biblioteca brea segade


Blogue da Biblioteca Brea Segade de Taragoña.

Plan de Mellora de Bibliotecas Escolares de Galicia




PREMIO BIBLIOTECAS ESCOLARES





























Libriño
breasegade@yahoo.es
 CATEGORÍAS
 BIBLIOGALERÍA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Raquel Queizás na BBS
Pouco a pouco imos pechando as actividades da BBS por este curso; tivemos o último contacontos do recreo, as mochilas están a facer a súa última viaxe, esta semana rematamos os préstamos individuais ata que cheguen as bolsas de lectura de verán...

Quixemos ter unha actividade especial como despedida deste curso e convidamos a Raquel Queizás a vir á BBS a compartir historias con nós.
Raquel Queizás é unha actriz e contadora que ten participado en diferentes compañías de teatro, fundamentalmente para rapaces, e ten levado os seus propios espectáculos como contadora por toda Galicia. Foi un luxo tela con nós toda unha mañá, abrindo a súa "maletra" cargada de historias e compartíndoas con todos os nenos e nenas do cole. Organizamos dúas quendas, unha para 1º, 2º e 3º e outra para os maiores/as. Tod@s grandes e pequen@s, conectamos con ela desde o primeiro momento e participamos da sesión encantad@s; fíxosenos curtiña!
Raquel deixounos deberes: compartir na casa as lendas e historias saíron da maleta e seguir investigando sobre o "dodo". Como somos moi guiadiñ@s e Raquel nos gustou tanto, xa estamos mans a obra cos deberes.

Graciñas, Raquel, por abrirnos a túa maletra e encher a BBS de maxia.





Raquel tamén ten un blogue, entrade para ver en que anda metida.
Comentarios (5) - Categoría: Animando a ler - Publicado o 03-06-2015 20:51
# Ligazón permanente a este artigo
A araña e máis eu
Ruth, Noelia e Laura foron as encargadas de pechar os contacontos do recreo deste curso. Tres contadoras de primeira e un conto de imaxes fermosísimas e textos moi divertidos e orixinais para poñer o broche de ouro aos nosos contos semanais. Que máis se pode pedir!
A araña e máis eu é unha historia para coñecer mellor o noso corpo e tamén as cores e as froitas, na que as fotografías de Manuel G. Vicente complementan á perfección un tenro texto poético de Fran Alonso.







Grazas a todos os contadores e contadoras deste curso e a tod@s os que fostes público e gozastes de historias moi diferentes pero todas elas moi especiais, pois foron escollidas, preparadas e compartidas por vós.
Seguiremos conmtando contos o curso que vén!




Anunciando o conto











Comentarios (1) - Categoría: Animando a ler - Publicado o 01-06-2015 01:29
# Ligazón permanente a este artigo
Contos con Patricia e Álex
Patricia e Álex viñeron esta semana á BBS para contarlle contos aos nenos e nenas de 1º, 2º e 3º. Eles traballan na editorial Kalandraka, que tan ben coñecemos na nosa escola e contáron algunha das historias publicadas nesa editorial. Foi unha sesión de contacontos moi especial porque Álex é músico e acompañou as historias que Patricia escollera para nós coa música de diferentes instrumentos. Gustáronnos moitísimo! Pasámolo moi ben escoitando: o Sacapenas, Tío lobo e Once damas atrevidas.
Como podedes ver nas fotos, non só escoitamos, tamén participamos, e moito!
Graciñas a Kalandraka por darnos a oportunidade de gozar dos seus Libros para Soñar e a Patri e Álex por facernos soñar con eles.














Comentarios (0) - Categoría: Animando a ler - Publicado o 29-05-2015 18:25
# Ligazón permanente a este artigo
Penúltimo sorteo das Mochilas Viaxeiras
Desta vez só sairón cinco mochilas pois hai tres clases nas que xa pasaron por todos os rapaces e rapazas. Houbo que agardar pero finalmente: Tahira, Alonso,Helena, Mateo e Iria levaron as mochilas ás súas casas!
Oxalá vos gusten tanto, tanto como agardastes por elas.
Comentarios (0) - Categoría: Animando a ler - Publicado o 21-05-2015 23:44
# Ligazón permanente a este artigo
A princesa do Caurel
Noa e Iria foron as nosas contadoras desta semana. Noa trouxo da casa un dos seus contos favoritos A princesa do Caurel de Patacrúa e Javier Solchaga.
É unha historia rimada e acumulativa que máis que a unha princesa ten como protagonista a un anel.
Graciñas por esta historia que, pese a que nos gusta moitísimo, non temos na BBS.












Aquí tedes de agasallo un vídeo elaborado pola biblioteca do CPI de Mondariz co conto musicado por Almudena Janeiro.

Comentarios (0) - Categoría: Animando a ler - Publicado o 21-05-2015 23:43
# Ligazón permanente a este artigo
A escaleira
Fabiola, Julia, Uxía e Paula foron as nosas contadoras desta semana. É que estas rapazas de segundo xa lle colleron o gusto ao de ser contadoras e agora non hai quen as pare. E nós xa lle collemos o gusto a escoitalas!
Escolleron A escaleira de Beatriz Montero e Guridi, unha historia acumulativa cun montón de personaxes e un protagonista, o avó; unha desas historias que non vos podedes perder.









Comentarios (0) - Categoría: Animando a ler - Publicado o 16-05-2015 12:43
# Ligazón permanente a este artigo
O oso fabuloso
Andrea, Fátima, Laura e Silvia contáronnos O Oso fabuloso de Fernando Severo, Jose Antonio Abad e Rosa Osuna. Escolleron a historia dun simpático osiño que tiña présa por medrar e xa non quería ir á escola pero que pouco a pouco irá vendo que ser pequeno non é tan malo. Graciñas contadoras por compartir con nós a historia deste osiño fabuloso e fantasioso.



Comentarios (0) - Categoría: Animando a ler - Publicado o 09-05-2015 17:50
# Ligazón permanente a este artigo
Recta final das mochilas viaxeiras

Case nin conta nos demos e xa estamos nas últimas viaxes das Mochilas Viaxeiras! Esta semana saíron de novo a casas de compañeir@s que xa adoecían de ganas de levalas: Helena, Lucas, Uxía, Dani, Irene, Paula, Rocío, Andrea e Diego. Os que aínda non as tivestes, tranquil@s, xa queda pouquiño.
Comentarios (0) - Categoría: Animando a ler - Publicado o 09-05-2015 17:03
# Ligazón permanente a este artigo
Viaxando...

As nosas Mochilas Viaxeiras están xa entrando na recta final. Os que aínda non as tivestes nas vosas casas non desesperedes, xa queda moi pouco para que as recibades.

Comentarios (0) - Categoría: Animando a ler - Publicado o 22-04-2015 23:59
# Ligazón permanente a este artigo
O tempo voa
E tanto que o tempo voa! Como que non quere a cousa xa estamos a mediados de abril, contando contos na horta ao caloriño do sol da primavera e liad@s con mil cousas do mes dos libros.
Iria e Andrea retomaron os contacontos despois das vacacións de Pascua. Escolleron O tempo voa de Joao Pedro Mésseder e Gémeo Luís, un divertido xogo rimado coas agullas do reloxo: segundos, minutos, horas, días...
E xa foi o martes pasado! Porque o tempo realmente voa ...














Comentarios (1) - Categoría: Animando a ler - Publicado o 18-04-2015 12:54
# Ligazón permanente a este artigo
Mochilas en abril

Esta semana saíron de novo as Mochilas Viaxeiras. 3º e 4º non estaban no recreo para recollelas, pero o fixeron ao chegar da saída a Rianxo, así que temos varias fotos das Machilas marchando.







Comentarios (1) - Categoría: Animando a ler - Publicado o 12-04-2015 22:27
# Ligazón permanente a este artigo
As Mochilas na Pascua

As Mochilas Viaxeiras marcharon pasar os días da Pascua nas casas de Ainara, Carlota, Bruno, Bernardo, Carla, Miguel, Iván, Laura, Marco e Desi.
Boa Pascua e boas lecturas!
Comentarios (0) - Categoría: Animando a ler - Publicado o 31-03-2015 08:37
# Ligazón permanente a este artigo
Pilú, pilú
Nereira, Laura e Irene levaban semanas querendo contar un conto xuntas. Tiñano escollido e tamén prepararan o cartel, pero tiveron que agardar un chisco a que lles tocara. Por fin contáronnos Pilú, Pilú, de Susana Isern e Katharina Sieg.
A espera pagou a pena! Tres contadoras xeniais e un conto fermosísimo que trata sobre a amistade, a cooperación e tamén os prexuizos e os medos a quen é diferente a nós.
Gustounos moito, contadoras!




Presentando o conto... con frío




Con todos vós: Pilú, Pilú





Conto rematado!

Comentarios (4) - Categoría: Animando a ler - Publicado o 25-03-2015 01:16
# Ligazón permanente a este artigo
Confundindo historias
Uxía, Julia e Marta tiñano clarísimo, se facía bo, querían contar o conto na horta. E así foi.
Tres expertas contadoras de 2º, que estiveron preparando o seu conto con moito cariño durante varias semanas, debutaron este martes nos contacontos da BBS, na horta. E fixérono de marabilla! Puxeron voces, ensinaron as ilustracións, leron moi forte para que se lles escoitara ben... Gustáronnos moitísimo!
Escolleron Confundindo historias,
un clásico dun dos grandes da literatura infantil, Gianni Rodari; unha historia moi divertida que todos os nenos e nenas deberían coñecer.
Noraboa contadoras, agardamos que repitades a experiencia moitas veces, na horta ou na biblio.




Hoxe no recreo...




Conto na horta






Que ben estamos ao soliño!




Moi ben, contadoras!
Comentarios (1) - Categoría: Animando a ler - Publicado o 12-03-2015 18:31
# Ligazón permanente a este artigo
Comezan viaxe tres novas mochilas

Xa había quen botara as contas e empezara a preocuparse de se lle daría a tempo a levar a Mochila Viaxeira neste curso. Todo controlado! Esta semana as clases máis numerosas comezaron a levar unha segunda mochila, para garantir que tod@s as teredes nas vosas casas un par de semanas neste curso.
Temos entón, agora si, dez Mochilas viaxando polo Araño e Taragoña. Desta volta están nas casas de:
Germán, Fabiola, Carlota, Álvaro, Rodrígo, Sergio, Breogán, Jorge, Sergio e Uxía. Boas lecturas!
Comentarios (0) - Categoría: Animando a ler - Publicado o 12-03-2015 18:17
# Ligazón permanente a este artigo
[1] ... [4] [5] [6] 7 [8] [9] [10] ... [25]
© by Abertal



Contador gratis



As imaxes que publicamos neste blogue teñen un uso educativo. Se estiveran suxeitas a dereitos de autor/a, facédenolo saber, para poder retiralas axiña. Grazas

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0