Pro-postas


Proxecto XOGAMOS?
Categorías: ferramentas autor - ensino - galego

De novo unha proposta de ferramentas de autor "feito en Galicia". Os compañeiros Felo Couto, Fran Macías e Xosé Antón Vicente ofrécennos xenerosamente este material para poder crear materiais para o ensino. Na páxina web do proxecto temos a información precisa para utilizar esta aplicación (realmente é unha combinación de aplicacións) para xerar xogos e actividades.

"O proxecto XOGAMOS? posibilita aos mestres a realización sinxela dun xogo de preguntas, mesmo sen avanzados coñecementos técnicos, de programación, de internet, etc... grazas a un editor que facilita a creación de variados tipos de xogos de preguntas.

O resultado é unha aplicación en formato de xogo, mais atractivo para os alumnos.

Ao mesmo tempo que XOGAMOS? permite crear un xogo de preguntas sinxelo e configuración do aspecto gráfico do xogo, o programa non está pechado a maiores posibilidades por parte dos usuarios mais avanzados (taboleiros, movementos, sons, imaxes, vídeos, conexión a scripts de servidor, etc.), ademais de permitires compartir paquetes de preguntas e aspectos de xogos entre os mestres para adaptalos, amplialos, etc.

Entre as vantaxes que atoparemos ao realizar o noso xogo de preguntas están:

- Como ferramenta de autor, permítenos que sexa a actividade a que se adapte ao alumno/a (ou grupo) e non os alumnos á aplicación.
- O carácter lúdico do xogo aumenta a motivación dos alumnos.
- A accesibilidade é completa para todo tipo de usuarios.
- Xera un informe final co que o mestre coñece os erros do alumnado para
establecer medidas de corrección axeitadas."

Enderezo: http://www.edu.xunta.es/contidos/premios/p2007/proxecto_xogamos/index.html


Categoría: 3- Aplicacións - Publicado o 21-09-2009 20:42
# Ligazón permanente a este artigo
Imaxes Interactivas. Aplicación multimedia para o profesorado
Categorías: didáctica - multimedia - TIC

É un pracer e un orgullo anunciarvos a existencia desta aplicación. E teño varios motivos pero sobre todo porque os seus creadores son mestres e da terra. Noraboa polo seu traballo.
Como queira que na súa páxina teñen perfectamente explicado en que consiste póñovos un resumo da descrición que eles mesmos fan do programa. Non deixedes de ir a este espazo. Teñen exemplos de moitas das posibilidades didácticas. E o programa está xenerosamente a disposición de todos e todas os/as profesionais do ensino.

Autores: Xose Antón Vicente, Felo Couto e Fran Macías

"O programa "Imaxes Interactivas" posibilita aos mestres a realización sinxela dunha aplicación web a partires dunha imaxe, sen coñecementos técnicos, de programación, etc... grazas a un editor que facilita a creación de variadas opcións de interactividade.

Tradicionalmente esta tarefa pasaba pola creacion nun editor html dun mapa de imaxes, con "zonas quentes", ou ter coñecementos de programación, etc etc, é dicir, requírese unha formación media e uns coñecementos dun editor html do tipo Dreamweaver, NVU... que o editor de "Imaxes Interactivas" automatiza esas funcions e aporta a creación dunha imaxe interactiva en catro pasos.

Todos os mestres nalgún intre da súa laboura, traballan con imaxes: Fotografías de visitas culturais, da paisaxe, de actividades de alumnos... agora veremos as imaxes interactivas como algo diferente, máis sofisticado; pero que non deixa de ser unha faceta da imaxe dixital, que pode aportar creatividade e, sobre todo, dinamismo á hora de elaborar unha actividade apoiada na imaxe.

O resultado é unha aplicación web máis atractiva para os alumnos na que en distintas partes dunha imaxe, podemos introducir un texto, son, video ou outra imaxe.

Entre as vantaxes que atoparemos ao realizar a nosa imaxe interactiva están:

- Como ferramenta de autor, permítenos que sexa a actividade a que se adapte ao alumno/a (ou grupo) e non os alumnos á aplicación.
- O carácter lúdico da imaxe aumenta a motivación dos alumnos.
- A accesibilidade é completa para todo tipo de usuarios."


Espazo web: http://centros.edu.xunta.es/contidos/premios/p2008/a/imaxes_interactivas/index.html

Agradecementos: A Miguel Barca por pasarme a información.


Categoría: 3- Aplicacións - Publicado o 29-05-2009 12:52
# Ligazón permanente a este artigo
Exposicións virtuais no cole
Categorías: imaxe - multimedia - 3d

Nome do programa: Photo 3d album 1.2

Esta sinxela aplicación pode ter unha utilidade moi práctica e divertida na escola ou no instituto. Trátase de crear galerías virtuais onde podemos colgar as obras dos autores que esteamos desenvolvendo na aula ou ben as fotografías creadas polos propios alumnos e alumnas e outras moitas aplicacións didácticas.

Podemos seleccionar diferentes escenarios. Ademais contén unha función para converter o traballo nun salvapantallas.

Como todo o que propoñemos neste espazo é un programa gratuíto.

Enderezo:http://pho.to/album3d/


Categoría: 3- Aplicacións - Publicado o 25-05-2009 13:41
# Ligazón permanente a este artigo
Gravadora de son para pc
Categorías: son - multimedia

A proposta que vos fago nesta ocasión ten que ver cun dos elementos multimedia máis importantes: o son.

O programa en cuestión chámase "Aktiv mp3 recorder 1.2"

Trátase dunha gravadora de son en tempo real que nos permitirá conectar calquera dispositivo ó equipo (micrófono, reproductor de CD, pletina, ou mesmo un vello tocadiscos de vinilos)a través da tarxeta de son, ou mesmo gravar o que se estea reproducindo dende internet ou de fontes internas do ordenador.

A ventaxa é que podemos configurar o programa para que nas pausas de audio faga diferentes cousas: parar, parar e volver a gravar cando haxa de novo son ou seguir gravando pero cortando o arquivo de son.

Traballa sobre a maioría dos formatos coñecidos: mp3, wma, ogg, aiff, etc.

A única dificultade é que está en inglés, pero é suficientemente intuitivo como para manexalo sen maior problema.

Enderezo: www.goforsharing.com/index.php/home-mainmenu-1/aktiv-mp3-recorder-mainmenu-130


Categoría: 3- Aplicacións - Publicado o 25-05-2009 13:17
# Ligazón permanente a este artigo
O programa definitivo para cambiar formatos
Categorías: aplicacións - imaxe

A pesar de que o programa "Super" vai moi ben e permite gran cantidade de cambios de formato para vídeo este programa que vos presento é moito máis completo e eu diría que definitivo, chámase FORMAT FACTORY, e entre outras virtudes permite extraer imaxe dende DVD, permite tamén transformacións de imaxe fixa e son e moito máis. Imprescindible en calquera equipo.

DISPOÑIBLE EN GALEGO.

Agradecementos: A Domingos e Juan por pasarme a información que lle chegou de Xosé Antón Vicente quen ademais fixo a tradución ó galego.

Baixar de: http://www.formatoz.com/


Categoría: 3- Aplicacións - Publicado o 12-12-2008 20:27
# Ligazón permanente a este artigo
Conversor de PowerPoint a vídeo
Categorías: imaxe - recursos - conversor

A segunda pro-posta é un conversor de presentacións en powerpoint a vídeo, podemos escoller os formatos de saída (avi, mpeg e outros), poñerlle son ou utilizar o orixinal da montaxe, e outras configuracións coas que podemos experimentar.

Tamén permite darlle un valor de tempo a todas as diapositivas ou facer o pase manualmente para que quede personalizado ó noso antoxo.

Moi útil para poder pasar as presentacións a DVD e poder reproducilas nunha TV convencional.

Baixar o programa


Categoría: 3- Aplicacións - Publicado o 27-09-2008 21:24
# Ligazón permanente a este artigo
Conversor de arquivos flash a vídeo
Categorías: imaxe - recursos - conversor

A petición de Fran van un par de pro-postas de conversores "libres" e gratuítos de imaxen que se complementan perfectamente coa proposta do conversor de presentacións a flash que vos fixen fai un par de días...

O primeiro: para que poidades pasar as vosas creacións e as dos vosos alumnos/as en flash(ou mesmo os recursos que baixades de internet) a formato avi de vídeo.

De momento só traballa a imaxe, non o son... :-(
pero sempre se pode engadir logo cun editor de vídeo.

Pode suceder as veces que o arquivo swf teña o seu propio reproductor integrado, o que vai a dificultar a conversión. A min pasoume. Sen embargo os arquivos normais non dan ningún problema.

Probádeo, merece a pena.


Dende softonic:
http://swf-avi-converter.softonic.com/

Páxina do autor:
http://www.pizzinini.net/projects/swf2avi/


Categoría: 3- Aplicacións - Publicado o 27-09-2008 20:47
# Ligazón permanente a este artigo
Kompozer. Alternativa libre a Frontpage

Categorías: aplicacións - edición web

Propóñovos hoxe un programiña libre moi currado que nos permitirá eliminar definitivamente o frontpage ou o dreamweaver do noso equipo, permitíndonos traballar moi comodamente coas páxinas web en formato html. Aínda que orixinariamente está en inglés, na súa páxina oficial podemos baixar un paquete de linguaxe que o traduce totalmente ó castelán.

O mellor de todo é que a instalación do programa é totalmente limpa e transparente. Se baixa nun arquivo "zip", se descomprime na carpeta que se queira e listo para funcionar.

Para os/as que teñades experiencia xa con programas libres de edición web comentarvos que é unha versión retocada e mellorada de Nvu.


Baixao de aquí:
http://www.kompozer.net/


Categoría: 3- Aplicacións - Publicado o 24-09-2008 12:46
# Ligazón permanente a este artigo
[1] 2 [3]

GALEGO, PATRIMONIO DA HUMANIDADE
 MENÚ
 ANTERIORES
 Orde cronolóxica de entradas
 RECOMENDADOS
 BUSCADOR
 BUSCAR BLOGS GALEGOS

© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0