|
|
|
|
| O Papón |
|
Onte pola tarde os nenos e nenas de 1º de primaria viñeron á biblioteca. Alí atoparon unha notiña que dicía:
"Se un pouco de medo queres pasar
no estante dos discos terás que mirar"
Unha nena foi mirar e... atopou alí un conto titulado O PAPÓN! Escoitaron o conto con moita atención e despois a súa canción. Tiña unha música terrorífica pero os nenos, que son todos moi valentes, non tiveron nin gota de medo.
E xa para rematar, estamos recopilando fotos e vídeos de todas as cousiñas que se fixeron no cole durante o Mes do Medo, en breves xa as teremos colgadas no blog! |
|
|
|
|
| Samaín xa está aquí |
|
 Como vos adiantabamos fai algúns días xa chegou a semana grande do Mes do Medo, velaquí está o cartel que volo anuncia.
Lembrade que os libros expostos no corredor tamén son de préstamo e que todos os recreos podedes pasar pola biblio para elaborar algo de decoración terrorífica. |
|
|
|
|
| Feliz Día da Biblioteca |
|
 |
|
|
|
|
| Premio Príncipe de Asturias para Quino |
|
O humorista gráfico, e creador de Mafalda, Joaquín Salvador Lavado, máis coñecido como Quino xa está en Oviedo para recoller o Premio Príncipe de Asturias de Comunicación e Humanidades 2014. A gala de entrega terá lugar este venres no mítico Teatro Campoamor.
Noraboa a este debuxante e que perviva o humor e o espírito crítico!
Aquí podedes ver esta nova no xornal asturiano "La Nueva España" |
|
|
|
|
| Mes do medo |
|
.jpg)
Acércase o Samaín e nós tamén queremos festexar esta data tan especial. Esta semana xa podemos ver no corredor da biblioteca unha exposición de libros relacionadas con esta temática.
Bruxas malvadas, escuros vampiros, monstros horripilantes e divertidas calabazas acompañarannos esta semana nas nosas lecturas.
Ah!E non vos esquezades de visitar o blog a miúdo porque moitas outras sorpresas relacionadas co Samaín vos agardan na biblioteca. |
|
|
|
|
| Novo recuncho na biblioteca |
|
.jpg)
Estamos de estrea!Temos un novo espazo para disfrutar da lectura na nosa biblioteca.
Este rechuncho podedes utilizalo para ler cómodamente nos recreos e tamén será utilizado para o Clube de lectura "A pedra Rosetta" no que se atopan inmersos algúns alumnos e alumnas da ESO.
Algúns membros da comunidade escolar xa o utilizaron, a que esperas para facelo ti? |
|
|
|
|
| Arrancando motores |
|
Aínda que cun pouco de retraso, o blog da biblioteca volve a funcionar.
Queremos darvos a benvida ao novo curso e esperamos que nos visitedes a miúdo. Xa sabedes que a biblioteca é unha gran fonte de información, un lugar especial onde disfrutar e gozar dos libros. |
|
|
|
|
