biblioteca brea segade


Blogue da Biblioteca Brea Segade de Taragoña.

Plan de Mellora de Bibliotecas Escolares de Galicia




PREMIO BIBLIOTECAS ESCOLARES





























Libriño
breasegade@yahoo.es
 CATEGORÍAS
 BIBLIOGALERÍA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Ler no Castro Barbudo.
Un ano máis voltamos ao Castro Barbudo para ler ao noso poeta Xosé María Brea Segade. Este ano encargáronse da selección e lectura de poemas os nenos e nenas de 4º.

Comentarios (2) - Categoría: Animando a ler - Publicado o 04-12-2007 09:33
# Ligazón permanente a este artigo
Contacontos na Biblioteca
No mes de outubro comezamos a programar contacontos nos recreos dos martes, como parte dunha campaña de dinamización da biblioteca e animación á lectura. Pensábamos que os membros da equipa de biblioteca teríamos que facer de contacontos máis ou menos improvisados mais a sorpresa foi que o alumnado se nos adiantou e comezaron a pedirnos recreos para montar as súas pequenas representacións.
Aquí tedes as imaxes dos contos de outubro. Para novembro máis.

Comentarios (5) - Categoría: Animando a ler - Publicado o 03-11-2007 21:03
# Ligazón permanente a este artigo
Ler no verán
Xa pouco nos queda deste curso e desde a biblioteca queremos convidarvos a facer recomendacións de lecturas para os meses de verán.
Son moitos os libros que saíron dos andeis da nosa biblioteca neste curso e seguro que algúns deles foron especiais para vós. Contádenolo e axudádenos a elaborar a guía de lecturas para o verán.
Comentarios (11) - Categoría: Animando a ler - Publicado o 10-06-2007 22:27
# Ligazón permanente a este artigo
Grande estrea: Festa no xardín
Despois de meses de traballo, o obradoiro de teatro de 6º estreou o venres 25 de maio a obra Festa no xardín.
Trátase dun texto teatral de Emilio González Legazpi publicado na Biblioteca do Arlequín da editorial Sotelo Blanco en 1987, que mereceu o 1º premio do Concurso de Teatro Infantil e Xuvenil do concello de Xove en 1985. Pese aos anos pasados desde entón, a obra segue conectando cos nenos e nenas de hoxe en día polos temas que trata: conservación da natureza, amizade, cooperación, necesidade de ver máis alá da beleza exterior...
Grande expectación na nosa escola, moitos nervios, moito público convidado e unha función que resultou un éxito. Puidemos ver o bo facer de todos os alumnos e alumnas de 6º e de Teresa e Jose Luis, mestres que coordinaron o taller.
Teremos que esperar ata o trece de xuño, día que nos visitán as unitarias de Buía, Capela, Cuvide, Outeiro e O Cruceiro para asistir a un segundo pase.
Mentres tanto, para lembrar o ben que o pasamos, non deixedes de visitar a galería e se queredes, buscade na sección de teatro da biblioteca o libro no que están os textos.
Comentarios (35) - Categoría: Animando a ler - Publicado o 27-05-2007 11:30
# Ligazón permanente a este artigo
Anxo Fariña debuxou para nós
- Como será o autor dos Magos das formas e de Breogán?
- Fará el todas as ilustracións e as historias?

O 2 de maio coñecemos a Anxo Fariña, falamos con el e o mellor foi que vimos cómo fai as súas ilustracións, con que facilidade creou personaxes dos nosos propios compañeiros e compañeiras e como case os fai protagonistas dun conto. Deixounos retratos e mensaxes que decoran os corredores da nosa escola, pero tamén unha grande admiración polos ilustradores e ilustradoras e nalgúns, moitas ganas de poñerse xa a ilustrar libros.

Non esquezas ver as fotos na galería.
E tamén podes velo en acción nun video que acabamos de colgar.
Comentarios (13) - Categoría: Animando a ler - Publicado o 21-05-2007 00:43
# Ligazón permanente a este artigo
A cor dos soños
Xa podedes ver na biblioteca pública Castelao de Rianxo o libro xigante con todos os debuxos que fixerades os de 1º, 2º e 3º na visita do 25 de abril. Ademáis están recollidos debuxos de tod@s @s nen@s que visitaron a biblioteca municipal nesa semana.


Comentarios (1) - Categoría: Animando a ler - Publicado o 21-05-2007 00:20
# Ligazón permanente a este artigo
Encontro con Carlos Mosteiro
Xa que o noso blog botou a andar aínda hai uns días non nos queda outra que facer memoria dalgunha das actividades de abril e primeiros de maio porque queremos compartilas e deixar constancia delas.
Na semana do libro visitounos Carlos Mosteiro. O alumnado de 4º, 5º e 6º estivera lendo algúns dos seus libros e tiñan curiosidade por coñecelo e moito que comentar con el e que lle preguntar. Mirade que ambientazo!
Hai máis fotos na galería.
Comentarios (2) - Categoría: Animando a ler - Publicado o 21-05-2007 00:16
# Ligazón permanente a este artigo
Obradoiro de sombras
Ao longo de oito meses, todos os xoves pola tarde e dentro da programación de obradoiros para este curso, desenvolveuse un obradoiro de teatro de sombras. Todos os nenos e nenas de 1ª a 5º, en grupos de doce, pasaron durante tres xoves polo obradoiro. Cada grupo traballou sobre un texto para representalo con sombras:leron e comentaron o texto, deseñaron as siluetas, elaboráronas, ensaiaron tanto a lectura dramatizada do texto como o movemento das sombras, prepararon decorados, deseñaron, fixeron e repartiron cartaces anunciadores da función e finalmente representaron a obra. Un total de oito representacións con historias moi diversas encheron de luz e sombras os recreos dos venres.
As funcións foron un éxito de público e moit@s xa preguntan para cando a posibilidade de volver preparar outras montaxes.

Aquí están os títulos das obras que poidemos ver.


Os textos
Comentarios (7) - Categoría: Animando a ler - Publicado o 19-05-2007 23:54
# Ligazón permanente a este artigo
© by Abertal



Contador gratis



As imaxes que publicamos neste blogue teñen un uso educativo. Se estiveran suxeitas a dereitos de autor/a, facédenolo saber, para poder retiralas axiña. Grazas

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0