A nosa mascota xa está preparada para acompañarnos na campaña da biblioteca deste curso, hoxe, preparamos os nosos marcapáxinas novos para a Hora de Ler cun Libriño investigador.
Mirade que chulos quedaron!
O venres pasado comezamos a Hora de Ler deste curso e recibimos unha sorpresa: novas caixas para cada clase cun feixe de libros, para poder empezar lendo desde o primeiro día.
Boas lecturas para tod@s!
Chegou setembro e retomamos a actividade no colexio, preparando todo de cara ao día 10.
Na BBS queremos empezar por compartir a información que recollemos nas enquisas de avaliación do traballo do curso pasado. Recollemos de forma gráfica unha información imprescindible para programar a actividade deste curso. É o noso punto de partida para tomar impulso e continuar traballando día a día pola biblioteca que queremos para o Brea Segade. Os datos recollidos dinnos que imos por bo camiño; grazas a tod@s (alumnado, profesorado e familias) pola vosa implicación no proxecto da BBS. Contamos con vós para o curso que comeza!
As imaxes que publicamos neste blogue teñen un uso educativo. Se estiveran suxeitas a dereitos de autor/a, facédenolo saber, para poder retiralas axiña. Grazas
