As alumnas e alumnos de 6º A, andan a facer manualidades que poñen á venda para así, sufragar parte dos gastos da excursión de fin de curso. Quérelos axudar? Teñen uns precios incriiiiiiiiibles!

Foron as mulleres, según o Ministerio do Interior, asasinadas desde o 1 de decembro. Outras fontes falan de máis. Nos desexamos que ningunha muller máis, nin cerca, nin lonxe, sexa sometida a maltrato de ningún tipo, e por iso, recordamos a todas elas. Siluetas tan fráxiles como o papel, cargadas de pensamentos, noticias, vida... Con nomes, para non esquecelas nunca

Ainda que non van ser sempre o mesmo día, xa inauguramos os "Mércores de conto". O venres pasado Mª José, a profe de reli, deu a saída cos nenos de 2º, e foi todo un éxito.
Estade todos atentos, o martes tocarálle aos nenos de 6º, e a encargada de contárllelo será Pili. O mércores, xa resoltos todos os imprevistos, tocarálle o turno a Ana e aos nenos de 3º.
Gozade destas lecturas compartidas!

Entre todas as actividades preparadas para o luns, temos unha especialmente importante e que nos acompañará durante todo o curso. Na cortiza nova haberá un espacio adicado permanentemente ás vosas opinións: "E ti, que tes que dicir?"
Esperamos que este espacio esté sempre a rebosar das vosas opinións, e que as manifestedes de forma clara e respetuosa para con todos.

Eu boto un bo puñado de fabas remolladas a víspera a ferver nunha pota con auga suficiente. Arrímolle unha puntiña de unto (se o teño), cun cachiño de porco (se o hai) e olvídome delas durante un bo anaco.
Mentras escoito un pouco a radio, limpo as nabizas con moito coidado (non me gusta nada atopoar un exceso de proteina animal no caldo), pelo as patacas e as escacho. Antes as cortaba sen máis, pero con tanto programa de cociña aprendín que é mellor partilas, para que "liberen" a fécula e fagan o caldiño máis gordo.
Cando as fabas xa están blandiñas, engado as patacas e dez minutiños despois a verdura: a min gústame cortala miudiño, pero... Neste punto xa todo o mundo está a esperar a cunca de caldo, e tí, queres compartir con nos a túa receita?

Con este orballo que non para, nada mellor que unha pota na cociña deixando escapar o arrecendo a un bo caldo de nabizas.
Seguro que hoxe en moitas das casas dos nosos alumnos, algún magnífico "chef" cociñou un bo caldiño para quentar o estómago. Xa non hai excusa posible, se alguén esqueceu a receita os nosos nenos de segundo poden botar unha man.

Os experimentos do acelerador de partículas no CERN levan máis de dous anos de toma de datos. Neste período producíronse resultados científicos de grande interese. A descuberta dunha resonancia que podería ser o bosón de Higgs, que foi noticia de primeira páxina en todos os informtivos do mundo, a pescuda de partículas supersimétricas, os resultados na busca do plasma de quarks e gluons, o estado da materia do universo primitivo, son só algúns dos fitos acadados. Neste proxecto INTERNACIONAL traballan físicos Galegos que colaboran con colegas de todo o mundo nun contexto multilingüe. Moitos deles utilizan o noso idioma para realizar parte do seu traballo, tanto no contexto informal de discusións entre eles, como para a realización de traballos científicos (teses e teses de mestrado) así como na docencia e a divulgación científica?.

1 [2]