Outra das novidades que trouxeron os escornabots á BBS son unhas "mesas-taboleiro" nas que poñer en acción o voso inxenio e os escornabots. Son deseño e feitura propios, porque no Brea Segade a cabeza non para e as mans... tampouco :-)
E se a Tino o xuntas con Óscar, pasan cousas tan chulas e tan prácticas coma estas.

Na BBS imos ter catro Escornabots!
Un montámolo na primeira xornada de formación, coa axuda dos expert@s, e xa veu funcionando para Taragoña. Pero tiñamos que seguir montando e o equipo de biblioteca púxose mans á obra. Primeiro aprender nós para despois poder ensinarvos a vós. Quen dixo qe os profes non aprenden? Aquí tedes a parte do equipo "pelexando" cos escornabots e pasándoo moi, a verdade.

Os Escornabots son pequenos robots que forman parte dun proxecto de Bricolabs, unha asociación creada para compartir experiencias en torno á tecnoloxía. O Proxecto Escornabot está realizado exclusivamente con software libre e pensado para achegar a robótica aos máis pequenos.

Logo dos Escornabots

Comezamos asistindo a unha xornada de formación alá polo mes de maio e desde aquela non paramos para poder empezar este curso aprendendo tod@s xunt@s cos Escornabots na BBS.

Xornada de Formación da Asesoría de Bibliotecas Escolares- Maio 2016

Sentímonos moi afortunad@s de poder formar parte deste proxecto!