma é a chave
coa que abrimos o mundo:
o salouco máis feble,
o pesar máis profundo.

O idioma é a vida,
o coitelo da dor
o murmurio do vento
a palabra de amor.

O idioma é o tempo,
é a voz dos avós
ese breve ronsel
que deixaremos nós.

O idioma é un herdo,
patrimonio do pobo,
maxicamente vello,
eternamente novo.

O idioma é a patria,
a esencia máis nosa,
a creación común
meirande e poderosa.

O idioma é a forza
que nos xungue e sostén
se perdemos a fala
non seremos ninguén.

O idioma é o amor
o latexo, a verdade
a fonte da que agroma
a máis forte irmandade.

Renunciar ao idioma
é ser mudo e morrer
precisamos a lingua
se queremos vencer.
Manuel María.

Comentarios (0) - Categoría: UNIDADE 0 GALEGO - Publicado o 20-09-2022 23:20
# Ligazón permanente a este artigo
GALICIA O PAÍS DAS MARABILLAS (I)

Coñeces un relato que se titula: Alicia no país das marabillas?

É un relato de Lewis Carroll, un pseudónimo, dun autor galés no que unha nena chamada Alicia vive unha serie de aventuras nun mundo descoñecido tras quedarse trasposta. Logo de espertar percibe que dalgún xeito dita experiencia no mundo dos soños con cantidade de interrogantes e situacións novas e marabillosas servíllonlle para medrar como persoa.

Como verás ao longo do curso imos tentar que sexas como Alicia e que dalgún xeito coñezas mellor ese mundo marabilloso que se chama Galicia. Para iso deberás atreverte a liberar os soños da gaiola. Deberás desprenderte algo da túa inocencia infantil e entender mellor os dobres sentidos, os xogos de palabras e as metáforas da vida. Terás que saber saír do tobo, o que pode significar un sombreiro, coñecer a pedantería do croquet e algunha que outra palabra nova e máis dun personaxe mitolóxico do qu enon tiñas nin idea, tentarás xogar aos naipes por aburrimento e nunca esquecer o que é un sorriso. Daquela aprenderás a ousadía de colocarte ante o espello.

Consultas: No seguinte enlace podes consultar e curiosear sobre algunhas palabras que aparecen no relato de LeWis Carroll: Alicia no país das marabillas

Galicia somos nós:
a xente e maila fala.
Se buscas a Galicia,
en ti tes que atopala!

MANUEL MARÍA. Os soños na gaiola

A DIVERSIDADE LINGÜÏSTICA FAINOS HUMANOS

Algúns homes -galegos tamén- andan a falaren dun idioma universal, único para toda a nosa especie. Son os mesmos que buscan a perfección baixando pola escada zoolóxica, deica sentiren envexa das formigas e das abellas. Son os mesmos que perderon o anceio de chegaren a ser deuses, e renegan das inquedanzas que produce a sabedoría. Son os mesmos que consideran o mito da Torre de Babel como un castigo, e renegan da vida ascendente. Mais eu dígolles que a variedade de idiomas, coa súa variedade de culturas, é o signo distintivo da nosa especie, o que nos fai superiores aos animais. Velaí vai a demostración: Un can de Turquía ouvea igual que un can de Dinamarca; un cabalo das pampas arxentinas rincha igual que un cabalo de Bretaña. E sabedes por que? Porque os pobres animais aínda están no idioma universal.
CASTELAO, Sempre en Galiza

Cuestións:
1- Por que cres que pode haber algúns homes que poidan sentir envexa das formigas e das abellas?

2- E por que esas mesmas persoas consideran un castigo o mito da Torre de Babel? Que sabes ti sobre este pasaxe da Biblia? Quererías ti que existise un idioma universal ou conformaríaste con saber idiomas? Por que?

3- Segundo Castelao, que caracteriza ao ser humano fronte ás restantes especies animais?

Consulta o 2º texto no seguinte enlace:
O DEREITO DE SEREN DIFERENTES

Consulta o 3º texto no seguinte enlace:
COMO SEREN ORIXINAIS NO UNIVERSO
Comentarios (0) - Categoría: UNIDADE 0 GALEGO - Publicado o 08-09-2022 08:11
# Ligazón permanente a este artigo
PROBAS DE RECUPERACIÓN
Para os alumnos/as que deben realizar as probas de recuperación traballaremos especialmente cos contidos que entraban na 3ª avaliación que xa incluían elementso de repaso como son:
- A colocación dos pronomes átonos
- Os verbos regulares e irregulares

OS CONTIDOS SON OS SEGUINTES:

UNIDADE 9
LÉXICO: Imos á praza de abastos(no blog)
Os deportes páx. 194 do libro
Sinonimia páx. 195 do libro

ORTOGRAFÍA Usos do "B" páx. 197

GRAMÁTICA: Verbos conxugacións, lexemas e desinencias en galego 198-199

LITERATURA: O xénero dramático páx. 202-203

UNIDADE 10
LÉXICO: Os oficios páx- 214
Antonimia páx. 215

ORTOGRAFÍA: Usos do "v" páx. 217

GRAMÁTICA: Verbos Regulares e Irregulares páx. 218

TRADICIóN ORAL: Os Maios.

LINGUA E SOCIEDADE: Os prexuízos páx. 216

GRAMÁTICA: Repaso: Colocación dos pronomes átonos.
- Conxugación verbos irregulares páx. 277-279-280

LITERATURA
-LETRAS GALEGAS 2022: Florencio Delgado Gurriarán: Vida e obra (ver no blog)

TRADICIÓN ORAL: A Moura (ver no blog. ou na libreta)

PLAN LECTOR: Poderemos incluír algunha cuestión sobre a lectura Os vellos non deben namorarse de Castelao que estamos a ler na aula.

UNIDADE 11
LÉXICO: Medios de transporte páx. 234
A polisemia páx.235

ORTOGRAFÍA: Uso do "h" páx. 237

Comentarios (0) - Categoría: Xeral - Publicado o 31-05-2022 06:51
# Ligazón permanente a este artigo
OS VELLOS NON DEBEN NAMORARSE

Abordamos a lectura da 3ª avaliación na aula.

OS VELLOS NON DEBEN NAMORARSE

Comentarios (0) - Categoría: PLAN LECTOR - Publicado o 26-05-2022 06:59
# Ligazón permanente a este artigo
Contidos da 3ª avaliación
UNIDADE 9
LÉXICO: Imos á praza de abastos(no blog)
Os deportes páx. 194 do libro
Sinonimia páx. 195 do libro

ORTOGRAFÍA Usos do "B" páx. 197

GRAMÁTICA: Verbos conxugacións, lexemas e desinencias en galego 198-199

LITERATURA: O xénero dramático páx. 202-203

UNIDADE 10
LÉXICO: Os oficios páx- 214
Antonimia páx. 215

ORTOGRAFÍA: Usos do "v" páx. 217

GRAMÁTICA: Verbos Regulares e Irregulares páx. 218

TRADICIóN ORAL: Os Maios.

LINGUA E SOCIEDADE: Os prexuízos páx. 216

GRAMÁTICA: Repaso: Colocación dos pronomes átonos.
- Conxugación verbos irregulares páx. 277-279-280

LITERATURA
-LETRAS GALEGAS 2022: Florencio Delgado Gurriarán: Vida e obra (ver no blog)

TRADICIÓN ORAL: A Moura (ver no blog. ou na libreta)

PLAN LECTOR: Comezaremos coa lectura Os vellos non deben namorarse de Castelao a partir do día 26 de maio na aula.

UNIDADE 11
LÉXICO: Medios de transporte páx. 234
A polisemia páx.235

ORTOGRAFÍA: Uso do "h" páx. 237

Comentarios (0) - Categoría: A LINGUA DOS NOSOS AVÓS - Publicado o 19-05-2022 18:19
# Ligazón permanente a este artigo
Florencio Delgado Gurriarán 2022
Este ano o Día das Letras celebra a un autor de Valdeorras: Florencio Delgado Gurriarán:


CUESTIONARIO SOBRE a VIDA e A OBRA de FLORENCIO DELGADO GURRIARÁN
1- Onde e en que ano naceu?
2- Que é o exilio?
3- Cal foi o motivo do seu exilio? Onde estivo exiliado?
4- Lembra que el é un poeta hilozoista que significa que dá voz á alma da paisaxe, faino coa personificación dos elementos que constitúen a paisaxe. Localiza e explica as personificacións nestes dous exemplos tirados dos versos do seu libro Bebedeira:
O ventiño namorouse
da rosa dunha roseira.
Negoulle a roseira a rosa
e o vento fuxiu con ela.


Casou don Godello
con dona Mencía
e van pór a casa
polo “ val das viñas”



5- Florencio dise que é o cantor de Valdeorras por que? En que libros ten moi presenta a paisaxe e a fala desta comarca?

Valdeorras
Miña noiva
Miña terra;
Á beira do Sil deitada,
Para ollar a túa beleza
do mesmo xeito que a “ Venus
do espello”, nel se contempla.

6- Florencio tamén é un poeta civil, das libertades e combativo. O seu libro Cancioneiro da loita galega inicia esta temática, cal foi a causa que provocou este poemario?



7-A nova etapa da vida que inicia en México ten os seus froitos literarios, que libro escribe en 1963 como se reflicte ou se entende a galeguidade nesta obra?

8- Dise que Florencio foi unha ponte entre os galegos que vivían en Galicia e os galegos do exilio ou emigrados. Que ten isto que ver coa revista Vieiros?

9- Co libro Cantarenas escrito en 1981, o autor comeza un regreso a que lugares e a que estilo?

10- Explica o fío condutor do seu derradeiro libro.

11- Que son os prexuízos lingüísticos? Cal é o tema que trata nos seguintes versos?

Volten, de Valdeorras, os nomes xenuinos:
Non máis “Correjanes” nin “vega Molinos”;
sín Veiga Muiños e máis Correxais,
pois xa os “castrapismos” están por demáis


O crego da aldea
do inferno a berrar
pra meterlle medo
ao pobre aldeán
FALA CASTELÁN.

O señoritiño
da vila de Tal,
con vento na testa,
sen calos na man,
FALA CASTELÁN.


12. Florencio morreu en América, en que ano? Como volvería ao pobo natal?
¡Quén, no teu tépedo colo,
pra sempre acougar poidera!
¡quén poidera, cos teus brazos,
cinguirse en eterna aperta!

Comentarios (0) - Categoría: LETRAS GALEGAS - Publicado o 09-05-2022 06:20
# Ligazón permanente a este artigo
IMOS Á PRAZA DE ABASTOS



A ACTIVIDADE: Reúne 50 palabras con produtos do mar que poidas atopar nunha Praza de Abastos.
Comentarios (0) - Categoría: A LINGUA DOS NOSOS AVÓS - Publicado o 01-04-2022 06:41
# Ligazón permanente a este artigo
CONTIDOS PARA 2ª AVALIACIÓN

UNIDADE 5:
Gramática: Tipos de pronomes. Demostrativos e posesivos.(páx. 110,111)

Literatura: A lírica I (páx. 114-115)

Tradición oral: Os Lobishomes.(Na libreta)

UNIDADE 6:
Léxico A comida pax. 126
A Familia léxica páx. 127

Pronomes determinantes II : Cuantificadores páx. 130, Identificadores, interrogativos e exclamativos pax. 131

A lírica (II) A rima páx. 134- As estrofas: 135

UNIDADE 7:
Léxico . A paisaxe páx. 146
Ortografía Signos de puntuación (III) Dous Puntos e puntos suspensivos 149
Gramática: Pronomes persoais tónicos (páx.150-151)
Lírica (III) Estrofas páx 154 Romance e soneto.páx. 155

LITERATURA: ROSALÍA DE CASTRO Vida e obra
Temas recorrentes nas súas obras en galego.

UNIDADE 8:
Gramática: Pronomes persoais átonos. (páx.170-171)
No blog Colocación dos pronomes átonos
Comentarios (0) - Categoría: Xeral - Publicado o 10-03-2022 18:19
# Ligazón permanente a este artigo
MEMORIAS DUN NENO LABREGO (LECTURA)

Imos ler esta obra clásica que significará un pequeno paso máis na vosa formación como lectores. Trátase de ler un texto clásico das letras galegas que é unha obra recoñecida, tanto en galicia como fóra (por ser unha traducida a moitas linguas).

Esta lectura presentará as seguintes dificultades:

- Un léxico específico
- Sitúanos nos anos 40 do século pasado
- Desenvólvese nun mundo rural

Para axudarvos envíovos un vocabulario coas palabras que seguro precisaredes consultar e que non sempre é doado atopalas nos dicionarios.

Imos ler cada capítulo e resumindo o seu contido para podelo logo lembrar na proba de lectura e comprensión que realizaremos ao rematala de ler.

RESUMO DO CAPÍTULO PRIMEIRO
O primeiro dos capítulos é a presentación do personaxe principal, Balbino, que se define como alguén sen importancia e pobre en oposición a outro personaxe, Manolito, ao que se repecta. É un neno de aldea fronte aos da vila. Está desexoso de ver mundo porque a aldea lle queda pequena e vese triste como os seus semellantes, tamén de escribir un libro. Finalmente dinos que escribe as súas reflexións sobre o mundo que adoece por entender e que a ninguén conta pois pensa que igual está algo tolo. Escribe para envorcar os seus sentimentos cada noite e liberarse desa pobreza que o abafa.

Narrador protagonista, é o personaxe principal, aínda que retrata tamén aos que son coma el de aldea. Outros personaxes con certos trazos de antagonistas: son Manolito (ao que se lle respecta) e os nenos da vila (distintos dos da aldea). Cítase a un tal Landeiro do que se di que lle deu un libro escrito por Smith.

O espazo ao que fai referencia é unha aldea galega, aínda que fala en concreto dende unha casa, a de Landeiro, na que vive e escribe.
Os tempos son imprecisos ao realizar unha reflexión sobre a súa curta vida no verán e no inverno, unha revisión do seu pasado dá a impresión dun tempo interno dunha secuencia reducida de varios anos da súa infancia na aldea na casa onde naceu e criou. O tempo externo: Os anos 40.
Comentarios (0) - Categoría: PLAN LECTOR - Publicado o 25-02-2022 16:32
# Ligazón permanente a este artigo
UNHA POETA SEN FRONTEIRAS


Imos celebrar o Día de Rosalía realizando unha aproximacción á figura da autora con estes tres obxectivos:

1º Realizar unha biografía: Rosalía libre de pensamento
2º Ler os seus textos: Poemas de Rosalía
3º Recitar de memoria os seus versos.

Comentarios (0) - Categoría: A LINGUA DOS NOSOS AVÓS - Publicado o 21-02-2022 23:10
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0