Compartimos o video que proxectamos na caseta das bibliotecas de Rianxo na Feira do Libro; unha pequena mostra do noso traballo a prol da lectura ao longo de todo o ano.

Hoxe comeza a Feira do Libro en Rianxo. As bibliotecas dos colexios e a BPM Castelao estaremos nunha das casetas compartindo o noso quefacer. Agardámosvos na Feira do Libro!

A mañá do domingo, último día da Feira, volveu estar centrada na literatura infantil, tal e como xa acontecera o xoves coa presenza de Ledicia Costas, Blanca Ana Roig Rechou, Eulalia Agrelo Costas e Marta Neira. Nesta ocasión puidemos asistir ás presentacións de Leandro e os números de Rocío Pérez e As señoras cousas de Helena Villar Janeiro e desde a BBS non desaproveitamos a oportunidade de que Helena nos asinara un exemplar do seu libro, Rocío xa o fixera en xaneiro cando visitara a nosa biblioteca. Pedro e María, que estaban na Feira, pedironlle a Helena unha dedicatoria para a BBS. Xa sabedes, para o curso poderedes gozar de As Señoras cousas dedicado.

Un ano máis as bibliotecas de Rianxo participamos na Feira do libro mostrando o noso traballo nunha das casetas e un ano máis elaboramos un vídeo conxunto no que facemos visible o que está a pasar nas biblios de Rianxo ao longo do ano.
O vídeo ten unha banda sonora de luxo,os Carapaus,un grupo que xa aparece nas recomendacións de verán da BBS e ao que lle temos un especial cariño polo seu bo facer e polos seus vínculos rianxeiros.
Destacamos tamén a colaboración de Fotos de Rianxo que nos cedeu, coma sempre que llo pedimos, material para a montaxe.

Xa está en marcha!
Onte pola mañá inaugurouse a Feira do Libro co pregón de Helena Villar janeiro e a actuación musical do dúo Barahunda.
Temos catro días para visita, non deixedes de facelo.

Hoxe ás 20:30 no Salón de Plenos do Concello, dentro da programación de actividades da Feira do Libro, terá lugar a presentación da revista Creador@s de Rianxo, elaborada polos Equipos de Normalización e Dinamización Lingüística do CRA de Rianxo, o IES Felíx Muriel e o CEP Xosé Mª Brea Segade. A revista é un motivo de orgullo para as comunidades educativas dos nosos centros e sobre todo para os veciños e veciñas de Rianxo que temos a sorte de gozar no día a día dos nos@s creador@s.
A presentación da revista contará con intervencións musicais dalgúns dos creador@s incluídos na publicación.
Non deixedes de asistir!

Hoxe comeza a Feira do Libro de Rianxo. A feira é unha festa da lectura e da cultura, unha oportunidade de ver e mercar libros, pero tamén de participar en presentacións, encontros con escritor@s, concertos, roteiros teatralizados polo casco histórico... As bibliotecas escolares e a Biblioteca Pública Municipal estaremos presentes nunha das casetas cunha mostra do traballo a prol da lectura e da cultura que desenvolvemos ao longo do ano.
Aquí tedes o enlace ao PROGRAMA da Feira, catro días de actividades que non vos podedes perder.

Tiñamos pendente contarvos como nos fora na Feira do Libro de Rianxo. Aquí o tedes, as imaxes e os textos do que quixemos compartir coa nosa presenza na feira.
Esperamos repetir o ano que vén!

Lendo en Rianxo from CEP Brea Segade

As bibliotecas de Rianxo estamos presentes na Feira do Libro cunha pequena mostra do traballo que realizamos. Quixemos sacar as nosas bibliotecas á rúa e compartir a nosa experiencia común con tod@s os que pasen pola Feira ao longo destes días. "Lendo en Rianxo" é o nome que escollemos para o noso espazo nunha das casetas da feira e o título do vídeo que elaboramos para proxectar na feira e mostrar algunhas das actividades que se desenvolven no día a día das bibliotecas de Rianxo.