biblioteca brea segade


Blogue da Biblioteca Brea Segade de Taragoña.

Plan de Mellora de Bibliotecas Escolares de Galicia




PREMIO BIBLIOTECAS ESCOLARES





























Libriño
breasegade@yahoo.es
 CATEGORÍAS
 BIBLIOGALERÍA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

Axudantes dos mércores






Raúl, Jessi, Carla e Alicia.
Comentarios (0) - Categoría: Xeral - Publicado o 07-11-2012 23:54
# Ligazón permanente a este artigo
A Biblioteca Brea Segade



Este é o voso agasallo para BBS no Día Internacional das Bibliotecas. Foi gravado nos recreos ao longo da última semana de outubro.
Grazas!
Comentarios (8) - Categoría: Xeral - Publicado o 03-11-2012 18:01
# Ligazón permanente a este artigo
Axudantes dos venres








Álex, Brais, Laura e Sergio.
Comentarios (0) - Categoría: Xeral - Publicado o 02-11-2012 10:45
# Ligazón permanente a este artigo
Axudantes dos xoves

Arancha, Antía e Carla.
Comentarios (0) - Categoría: Xeral - Publicado o 02-11-2012 10:42
# Ligazón permanente a este artigo
Día da biblioteca
Hoxe celebramos o Día da Biblioteca como máis nos gusta, enchéndoa de vida, tod@s xuntos recitando, cantando e reafirmando o noso compromiso coa lectura e coa nosa cultura. Os versos de Xosé Mª Brea Segade volveron escoitarse na BBS. Que ben soan Rianxo e Señora Rosa nas vosas voces!
E para rematar, agasallo da BBS para todas as clases, este ano coa Banda Deseñada como tema: Mafalda, Garfield, Astérix, Golfiño, Lucky Luke e Trasmallo xa colgan das vosas mochilas ou estoxos. Porque no Brea Segade celebramos a nosa biblioteca todos os días:

Felices 365 Días da Biblioteca!


Comentarios (0) - Categoría: Xeral - Publicado o 24-10-2012 23:31
# Ligazón permanente a este artigo
Biblioteca escolar, acelerador de innovación

Un curso máis a Consellería de Educación e Ordenación Universitaria editou un cartel para celebrar o mes da biblioteca escolar e o Día da Biblioteca. O lema é Biblioteca escolar, acelerador de innovación recollendo nel o sentir de tod@s os que cremos que a biblioteca escolar é un recurso fundamental nos procesos de ensino aprendizaxe de calidade.
Nesta ocasión deseñou o cartel o ilustrador galego Andrés Meixide.

A Asesoría de Bibliotecas escolares de Galicia publica no seu blogue un artigo no que recolle o porqué desta celebración e os cinco carteis e lemas que se utilizaron en Galicia nos últimos anos.
Comentarios (0) - Categoría: Xeral - Publicado o 24-10-2012 22:20
# Ligazón permanente a este artigo
Merlín
Na tarde do martes Morgana e Merlín visitaron a nosa biblioteca. Merlín viña un pouco despistado pero Morgana, que para iso é unha meiga, sabía perfectamente que non estaba na illa de Avalón, senón no Brea Segade, en Taragoña.
Viñeron convidarnos a asistir o sábado á obra Merlín que representará a súa compañía Os Quinquilláns no auditorio de Rianxo. Só foi un adianto, unha presentación do que nos agarda este sábado e xa quedamos coa boca aberta, botamos gargalladas, sorrimos e fixemos firme propósito de ir sábado. Algúns ata pensaron que xa nos representaran a obra toda de tan ben que o pasaron... Non, temos que ir sábado para vela enteira e coñecer ao resto dos personaxes e a historia completa.
Para ir facendo aínda máis boca entrade nesta páxina de Merlín, veredes que hai moita información, pasatempos, maxia...


Comentarios (5) - Categoría: Xeral - Publicado o 24-10-2012 22:20
# Ligazón permanente a este artigo
Axudantes dos martes

Dunia, Iria e Alba.
Comentarios (1) - Categoría: Xeral - Publicado o 17-10-2012 22:57
# Ligazón permanente a este artigo
Axudantes dos luns







Brais, Joel, Miguel e Iván.
Comentarios (0) - Categoría: Xeral - Publicado o 15-10-2012 23:03
# Ligazón permanente a este artigo
Son axudante de biblioteca!

Aquí están cos seus contratos nas mans os axudantes de 5º:Sergio, Raúl, Joel, Iván, Carla, Alicia, Laura, Dunia, Miguel, Iria, Alba e Álex.
Comentarios (0) - Categoría: Xeral - Publicado o 11-10-2012 23:38
# Ligazón permanente a este artigo
Axudantes de biblioteca

Xoves 11 no recreo 1ª xuntanza dos axudantes de biblioteca deste curso.
Comentarios (0) - Categoría: Xeral - Publicado o 11-10-2012 00:25
# Ligazón permanente a este artigo
Airiños. 75 aniversario
Esta semana o alumnado de 3º, 4º, 5º e 6º visitou a exposición Airiños, cadro artístico. 75 aniversario, coa que o grupo de teatro afeccionado máis antigo de Galicia quere divulgar a súa traxectoria e celebrar os seus 75 anos de vida. A exposición constitúe unha viaxe pola historia recente de Asados e de Rianxo e unha oportunidade de descubrir o compromiso dun grupo de veciños e veciñas do noso municipio co teatro, coa nosa lingua, coa nosa literatura e coa nosa cultura. Tivemos a sorte de que nos ensinara a exposición Xesús Santos, mestre, escritor, actor e estudoso da historia local.
A exposición é o resultado dun traballo máis amplo recollido nun fermoso libro de coidada e premiada edición que leva o mesmo título e que podedes atopar na nosa biblioteca e tamén viaxando nas Mochilas Viaxeiras.
Os nosos parabéns ao grupo Airiños, que xa vai camiño de cumprir os 80 anos de vida.
Longa vida para Airiños e como non, para o teatro!







Comentarios (1) - Categoría: Xeral - Publicado o 11-10-2012 00:20
# Ligazón permanente a este artigo
Escritores por el Sahara-Bubisher
Queremos compartir con toda a comunidade educativa a carta que a BBS vén de recibir.

Gracias

Somos nós os que estamos encantad@s de poder participar nunha iniciativa tan fermosa. Seguiremos atent@s ao voo do Bubisher.
Comentarios (0) - Categoría: Xeral - Publicado o 11-06-2012 18:44
# Ligazón permanente a este artigo
Estamos de aniversario!


Hoxe hai 5 anos que botamos a andar este blogue. Moito levamos compartido neste tempo, moitos libros, moitas actividades, moitos proxectos, moitas realidades... e seguimos reafirmándonos no que publicamos naquel noso primeiro artigo, na nosa presentación no mundo dixital.
Desexamos que este blogue cumpra moitos máis, se o fai será porque a nosa biblioteca segue a estar viva e segue a ilusionarnos.



Comentarios (9) - Categoría: Xeral - Publicado o 18-05-2012 09:08
# Ligazón permanente a este artigo
Voares de esperanza
VOARES DE ESPERANZA

Don Ramón Otero Pedraio, para loar o labor entusiasta da imprenta de Ánxel Casal e de María Miramontes, chamoulle a aquel obradoiro «pombeiro de voares de esperanza». Pombeiro de voares de esperanza! A frase era o tal, pois desde alí botaban a voar os libros que recollían o mellor do pensamento e da creación en galego. Aqueles non eran tempos doados, mais os azos dos homes e mulleres das Irmandades da Fala foron enchendo de luz as vilas e cidades de Galiza e conseguiron facer visible socialmente a lingua de nós.

Nesas persoas están as nosas raíces, somos elos dunha cadea que vén de lonxe. Rosalía de Castro e tanta outra xente que traballou pola recuperación e o prestixio da lingua e da cultura conforman o ADN onde nos debemos recoñecer. Un ADN que ten algúns tramos da dobre hélice especialmente fértiles, coma o das Irmandades, semente das ideas que hoxe constitúen a nosa cerna: Galiza, célula de universalidade. A vontade de sermos unha peza máis, en pé de igualdade, no mosaico mundial das culturas.

Non foron fáciles as épocas pasadas e tampouco non o son os tempos que nos toca vivir. Non é preciso reiterarmos aquí as agresións destes últimos anos, cunha boa parte das elites políticas, financeiras e mediáticas obsesionadas por esborrallar os avances que traballosamente foramos acadando. O seu obxectivo: facer do galego unha lingua socialmente invisible, que permaneza recluída no gueto e non acade un uso normalizado. Que o castelán sexa a lingua por defecto e o galego, a rareza, a lingua oculta. Tratala coma un bonsai ao que cómpre retallarlle as pólas que se obstinan en medrar máis do permitido.

Que ilusos! Non coñecen as palabras do sociolingüista Colin Baker: «A substitución dunha lingua non é un proceso evolutivo natural. Alí onde a xente está determinada a manter viva unha lingua, parece imposible destruíla.» Non saben que as agresións nos fan máis fortes, que nos impulsan a ampliar o tamaño da nosa esperanza, que medra en nós a vontade de construírmos espazos de encontro e mais de unión.

Na súa novela 1984, George Orwell describe unha sociedade oprimida por unha minoría, onde a neolingua é o instrumento utilizado para construír a realidade deformada que lle interesa ao poder: baléiranse de significado as vellas palabras e énchense con outros que mellor conveñan. Como non lembrar a Orwell cando vemos como se retorce o significado de palabras como imposición, liberdade, bilingüe, normalización ou, ultimamente, plurilingüe? Do mesmo xeito que a Policía do Pensamento obrigaba o protagonista da distopía de Orwell a aceptar que 2 + 2 = 5, a quen controlan os fíos do poder válelles todo para ofreceren unha falsa visión da realidade.

Contra as mentiras, non cansaremos de lembrar o evidente: a lingua que naceu hai máis de mil anos neste país é de todas as persoas que vivimos e soñamos nel. Tamén é das persoas que chegan a Galiza desde calquera lugar do mundo, empuxadas polo desexo dunha vida mellor, e deciden quedar aquí. E tamén, xaora, de tanta xente que ten na nosa terra as súas raíces e anda espallada polo mundo adiante, pois nós fomos ?aínda o somos, e ben que nos doe- un país de emigración.

Do mesmo xeito que unha planta precisa dunhas condicións ambientais determinadas para medrar, tamén as necesita unha lingua que se encontre nunha situación minorizada, como lle ocorre ao galego. Por iso urxe crear as medidas precisas facer realidade un "nicho ecolóxico" favorable á lingua. Unhas medidas nas que nunca deben faltar dúas constantes: o exemplo práctico de que o galego é útil en calquera ámbito e para todas as funcións e a vontade de crear actitudes positivas cara á lingua. Para que na sociedade non haxa cidadáns de primeira e de segunda, deben crearse as condicións para que se poida vivir en galego con normalidade. Cousa que hoxe non ocorre, como constatamos día tras día.

Como ten reiterado Xabier DoCampo, «nós non mentimos». Imos sempre coa verdade por diante, conscientes da xustiza das nosas ideas e propostas. Con alegría, desmontando na práctica os insidiosos prexuízos que outros sementan na sociedade e nas familias, impulsando actividades que fagan posible vivir en galego. Porque amamos e defendemos a pluralidade lingüística, xaora que si, mais non a costa de deixar arrombada a nosa lingua no faiado.

Somos conscientes do labor que nos agarda. Mais tamén sabemos que paga a pena empregar todas as nosas enerxías nel, e que non hai lugar para o desánimo. Como escribiu Bertolt Brecht, nos anos da longa noite de pedra que asolagaba Europa: «Quen aínda estea vivo non diga ?xamais?. / De quen depende que siga a opresión? De nós. / De quen que remate? De nós tamén. / Pois os vencidos de hoxe son os vencedores de mañá / e o xamais convértese en hoxe mesmo.»

Todas as persoas que amamos o galego temos que erguer un pombal no noso interior, un pombal do que xurdan os voares de esperanza que encherán de vida os ceos da patria da lingua que nos une.

Agustín Fernández Paz
Manifesto para o 17 de maio do 2012.
Comentarios (0) - Categoría: Xeral - Publicado o 18-05-2012 07:17
# Ligazón permanente a este artigo
[1] ... [5] [6] [7] 8 [9] [10] [11] ... [16]
© by Abertal



Contador gratis



As imaxes que publicamos neste blogue teñen un uso educativo. Se estiveran suxeitas a dereitos de autor/a, facédenolo saber, para poder retiralas axiña. Grazas

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0