Pro-postas


Avast. Un bo antivirus gratuíto.
Categorías: aplicacións, utilidades, antivirus



Recibín varias consultas sobre cal sería o mellor antivirus gratuíto. A verdade é que non podo responder exactamente a esa pregunta pois eu non os probei todos, pero o que si podo asegurar é que este vai moi ben. O digo eu que traballo con el, e o din revistas expertas no sector, como PCActual.

Trátase de Avast antivirus. Consume moi poucos recursos, a base de datos actualízase con moita frecuencia e ofrece unha gama ampla de protección. Temos versión para Windows e para Linux.


Enderezo: http://www.avast.com/es-ww/index




Categoría: 2- Utilidades - Publicado o 15-03-2011 12:41
# Ligazón permanente a este artigo
LibreOffice, outro paquete ofimático libre.
Categorías: aplicacións, ofimática

Parece ser, según cousas que se comentan pola rede, que Open Office divideuse, e agora temos dúas ofertas moi similares de paquetes ofimáticos libres, o propio Open Office e o que vos presentamos aquí chamado LibreOffice.

De momento os dous programas son practicamente iguais, pero haberá que permanecer atentos, pois a competencia provoca avances e melloras.

Enderezo: http://es.libreoffice.org/


Categoría: 3- Aplicacións - Publicado o 15-03-2011 12:32
# Ligazón permanente a este artigo
As TIC e a rede ao servizo da plástica

Categorías: plástica, ensino, TIC

Preséntovos un espazo moi interesante onde as tecnoloxías dixitais, e as posibilidades da web 2.0 póñense ao servizo doutras áreas do coñecemento e a expresión.

Concretamente no CPI Fonte-Diaz de Touro poñen á vosa disposición este espazo onde, como eles mesmos din no seu blog, "atoparás, entre outras cousas, diferentes disciplinas artísticas ou visuais, e dentro delas, poderás ver CÓMO O FIXERON OS ARTISTAS, e por outra banda CÓMO O FIXERON OS ALUMNOS/AS. Verás que a plástica e a comunicación visual non son cousas só para entendidos, son linguaxes que todos PODEMOS e debemos falar, linguaxes sen fronteiras."

Enderezo: http://www.touroplastika.blogspot.com/

Fonte: Mariano Casas (profesor de plástica do CPI Fonte-Diaz)


Categoría: 5- Espazos web - Publicado o 15-03-2011 12:14
# Ligazón permanente a este artigo
Liñas de tempo, con Dipity

Categorías: web 2.0 - ensino - investigación

A raiz dunha sesión de formación cunha compañeira do IES de Fene sobre as dinámicas de traballo coas TIC e a súa integración na biblioteca do centro, descubrín esta xenial ferramenta para a elaboración de "liñas de tempo".

Dipity é unha aplicación interactiva da web 2.0 que nos permite recoller de forma cronolóxica unha serie de eventos que podemos construir con todos os recursos multimedia á nosa disposición: vídeo, fotografía, son, mapas, enlaces a informacións complementarias, RSS, etc., e incluso incrustálos dende outras aplicacións da Internet como Youtube, Flickr, googlemaps ou calquera que nos proporcione códigos "embed".

Conta, por suposto, con todas as posibilidades do traballo colaborativo, podendo compartirlo con quen nos apeteza para que participen na súa elaboración. Isto abre moitas posibilidades no ensino. Ademais evita que as tarefas que desenvolva o alumnado se limiten á simple incrustación do material, xa que pola súa estructura obriga a seleccionar, clasificar, cotexar e comentar cada un dos elementos creados.

Outra das ventaxas que distinguen esta ferramenta é a posibilidade de expoñer o traballo en catro posibles formatos.

A súa utilización é moi intuitiva, pese a que só funciona en inglés.

Pode ser un recurso xenial para traballos relacionados coas áreas de sociais, música, idiomas e literatura, pero tamén para desenvolver recopilacións cronolóxicas de actividades do propio centro e outras moitas posibilidades.

Enderezo: http://www.dipity.com/


Categoría: 9- Web2.0 - Publicado o 23-01-2011 01:56
# Ligazón permanente a este artigo
Tagxedo ou un ceo de palabras.

Categorías: web 2.0

Se fai un par de meses vos falaba da posibilidade de crear nubes de palabras a partir de calquera documento, hoxe vos fago unha nova pro-posta neste sentido.

No espazo de "Tagxedo" podemos, ademais de utilizar como fonte un documento propio, facer o mesmo a partir dunha páxina web ou blog. Ademais permítenos adaptar o perfil da nube a imaxes que nos propón como modelo o propio sistema ou facelo sobre unha imaxe propia que teñamos dixitalizada no equipo, así como unha xenerosa gama de combinacións de cores.

Como mostra a imaxe desta nova.
Dificultade: en inglés (pero moi intuitivo)

O espazo atópase en: http://www.tagxedo.com/

Fonte: José Antonio Alonso


Categoría: 9- Web2.0 - Publicado o 02-12-2010 17:04
# Ligazón permanente a este artigo
Taller de LIM
Categorías: ferramentas de autor

Logo dun tempo de sequía na aportación de pro-postas, a causa fundamentalmente da sobredosis de "Abalar" quero deixarvos hoxe unha suxestión de autoformación coa ferramenta LIM.

Como xa sabedes LIM é unha ferramenta para a creación de actividades educativas en soporte web, gratuíta e feita en Galicia, e cunha gran demanda formativa por parte do profesorado.

Pois ben, no espazo "El Tinglado" ofrécennos un taller en 10 fases (en vídeo con voz en off. En castelán) para facernos co seu manexo. Unha moi útil axuda para todos e todas os/as que estades interesados en ir aprendendo a crear as vosas propias actividades TIC de apoio na aula.

Enderezo do taller: http://www.tinglado.net/?id=taller-lim

Autor: Javier Escajedo
Fonte: Xoanca


Categoría: 5- Espazos web - Publicado o 02-12-2010 16:26
# Ligazón permanente a este artigo
O blog de Jordi Adell
Categorías: lectura - TIC - ensino

Confésome un lector e seguidor de Jordi Adell. Supoño que a maioría xa o coñecedes, senón é así non tedes máis que poñer o seu nome en calquera buscador de internet e teredes centos de referencias.

O sigo dende que os compañeiros do CFR de Ferrol me deron a oportunidade de coñecelo, fai xa varios anos, e en cada parágrafo dos seus textos, en cada frase das súas exposicións síntome plenamente identificado co seu pensamento.

Cando a depre causada pola dificultade de tirar cara adiante nisto de que as TIC vaian callando na escola me presiona busco refuxio no seu blog ou nos seus vídeos estendidos pola internet. E sempre saio reforzado.

Teño feito xa algunha referencia a el neste blog, pero aproveitando a publicación dunha interesante reflexión sobre o "Primeiro análise da Escola 2.0" quero propoñervos que vos pasedes polo seu. Non ten desperdicio.

Enderezo: http://elbonia.cent.uji.es/jordi/

Agradecementos: a Jordi Adell

Categoría: 6- Lecturas - Publicado o 08-10-2010 18:46
# Ligazón permanente a este artigo
Sugata Mitra: como os nenos aprenden entre eles
Categorías: vídeo-charla

Duración: 20 minutos
Fonte: Carlos de Paz (Twitter) e o blogue "Planeta educativo" http://www.aulablog.com/planeta/

Esbozo do contido: No seguinte vídeo, o Dr. Sugata Mitra, da India, cóntanos sobre cómo diferentes experiencias didácticas na India, especialmente nalgúns dos seus emprazamentos máis empobrecidos, demostran que os nenos e nenas son capaces de aprender por si mesmos grazas a un equipo informático e unha conexión a Internet. Quere demostrar tamén que, pese ás diferenzas políticas, culturais e económicas das diferentes sociedades, o xeito de aprender non difire moito.

Pódese subtitular ao castelán ou ao portugués nos mandos xusto debaixo do vídeo.

Categoría: 4- Novas - Publicado o 14-09-2010 18:38
# Ligazón permanente a este artigo

GALEGO, PATRIMONIO DA HUMANIDADE
 MENÚ
 ANTERIORES
 Orde cronolóxica de entradas
 RECOMENDADOS
 BUSCADOR
 BUSCAR BLOGS GALEGOS

© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0