biblioteca brea segade


Blogue da Biblioteca Brea Segade de Taragoña.

Plan de Mellora de Bibliotecas Escolares de Galicia




PREMIO BIBLIOTECAS ESCOLARES





























Libriño
breasegade@yahoo.es
 CATEGORÍAS
 BIBLIOGALERÍA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Contos na horta
E chegou o sol! Que ganiñas tiñamos del!Tantas que decidimos sacar o contacontos do recreo á horta e aproveitar a caloriña, o conto, as boas contadoras e as merendas!Andrea, Patri, Silvia e Laura enchéronnos a horta de bechos moi curiosos, feitos de obxectos variados e unha grande dose de imaxinación.
O zoo de Xoquín de Pablo Bernasconi é un divertido libro cheo de animais inventados, ou mellor dito, imaxinados, que non paran de sorprendernos páxina a páxina.
Encantounos o conto e encantounos contalo na horta. Decidimos por unanimidade que mentres faga sol: CONTOS Á HORTA!










Comentarios (1) - Categoría: Animando a ler - Publicado o 08-03-2015 21:13
# Ligazón permanente a este artigo
Se eu fose moi delgado
Paula, Carla e Clara trouxeron aos contacontos da biblio un bo feixe de humor. Se eu fose moi delgado de Antonio Mota é un conto disparatado que imaxina o que podería pasar se un de nós fose moi, moi delgado. É unha historia divertida cunhas ilustracións sinxelas e moi orixinais.
Unha boa historia e unhas boas contadoras, que máis se pode pedir?












Comentarios (0) - Categoría: Animando a ler - Publicado o 04-03-2015 23:52
# Ligazón permanente a este artigo
En que casa están?
Esta semana as Mochilas marcharon para as casas de: Breogán, Laura, Carla, Iago, Miguel, Patri e Pedro.

Son todas vosas! Aproveitádeas ben!






Axudantes en acción! Preparando as mochilas que saíron hoxe.



Comentarios (0) - Categoría: Animando a ler - Publicado o 26-02-2015 01:15
# Ligazón permanente a este artigo
Aiko
Ainara, Noelia, Ruth e Sandra contáronnos hoxe unha historia moi fermosa e un pouco triste: Aiko de Ánxeles Ferrer. É fermoso o texto e, como non, as ilustracións, porque Ánxeles Ferrer é unha das máis destacas ilustradoras galegas da actualidade.
Falar das ausencias, da emigración e da morte nun conto infantil non é doado nin moi habitual, pero Ánxeles Ferrer soubo facelo en Aiko.

Graciñas, contadoras! Gustounos moito!





Anunciando







Comentarios (0) - Categoría: Animando a ler - Publicado o 26-02-2015 01:03
# Ligazón permanente a este artigo
Da ciencia á ficción

No Brea Segade andamos atarefados coa ciencia e a ficción. Estamos "a tope" preparando a nosa participación no Salón do Libro de Pontevedra do 2015. Si, este ano volvemos ser centro convidado e volvemos estar moi ilusionad@s coa experiencia. Xa vos iremos contando...
Comentarios (0) - Categoría: Animando a ler - Publicado o 07-02-2015 12:44
# Ligazón permanente a este artigo
Mosquito
Pese ao frío que pasamos esta semana, un mosquito colouse na BBS. As "culpables" de que entrara na biblio foron Aitana, Laura, Uxía e Marta. Ao escoitalas contar o conto entendemos que o mosquito sentira caloriña e se animara a entrar na BBS en febreiro, en plena semana de frío siberiano.
Mosquito de Margarita del Mazo e Roger Olmos é unha divertida historia na que un mosquito axuda a un ancián a descubrir cal é a carne máis saborosa. Trátase dunha adaptación dun conto tradicional chinés contada con moito humor e ilustrada con orixinalidade. Non volo perdades!






Comentarios (0) - Categoría: Animando a ler - Publicado o 07-02-2015 12:18
# Ligazón permanente a este artigo
Marchou a Maleta Matemática

Chegou o día en que tivemos que despedir á maleta matemática e deixar que seguira rulando pola bibliotecas escolares galegas. Soubonos a pouco, porque nos gustou tela e porque aproveitamos ben o que traía. Agora teremos que seguir facendo presentes as Matemáticas na BBS.
Mirade algunha das cousas que pasaron no cole mentres tivemos a maleta con nós.

Comentarios (0) - Categoría: Animando a ler - Publicado o 01-02-2015 23:41
# Ligazón permanente a este artigo
Viaxando

Desta vez as mochilas marcharon para as casas de: Carlos, Alexander, Joaquín, Ruth, Aitana, César e Lorenzo. Boas lecturas!
Comentarios (0) - Categoría: Animando a ler - Publicado o 01-02-2015 21:41
# Ligazón permanente a este artigo
O galo traganoces
"Un día, o galo e a galiña saíron da granxa dispostos a coñecer mundo. Corricaron por aquí e petiscaron por alá ata que tropezaron cunha nogueira grande e frondosa. Como o galo devecía polas noces, comeu tantas e tan á présa que se lle atrancaron na gorxa."

E aí comeza a verdadeira aventura da galiña que para salvar ao seu amigo terá que botar man dunha granxeira, un zapateiro, unha ovella, un ferreiro e ata un carballo!

Carla e Helena trouxeron aos contacontos do recreo da BBS un conto tradicional adaptado nunha nova versión, O galo traganoces, por Roberto Mezquita e Bernardo Carvalho. Algo teñen os contos tradicionais para manter o seu engado ao longo dos tempos, e con este galo tragón de noces non ía ser menos. Trátase dun divertido conto acumulativo acompañado dunhas ilustracións moi orixinais, cheas de cor pese a que os personaxes son transparentes.
Boa escolla, contadoras!







Comentarios (0) - Categoría: Animando a ler - Publicado o 25-01-2015 23:15
# Ligazón permanente a este artigo
Primeiras Mochilas Viaxeiras do 2015

As Mochilas saíron hoxe na primeira viaxe do 2015. marcharon para as casas de Tíffani, Alex, Marcos, Ramón, Marta, Aitor e Gloria. Boas lecturas!




Primeiro sorteo do 2015
Comentarios (4) - Categoría: Animando a ler - Publicado o 14-01-2015 23:48
# Ligazón permanente a este artigo
A guerra dos números
Empezaron os contacontos do recreo 2015!
A clase de 5º escolleu un dos títulos que veñen na Maleta de Matemáticas A guerra dos números de Juan Darién. Ë unha imaxinativa historia que nos fala de números e conceptos matemáticos como a resta, pero tamén nos fala da paz, da tolerancia e o non conflito. Boa historia para este mes de xaneiro que no Brea Segade vai xirar en torno á Paz e ás Matemáticas.





Anunciando o conto




Hoxe no recreo...










A guerra dos números












Conto resolto!

Comentarios (1) - Categoría: Animando a ler - Publicado o 14-01-2015 23:48
# Ligazón permanente a este artigo
O raposo e a mestra
Temos que recomendalo para que os que aínda non o lestes non deixedes de buscalo na BBS e de coñecer a un raposo argalleiro que seguro vos vai gustar.
"O raposo e a mestra" con texto de Manolo Rivas e ilustracións de Jacobo Fernández Serrano, conta unha fermosa historia coa natureza como protagonista, e máis concretamente a natureza galega e o monte Pindo. Acompañan a historia unhas ilustracións que chaman a atención, que lembran á banda deseñada e nas que mesmo se mostra o proceso de creación desde o o lapis ás cores.
Pero se de verdade queredes saber se debedes ler este libro falade cos nenos de 2º e 3º, eles son uns expertos en "O raposo e a mestra"
Comentarios (0) - Categoría: Animando a ler - Publicado o 22-12-2014 20:48
# Ligazón permanente a este artigo
A bañarse!

Rematamos os contacontos deste trimestre cun broche de ouro: catro contadoras de primeiro que nos deixaron coa boca aberta!


Helena, Noemí, Clara e Alexia veñen moito pola BBS desde que chegaron á nosa escola e tiñan ganas de ler un conto nos recreos lectores. Escolleron A bañarse! de Taro Gomi, preparáronno co seu profe e hoxe... debutaron coma contadoras. Fixéronno de marabilla! Hai canteira de contador@s no Brea Segade!
Encantounos esta historia que fala do divertido e sorprendente que pode ser a hora do baño.
Noraboa ás catro!




Hoxe no recreo....












Bravo!

Comentarios (2) - Categoría: Animando a ler - Publicado o 17-12-2014 23:45
# Ligazón permanente a este artigo
Un libro para agasallar 2014

Xa só nos quedan dous días para escoller os nosos libros favoritos da exposición "Un libro para agasallar".
Este ano a exposición foi organizada conxuntamente co Equipo de Dinamización lingüística e temos obras en galego das seguintes editoriais:
Ouvirmos, Baía, Bulubú, La Fragatina, Sushi Books, Lata de Sal, Bulubú, Demo Editorial, El Patito Editorial, Galaxia, Xerais, OQO, Kalandraka e Faktoría K. Agradecemos a todas elas que nos deixaran en depósito libros para a nosa exposición.
Este ano as nosas recomendación van, como non, en pequenas lámpadas decoradas.



Comentarios (0) - Categoría: Animando a ler - Publicado o 17-12-2014 23:29
# Ligazón permanente a este artigo
En Fotos de Rianxo
A presentación do tríptico Tempo de acivros, tempo de libros do venres pasado aparece en Fotos de Rianxo. Premede na imaxe ou no enlace para ver o que din e as imaxes tan chulas que subiron.



http://fotosderianxo.com/2014/12/16/tempo-de-acivros-tempo-de-libros-2/



Comentarios (0) - Categoría: Animando a ler - Publicado o 17-12-2014 00:01
# Ligazón permanente a este artigo
[1] ... [5] [6] [7] 8 [9] [10] [11] ... [25]
© by Abertal



Contador gratis



As imaxes que publicamos neste blogue teñen un uso educativo. Se estiveran suxeitas a dereitos de autor/a, facédenolo saber, para poder retiralas axiña. Grazas

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0