biblioteca brea segade


Blogue da Biblioteca Brea Segade de Taragoña.

Plan de Mellora de Bibliotecas Escolares de Galicia




PREMIO BIBLIOTECAS ESCOLARES





























Libriño
breasegade@yahoo.es
 CATEGORÍAS
 BIBLIOGALERÍA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Cando martiño tivo ganas de mexar na noite de Reis
Que sería dun Nadal sen Martiño e a súa aventura da noite de Reis?
Este libro é para tod@ @ usuari@s da BBS o favorito entre os contos de Nadal.
Amanda e María tiveronno claro cando descubriron que o seu era o último contacontos do trimestre:
- Martiño, quen senón?





Comentarios (0) - Categoría: Animando a ler - Publicado o 25-12-2010 10:14
# Ligazón permanente a este artigo
Un libro para agasallar 2010

Comentarios (5) - Categoría: Animando a ler - Publicado o 10-12-2010 21:12
# Ligazón permanente a este artigo
Contando contos
Desi, Irene e Carlota nun recreo calquera, as tres soas sentadas no espazo dos contacontos, cunha cadeiriña colocada cara ao público e contandose contos entre elas por turnos.
Gustounos tanto velas así que corremos a pola cámara; mágoa que non pillaramos a Desi en acción, ela tamén é unha contadora de primeira.
Graciñas ás tres por este agasallo! Non sabedes ben canto nos gustou!







Comentarios (0) - Categoría: Animando a ler - Publicado o 10-12-2010 21:05
# Ligazón permanente a este artigo
O zoo de Xaquín
Astrid, Lía , María e Tania fixéronnos botar unhas risas con este zoo tan especial. "O zoo de Xoquín" de Pablo Bernasconi non é un libro para os amantes dos animais, ou sí. É un libro no que todo se recicla con moitísima imaxinación e humore no que hai animais, un tanto especiais. Case seguro que ao lelo ou ao escoitalo terás un sorriso na cara, coma nos pasou a tod@s nesta sesión de contacontos.





Comentarios (0) - Categoría: Animando a ler - Publicado o 09-12-2010 00:13
# Ligazón permanente a este artigo
O exército de ovellas
Isaac e Ainara escolleron a Breogán e Don Quixote para a súa sesión de contacontos. O exército de ovellas de Anxo Fariña, publicado en A Nosa Terra, é unha das aventuras máis divertidas de Breogán, o neno que coas súas sonecas nos vai achegando ás aventuras do Quixote. Xa sabedes, na biblioteca podedes atopar toda a colección.








Comentarios (0) - Categoría: Animando a ler - Publicado o 08-12-2010 23:56
# Ligazón permanente a este artigo
Jan estivo alí
Jan estivo alí seduciunos o curso pasado cando preparamos a visita de Xosé Antonio Neira Cruz. Jan e Xosé Antonio , son en boa medida, os "culpables" de que este curso esteamos a traballar sobre a pintura na nosa escola. Marcos e Lucas quixeron traer de novo á nosa biblioteca este libro que nos encanta.








Comentarios (0) - Categoría: Animando a ler - Publicado o 16-11-2010 23:53
# Ligazón permanente a este artigo
O neno que aprendeu a voar
Aida e Alba recuperaron para nós un libro que xa leva tempo na nosa biblioteca e que nos segue gustando pola historia que conta e polas fermosas ilustracións. O neno que aprendeu a voar escrito por Alexandre Honrado, ilustrado por José Miguel Ribeiro e publicado en Kalandraka, fálanos da relación especial entre netos e avós e do importante que é crer nun ou nunha mesma para chegar a conseguir os nosos soños. Unha boa combinación!





Comentarios (0) - Categoría: Animando a ler - Publicado o 16-11-2010 23:43
# Ligazón permanente a este artigo
De viaxe!
As nosas Mochilas Viaxeiras xa están de xira! Saíron o venres 15 despois dun concorrido sorteo. Este ano son dez, dúas para terceiro e quinto, para garantir que chegan a todas as casas.
Marcharon con novos materiais, cheas de boas lecturas, boa música e boas pelis para compartir en familia. Os primeiros afortunados e afortunadas non disimularon a súa alegría.


























Desde a BBS agardamos que sigades gozando das Mochilas e enchendo os Cadernos de Viaxe coas vosas opinións, os vosos debuxos, as vosas ideas... Aquí tedes algunhas mostras do ben que se atoparon as Mochilas nas vosas casas.

Boa viaxe, Mochilas!


Caderno de viaxe
Comentarios (2) - Categoría: Animando a ler - Publicado o 17-10-2010 23:27
# Ligazón permanente a este artigo
O cadro máis bonito do mundo
Comezamos a andadura da nosa particular pinacoteca deste curso con O cadro máis bonito do mundo, fermosísima homenaxe a Joan Miró escrita por Miquel Obiols e ilustrada por Roger Olmos.
Todas as clases tiveron a súa primeira sesión na biblioteca con este conto e descubriron que: As cinco manchas frescas, salvaxes e con moitas ganas de manchar de Joan Miró chegaran a Taragoña nun foguete.


Esta primeira sesión tamén serviu para lembrar ou empezar a coñecer normas de uso da biblio e como están ordenados e colocados os fondos.
Ah! e tamén houbo algún tempo para ...LER.

Comentarios (0) - Categoría: Animando a ler - Publicado o 12-10-2010 23:13
# Ligazón permanente a este artigo
As bolsas de verán da BBS
Por primeira vez saíron da nosa biblioteca as Bolsas de Lecturas para o Verán. As familias poideron levar unha selección de ata dez libros para gozar nestes meses de vacacións.
Moit@s achegástesvos pola biblio na última semana de xuño, non temos foto de tod@s pero coas que temos aproveitamos para ir fedellando en novas ferramentas que non tiveramos tempo de probar durante o curso. A ver que vos parece.
Bo verán e boas lecturas!


Comentarios (2) - Categoría: Animando a ler - Publicado o 13-07-2010 09:50
# Ligazón permanente a este artigo
Verán de aventuras
"Verán de aventuras, verán de lecturas"
Aquí están as nosas recomedacións de lecturas para as vacacións de verán que xa están a chegar.


Comentarios (0) - Categoría: Animando a ler - Publicado o 16-06-2010 22:16
# Ligazón permanente a este artigo
Con Charo Pita
Non poido vir alá por maio cando tiñamos previsto, tivemos que agardar pero de calquera xeito, pagou a pena.
O día 4 de xuño Charo Pita pasou a mañá na nosa biblio. Contou contos sen parar, facéndonos quedar coa boca e os ollos abertos coma pratos a grandes e pequenos. Gozamos coas Velliñas, co Pastel para os enimigos, coa Eiruga larpeira, coa princesa que cultivou honestidade no seu testo, con Babaiaga, ata gozamos co silencio...
E xa ao final da mañá os rapaces e rapazas de sexto, que o ano pasado representaran a súa obra "O piano e o seu sorriso", poideron ter un encontro "en privado" con Charo para falar sobre a experiencia.
Grazas, Charo, encantounos terte con nós!


Comentarios (12) - Categoría: Animando a ler - Publicado o 07-06-2010 00:57
# Ligazón permanente a este artigo
Conto para non comer
Alessandra e Iria foron as encargadas de pechar, por este curso, os contacontos do recreo. Escolleron Conto para non comer escrito por Oli e ilustrado por Andrés Meixide. Despedimos os contos do recreo rindo coas ideas de Antón para non tomar o leite e gozando, unha vez máis, co ben que contan contos os nenos e nenas do Brea Segade.
Quedades desde xa convocad@s para os martes do curso que vén, xa temos algunhas reservas "en firme" para comezar contando contos en outubro.



Comentarios (0) - Categoría: Animando a ler - Publicado o 03-06-2010 00:22
# Ligazón permanente a este artigo
Tamén len



Sorpréndennos desde as paredes do noso centro. Eles e elas tamén len e desde a súa experiencia anímannos a facelo.
Este é o caderno que acompaña á exposicón elaborada desde o CEP Milladoiro de Malpica e compartida coas bibliotecas escolares de toda Galicia. Grazas!
Comentarios (0) - Categoría: Animando a ler - Publicado o 23-04-2010 00:01
# Ligazón permanente a este artigo
Para que les?
Desde a semana pasada aparecen no espazo central da nosa escola carteis de cores decorados cuns monigotes. Cada día aparecen uns pouquiños. Levan fotos de persoas coñecidas: un dos médicos de Taragoña, Maite a carniceira, os monitores de deporte, o director da banda de música, o dono do estanco, a farmacéutica, o óptico, Xesús Santos, Manuel Dourado, Sofía a dentista, María, Bea, Pipo, Uxía ...
Todos eles teñen textos escritos a man e falan de libros, da lectura, de para que ler.

Hoxe un cartel cheo de monigotes desvelounos un pouco máis o misterio. Estes carteis forman parte dunha exposición que o venres día 23 será xa moi grande e adornará as paredes de institutos e colexios de toda Galicia.

Para que les? é o título dunha exposición que ten como punto de partida unha iniciativa do Clube de Lectura da ONG Implicadas no Desenvolvemento. A colaboración entre máis de cen bibliotecas escolares perfectamente coordinadas por Loli Lago do Ies de Fene e Charo Sánchez Gabriel do Ies Sánchez Cantón de Pontevedra dá lugar a cerca de douscentos carteis nos que persoas diversas falan dos seus motivos para ler. Queremos que este ano no 23 de abril, Día do libro, os nosos colexios e institutos estean cubertos de boas razóns para ler.

Os monigotes que dan vida aos carteis da exposición son deseño do artista Jaime Eizaguirre Santillán (A Coruña, 1980). Jaime é arquitecto e desde o 2007, publica as súas viñetas na web ana+eiza. Xunto a Ana López forma Ana&Eiza, equipo de arquitectura e deseño. Agradecemos a Jaime a súa colaboración desinteresada con este proxecto e os seus fantásticos deseños.

Desde o CEP Milladoiro de Malpica, Olga Rodríguez coordinou o traballo de recompilación de textos e fotos de persoas famosas con profesións moi diferentes que nos contan que Eles tamén len. Esta é a segunda parte da exposición que empeza a decorar as paredes de todo o noso centro.

Desde a Biblioteca Brea Segade decidimos pedir a colaboración de veciños e veciñas de Rianxo, Taragoña e o Araño para aportar á exposición "o noso toque local". Propuxémoslles contestar a tres preguntas:

- Para que les?
- De que lecturas da infancia gardas mellor lembranza?
- Que che gusta ler?

A acollida que está a ter a nosa proposta é incrible e así moitas caras coñecidas e próximas están a sorprender a nen@s e maiores desde a entrada da biblioteca.

Temos pois unha grande exposición no noso colexio, que vai medrando día a día, con tres seccións que se complementan.



Aínda estades a tempo de participar cos vosos comentarios ou vosas aportacións no correo da biblioteca: breasegade@yahoo.es.
E ti para que les?


Graciñas Implicadas, Loli, Charo, Olga e Jaime!
Graciñas a todas as persoas que participades na exposición.
E como non, graciñas ás bibliotecas escolares galegas.
BBS


Comentarios (1) - Categoría: Animando a ler - Publicado o 21-04-2010 00:29
# Ligazón permanente a este artigo
© by Abertal



Contador gratis



As imaxes que publicamos neste blogue teñen un uso educativo. Se estiveran suxeitas a dereitos de autor/a, facédenolo saber, para poder retiralas axiña. Grazas

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0