Lois Perez Leira: ?Non apoiaremos a ningún dos 27 do PSOE. Tampouco apoiaremos a ningún do PP?.

O aspirante de Gañemos Vigo á Alcaldía de Vigo, Lois Pérez Leira, cuestionou o actual modelo de pactos postelectorais: ?Non se pode pactar sempre con Caballero coa escusa de pechar o paso ao Partido Popular. O nepotismo é un asunto moi grave. Nunca o obxectivo de evitar un goberno da dereita pode xustificar o apoio a un «sátrapa populista». Nunca o fin xustifica os medios...?
Nunha entrevista concedida á prensa, Lois Pérez Leira afirmou ?Imos poñer os posibles pactos poselectorais a arrefriar e pensar por que en lugar dese prototipo de reparto de poder non pensamos noutro prototipo que é facer pactos só cos veciños e veciñas de Vigo. En Vigo xamais apoiaremos un goberno do PSOE onde estean presentes calquera dos 27 membros da lista da PSOE. Tampouco apoiaremos a ningún dos candidatos do PP?.
O candidato Pérez Leira non está disposto a calquera cousa para chegar á Alcaldía de Vigo. ?Para min é máis importante que fagamos unha campaña aberta á sociedade? debater sobre os problemas reais dos vigueses, falar de todo o que sexa necesario... O máis importante é facer unha transformación da política, pero se non plantamos esa semente non medrará nada. Pretendemos expulsar á casta do Concello de Vigo e da Deputación Provincial e intentaremos desmontar as redes clientelares montadas polo PSOE. Cómpre crebar o valado de mentiras levantado por Caballero e os seus lacaios?, esgrimiu Lois Pérez Leira.
No entanto, Pérez Leira recoñeceu que gustaríalle moito que Gañemos obtivese representación no Concello de Vigo para ?poder defender aos sectores máis humildes e poder axudar a aqueles máis castigados pola crise e dáme a impresión de que o imos logralo, sobre todo porque vexo moitísima xente nova ilusionada?, apuntou. ?Iso si, non estará máis que unha lexislatura?, prometeu.
Lois Pérez Leira explicou que desde a oposición pódese facer moito tamén, sobre todo se estás en contacto permanente cos movementos sociais e veciñais.
?Gañemos Vigo elaborará un Plan de desenvolvemento Local para Vigo e apostará por un cambio de modelo económico? contestou cando se lle preguntou sobre as medidas que adoptaría para loitar contra o desemprego en Vigo.
E posteriormente engadiu que ?Ese Plan Estratéxico de Desenvolvemento Local de Vigo debe fundarse na necesidade de superar os sectores económicos tradicionais de Vigo. Non podemos seguir baseando a nosa economía no sector naval, a automoción e o comercio. Gañemos Vigo cre necesario impulsar cinco novos sectores: 1) Sector aeroespacial , 2) Sector das telecomunicacións , 3) Sector da ciencia, medicina e o medio ambiente (investigacións biomédicas, investigacións mariñas, sector farmacéutico...), 4) Sector financeiro propio, 5) Sector cultural?.