Hai unhas semanas publicamos neste blog un corto de animación sobre o libro de Isabelle Carrier "O cazo de Lorenzo".
A lectura deste libro fíxonos reflexionar a todos os que o limos. Agora queremos compartir unha desas reflexións, feita por unha compañeira que prefire quedar no anonimato.
"Hai uns días chegou ás miñas mans o libro El cazo de Lorenzo, de Isabelle Carrier, un sinxelo relato en formato de banda deseñada. Nel, mediante unha metáfora, póñense de manifesto algúns aspectos importantes da vida das persoas: o valor de todas elas por riba de condicións e capacidades, así como a forma de melloralas, cos apoios axeitados.
A súa lectura fíxome reflexionar sobre un matiz de vital importancia na miña profesión e que case non reparara nel.
Como Lorenzo, o protagonista, todos levamos o noso CAZO; descubrilo e recoñecelo é o que nos permitirá sacar mellor proveito das nosas cualidades e máis doadamente seremos capaces de diminuír os seus efectos.
Percorrer as súas páxinas permitiume ver a gran importancia do meu labor como profesora: guiar o alumno para que sexa espelido co seu CAZO.
Acadalo vai depender dos comentarios, actitudes e sentimentos que lle transmita, das posibilidades de efectur¡ar con éxito as actividades que realiza, da forma de interpretar os seus éxitos e os seus fracasos e dos meus comentarios e actitudes cara a el e ao que fai.
En definitiva, com pistas, estrategoas, claves... conseguir o que di un proverbio chinés: "Coñecerse a si mesmo é sabedoría".
Por iso, considero que a miña profesión é extraordinaria, pois axudo a forma persoas que arrastren sabiamente o seu CAZO pola vida."
Xa sei que lle vou pedir aos Reis esta vez. De momento so o vin en inglés, pero prometo axudarlles a buscalo en castelán ou galego. Mirade, mirade que bocatas! MMMmmmmmm......
Hai uns dias chegounos un paquete. Dentro do paquete tres libros. Viñan de Girona.
Vaia agasallo!!!
Estamos a preparar algunhas actividades que teñen moito que ver con eles.
Animádevos, xa veredes que parecido é o catalán ao galego.
Na feria de Francfurt, que está tendo lugar nestas datas, unha pequena editorial arxentina presentou os seus traballos: pequenas obras de arte para os que máis as necesitan, os que están buscando desesperadamente un pouco de esperanza...
Hai unhas semanas publicamos neste blog un corto de animación sobre o libro de Isabelle Carrier "O cazo de Lorenzo".