|
|
| Xantar e despedida dos clubs |
|
O xoves tivemos a última xuntanza deste curso dos clubs de lectura. Foi un xantar, para despedirnos con tempo e con bo sabor de boca.
Xantamos, xogamos, falamos de libros, avaliamos e vimos unha última peli xuntos, Matilda.
Foi un pracer compartir lecturas e vivencias con vós nos clubs; sempre nos sorprende descubrir o que podemos aprender con vós e sobre vós a partir da lectura. Graciñas!
Aquí tedes a reportaxe fotográfica.
Xantamos en Campo Maneiro.
 |
| Ruth trouxonos biscoito |
 |
| A por el!! |
Xogando ás agachadas para baixar a comida.
Listos para volver á biblioteca.
Xogo de preguntas por equipos sobre os libros dos clubs.
|
|
|
|
|
| Os clubs en abril |
|
O venres falamos de novo de poesía, das lecturas que uns e outros fixemos ao longo de marzo: Manuel María e Paula Carballeira, poetas e estilos moi diferentes, que nos gustaron moito e confirmaron, un curso máis, que a poesía é un xénero imprescindible nos clubs.
Pasamos de novo á narrativa: Matilda de Roald Dahl para os Detectives de Libriño e A encontadora de An Alfaya para os Estoupalibros. Boas lecturas para abril, o mes dos libros!
 
|
|
|
|
|
| Xantar dos clubs: poesía e cine |
|
O xoves pasado tivemos o segundo xantar-xuntanza dos clubs deste curso. Desta vez xa puidemos xantar fóra, empézase a notar a primavera... Pero os biscoitos que nos trouxeron César creo e Ruth, tomámolos dentro para non perder nin migalla.
Que bos estaban! Graciñas!
 |
| Detectives de Libriño e Estoupalibros |
 |
| Ummmm! |
Despois do xantar falamos de poesía, dos libros de Manuel María e Paula Carballeira; máis que falar recitamos,compartimos os nosos poemas favoritos, que son moitos, porque os dous libros gustaron moito.
Antes de ver a peli, preparamos os nosos agasallos para conmemorar o Día da Poesía, que é o 21 de marzo pero que nos celebramos o venres 18. O obxectivo: encher o cole de poesía; preparamos para cada clase recibiu un sobre cheo de poemas, un por neno/a, escollidos e decorados por nós.
Rematamos o encontro con Manolito gafotas e xogando xunt@s no patio. |
|
|
|
|
| Poesía nos clubs de lectura |
|
Marzo é o mes da poesía e os nosos clubs de lectura xa están léndoa e argallando algo para o último día de trimestre.
Estamos a ler a Manuel María e a Paula Carballeira: boa combinación e bo contraste!
Seguiremos contando...
|
|
|
|
|
| Que estamos lendo nos clubs? |
|
As últimas lecturas dos clubs leváronnos á busca dun tesouro nun barco pirata e ao barrio de Carabanchel, a coñecer unha familia "máis ou menos" corrente.
 |
|
|
|
|
| Xantar dos clubs de lectura |
|
O último xoves do trimestre celebramos a primeira xuntanza-xantar dos clubs de lectura deste curso.
Xantamos na biblioteca, xuntámonos cada un dos clubs por separado para falar dos últimos libros, vimos a película da maldición das Bruxas, baseada no libro de Roald Dahl As bruxas que lemos este trimestre e por último fixemos un xogo por equipos de pistas e probas para recompoñer a receita da Fórmula 86: facedor de ratos de acción retardada.
Como vedes aproveitamos ben o tempo, non paramos un momento.
|
|
|
|
|
| Nos clubs... |
|
Esta semana tivemos xuntanza dos Clubs de Lectura, primeira para falar de libros. Foi o martes porque o venres pasado tivemos o magosto. Os dous primeiros libros engancháronnos e deron para falar de bruxas, de xogos, de avós e avoas, de medos... O recreo quedounos curto, imos agradecer as vindeiras xuntanzas en venres nas que poderemos quedar tamén na Hora de Ler.
 |
| Os detectives de Libriño |
Nas vindeiras tres semanas tocaralles aos Estoupalibros aprender moito sobre bruxas e os Detectives de Libriño descubrirán cousas sobre o Sáhara e o programa de Vacacións en paz.
Os libros que leremos son: As Bruxas de Roald Dahl e As vacacións de Saida de Eva Peydró.
|
|
|
|
|
| Agora si! |
|
Hoxe tivemos a primeira xuntanza con libros e ... biscoito! Agora si que xa podemos dar oficialmente por inaugurados os clubs de lectura da BBS. Xa o temos todo: mascotas, carpetas, calendario, libros, biscoito e moitas ganas de ler e falar do que lemos. Bo comezo!
 |
| As nosas mascotas |
 |
| Podemos? |
 |
| Podemos! |
 |
| O material dos clubs |
 |
| Membros, calendario |
 |
| Información dos libros |
 |
| Os detectives de Libriño |
 |
| Os estoupalibros |
As nosas lecturas para as vindeiras tres semanas.
 |
|
|
|
|
| Xa temos clubs! |
|
O venres pasado constituímos os Clubs de Lectura da BBS 2015-2016!
Xa están a funcionar dous clubs de lectura que teñen nome e están en proceso de creación e escolla das súas mascotas.
A semana que vén comezaremos co primeiro libro. Xa hai ganas, moitas ganas, de comezar a ler e a falar de libros!
 |
| Os detectives de Libriño |
 |
| Os estoupalibros |
|
|
|
|
|
| Clubs de lectura 2015-2016 |
|
|
|
|
|
|
| Despedimos os clubs de lectura |
|
O pasado xoves 28 de maio despedimos os clubs de lectura cun xantar en Campo Maneiro, un xogo de taboleiro baseado nos libros lidos e unha peli. Foi unha xornada especial na que aproveitamos a tope o bo tempo e as ganas de estar xunt@s para falar e xogar. Tamén avaliamos os clubs deste curso, botamos unha partida de brilé e, como non, devoramos os doces e larpeiradas que trouxeron Gloria, Silvia, Irene e César. Graciñas aos catro!
Noraboa a tod@s polos bos momentos, boas charlas e boas lecturas que compartimos este curso.
Moita sorte para @s que marchades para o instituto, botarémosvos de menos. Xa sabedes, seguide lendo e formando parte de clubs de lectura sempre que poidades.
|
|
|
|
|
| Os clubs en abril: Mi amigo Fernández |
|
Os cen libros tolos tamén cambiaron de libro e despois da novela de intriga protagonizada pola inspectora Nola, Mortos de Ningures, pasan a ler unha historia, tamén de misterio, protagonizada por un rapaz, o seu avó e un misterioso xigante: Mi amigo Fernández de Fernando Lalana, un dos máis importante escritores de literatura infanil en castellano.
|
|
|
|
|
| Os clubs en abril: A lagoa das nenas mudas |
|
 O xoves pasado xuntáronse os Clubs de Lectura da BBS para falar sobre os libros que leramos en Pascua: Hay un chico en le baño de las chicas e Mortos de ningures. Os dous gustáronnos moito e deron para falar sobre a escola, a amistade, a inxustiza...
Xa estamos lendo novos libros. Os Libroman están a ler A lagoa das nenas mudas de Fina Casalderrey . É unha fermosa historia sobre a inmigración, a tolerancia e a amistade escrita por unha das mellores escritoras de literatura infantil. Seguro que lles vai gustar e que vai dar que pensar e que falar. |
|
|
|
|
| Poesía na Hora de Ler |
|
O venres 27 de marzo celebramos o Día da Poesía na Hora de Ler con pequenos agasallos poéticos dos rapaces e rapazas dos Clubs de Lectura a todas as clases. Cada clase recibiu un sobre decorado enchido de poemas, escollidos polos compañeir@s dos clubs. Eses poemas foron recitados na Hora de Ler.
|
|
|
|
|
| Alicia no país das marabillas |
|
Como non podía ser doutro xeito, despois de ler este trimestre Prohibido ler a Lewis Carrol de Diego Arboleda, desde os Clubs da BBS animamos a ler a Lewis Carroll e ver a fantástica adaptación de Alicia no país das marabillas de Tim Burton.
Esta foi a nosa peli do xantar dos clubs; como nos gustou!
Clica AQUÍ para escoitar a banda sonora. |
|
|
|
|
|
|
|
