As Campaíñas


Toxina, de Robin Cook
El doctor Rim Reggis, divorciado recientemente, está decidido a ser un buen padre. Por ello, no duda en llevar a su hija, Becky, a su restaurante preferido, un local de comida rápida especializado en hamburguesas y fritos. Sin embargo, tras la cena Becky comienza a sentirse mal, y, pocos días después, muere de forma horrible. La autopsia revela que la causa de la muerte se debe a la ingesta de carne contaminada. Así Reggis inicia una cruenta investigación que salpicará no sólo a la industria cárnica americana, sino también al gobierno de Estados Unidos. El autor de este libro es ROBIN COOK: estudió medicina en la Universidad de Columbia y actualmente vive en Florida. Su carrera literaria se ha visto siempre influída por su profesión, y su amplia experiencia en el campo de la medicina le ha convertido en un maestro indiscutible de la literatura de suspense. Consagrado como un gran narrador desde la publicación de su primera novela, consigue convertir todos sus libros en best-sellers. En los últimos años, muchos de ellos han sido, incluso, llevados al cine con gran éxito. A título personal deciros, que este libro os sumirá en una intriga constante desde el principio y os hará pensar seriamente en la calidad de la alimentación actual, pues como bien se especifica en la ?nota final?, uno de los requisitos básicos para alcanzar la felicidad es gozar de buena salud, y el requisito mínimo para una buena salud es el agua potable y la comida sana. Como seres civilizados, los humanos nos hemos esforzado por obtener agua potable desde que empezamos a organizarnos, pero sólo la ingeniería civil moderna ha conseguido soluciones duraderas. Por desgracia, las circunstancias que envuelven el segundo requisito son diametralmente opuestas. Hemos ido perdiendo terreno debido a la demanda de una mayor calidad en los alimentos a menor precio. Y, aunque parezca imposible que en la actualidad alguien pueda fallecer por causa de la E-COLI u otras bacterias similares, la realidad indica que esta bacteria es causa de numerosas muertes (más información en la página del CDC).

LOLI COUSO.
Comentarios (0) - Categoría: Lecturas - Publicado o 29-04-2009 15:20
# Ligazón permanente a este artigo
OS LOBOS DE MOECHE, de Manel Cráneo
NA NOSA BIBLIOTECA


Os Lobos de Moeche un cómic longo, ou novela de banda deseñada, sobre as Revoltas Irmadiñas que se desenvolveron en Galicia a finais do século XV. Os Irmandiños alzáronse contra os abusos dos señores, coma os Andrade, destruíndo fortalezas e castelos como a de Moeche.

Este cómic é a primeira publicación de Demo Editorial, que pretende potenciar a banda deseñada en galego e a recuperación da historia de Galicia. Os irmandiños, os Andrade e o Conde de Lemos son os protagonistas desta aventura colectiva. O autor, Manel Cráneo, presidente da Asociación Galega de Profesionais da Ilustración (AGPI), di: "quixen facer unha obra de autor, persoal, e baseada nun personaxe de ficción, Martín de Ferreira, un labrego galego que, por mor da guerra irmandiña, se converterá nun mozo do Renacemento que acaba na cidade italiana de Boloña escribindo as súas memorias".

Cos personaxes ficticios, conviven outros reais como o capitán Alonso de Lanzós, un líder irmandiño, así como os "malos", os Andrade e o Conde de Lemos, "as familias nobres máis perigosas que exercían máis opresión", branco preferido dos irmandiños que destruíron preto de 130 castelos -o de Moeche, sucumbiu en 1431- durante das dúas revoltas irmandiñas.

Ademais, esta BD (Banda Deseñada) converterase en "obra de referencia" para promocionar o Museo do Castelo de Moeche, grazas á contribución de Euroeume, que abrirá as súas portas proximamente.



Os Lobos de Moeche from euroeume on Vimeo.
Comentarios (0) - Categoría: Recomendacións - Publicado o 29-04-2009 13:22
# Ligazón permanente a este artigo
Comparte as túas leituras!
Dende o IES Marco de Camballón de Vila de Cruces chega esta campaña tan enxeñosa para animar á lectura... le e comparte!


Comentarios (0) - Categoría: Ler - Publicado o 27-04-2009 00:29
# Ligazón permanente a este artigo
Libros de película
Dende a Biblioteca do IES da Pobra do Caramiñal achéganos este vídeo dedicado a libros que foron levados ao cinema.

Lestes estes libros?

Coñecedes estas películas?


Comentarios (0) - Categoría: Ler - Publicado o 25-04-2009 23:00
# Ligazón permanente a este artigo
HISTORIA DO LIBRO
Hoxe, Día do Libro, insertamos no noso blogue unha interesante e completa presentación sobre a Historia do Libro, elaborada pola profesora do IES de Melide, Susana Losada. Dámoslle as grazas porque así aprendemos que non só hai libros de Historia, senón que os propios libros que tanto nos fan gozar, teñen a súa propia historia.


Comentarios (0) - Categoría: Ler - Publicado o 23-04-2009 13:57
# Ligazón permanente a este artigo
?O SOMBREIRO CHICHIRITEIRO? é A INCURSIóN DE MANUEL RIVAS NO MUNDO LITERARIO INFANTIL
Un neno subido ao mapa do tempo


O Xornal (18-4-09)

O primeiro libro de Manuel Rivas para nenos (logo de publicar Todo ben e Bala perdida dirixidos ao público xuvenil) é un libro no que a maxia reborda nada máis abrilo. Os debuxos, de Patricia Castelao, son pequenas marabillas que se miran con goce e curiosidade. Teñen a plasticidade dunha película de animación e parecen tridimensionais aínda que non o sexan. As nenas e nenos, que seguen sempre os debuxos, nada máis velos empezarán a comentalos: este é Simón, esta é a boca do sombreiro... É o seu xeito de participar na historia que está a serlles contada. Se os adultos valoramos a fermosura dos debuxos, para a rapazada esa fermosura está chea de significado, ponlle cara e corpo ao que se conta e faino máis comprensible, máis próximo.

A historia é sinxela, pero difícil de seguir para nenos moi cativos, o que incrementa a utilidade dos debuxos. Todo comeza, como as mellores historias máxicas, cunha situación cotiá coa que calquera neno se pode identificar (unha festa na casa do avó) que vai mudando paseniñamente cara algo marabilloso desde a aparición dun home asoballador e malquerido polas xentes que vén montado nunha avestruz e cun sombreiro moi especial. O que define a Simón, o protagonista, é a súa valentía, e é precisamente esa ousadía súa a que o leva a enfrontarse a ese xigante descarado. Cando o neno lle tira o sombreiro nun arranque de carraxe desencadéase a acción, porque o sombreiro non cae ao chan senón que empeza a cantar e sae voando, e Simón detrás del, correndo cara a aventura.

As historias con obxectos máxicos son un clásico, e neste caso trátase dun sombreiro benfeitor que converte a Simón no protagonista dos seus propios soños, facéndoo vivir cousas imposibles. O sombreiro foille roubado a un trompetista e por iso sabe cantar e tocar a trompeta. Calquera nena soñaría con ter un sombreiro que lle permitise voar, que lle ensinase a tocar, e que cando tocase conseguise que os paxaros a acompañasen, como se estivese dirixindo a orquestra da natureza.

Tamén aparecen moitos valores que todos queremos transmitirlle aos nenos e nenas: a amizade, o respecto e a admiración pola natureza, a solidariedade, a idea de que as palabras das linguas poden verse magoadas ou perdidas se non se lles axuda (falándoa)... Ademais, estes valores insírense no conto de xeito natural, non se percibe unha listaxe de fondo cunha enumeración de valores a incluír, senón que todo parece xurdir enfiado, e todo o bo leva ao bo: a ousadía de Simón á aventura, amizade de Simón e o sombreiro aos prodixios, a solidariedade do sombreiro á salvación de insectos e palabras.
Por último, cómpre dicir que a lingua na que se conta a historia é unha lingua limpa de requintamentos, inzada de palabras fermosas que usan os miúdos que falan galego: bochechas, apampados, orelludo, reviravoltas... Aparecen rimas tamén en certas partes do libro, concordando coa musicalidade presente na historia e nos debuxos. Insírense no conto os nomes de moitos insectos e paxaros e unha imitación do seu canto máis poética ca realista. Iso, sumado á importancia das palabras, á música e aos soños, fía un relato cunha aventura moi emotiva, chea de encantos lingüísticos, visuais e oníricos. E o final, que é unha parte máis da aventura, é un final verdadeiramente orixinal. A comuñón coa natureza faise total e Simón consegue influír no seu curso. Un libro para que os nenos miren doutro xeito os paxaros, os sombreiros e ata os mapas do tempo...
Comentarios (0) - Categoría: Recomendacións - Publicado o 18-04-2009 23:04
# Ligazón permanente a este artigo
Tele ou lectura?

Comentarios (0) - Categoría: Ler - Publicado o 16-04-2009 21:12
# Ligazón permanente a este artigo
Purgatorio, de Marcial Martínez Bascoy


Urco Editora volve apostar polo cómic coa primeira entrega de Purgatorio, unha obra de Marcial Martínez Bascoy co que esta editorial compostelá dá continuidade á colección de banda deseñada que iniciou con Gallaecia.

Neste primeiro número, titulado "Abrindo as portas do inferno", coñecemos o protagonista, un home atormentado polos demos que o perseguen dende neno. Canso de vivir agochado por mor destas criaturas horribles, que el e mais a moza que o acompaña poden ver baixo a apariencia de persoas de carne e óso, decide saír a combatelas marcado ben de preto por un policía que lle confire ao cómic un toque de serie negra. Realidade ou ficción, este primeiro número sitúa ao lector ante a dúbida de se estará presenciando os delirios persecutorios dun personaxe esquizoide ou ante as sombras demoníacas típicas do terror máis escuro.


Purgatorio, cómic que o autor se estrea nas librarías e que verá a luz cada dous meses, volve evidenciar a audacia deste proxecto editorial ao facer unha tiraxe inicial de 2000 exemplares.

Román
Comentarios (0) - Categoría: Lecturas - Publicado o 14-04-2009 10:29
# Ligazón permanente a este artigo
LER
?Aprendín a ler sen que ninguén se decatase. Cando a mestra seguía ensinando aos outros nenos a xuntaren o eme co a, había xá tempo que eu coñecía a solidariedade que tecen entre si os signos escritos, as súas combinacións infitinas e os sons marabillosos (...). Ninguén se decatou. Lin coma unha posesa, primeiro ás agachadas, e despois, cando me pareceu que transcorrera o tempo normal de aprendizaxe, á vista de todos, mais tendo moito coidado de disimular o meu interese e o pracer que me proporcionaba. A nena fráxil convertérase nunha alma famenta. Aos doce anos deixei a escola para traballar na casa e mais nos campo cos meus pais e os meus irmáns. Aos dezasete, casei?. Así di Renée, a protagonista d´A elegancia do ourizo de M. Barbery. A súa é unha historia de ficción pero para millóns de nenas convértese na única realidade. Por iso a Unesco dedica o vindeiro 23 de abril ?Día Mundial do Libro? á alfabetización cunha mensaxe clara: ?Open books, open doors?. Porque cando aprendemos a ler e a escribir, aprendemos a abrir as portas.


ROSA ANEIROS (O XORNAL)
Comentarios (0) - Categoría: Ler - Publicado o 13-04-2009 14:17
# Ligazón permanente a este artigo
La sociedad de los otros, de William Nicholson
Esta é a primeira novela para adultos do polifácetico William Nicholson (editorial Salamandra, 2005). Nicholson ten destacado como guionista (Gladiator, Tierras de Penumbra), director de cine(A la luz del fuego) e autor de teatro (La retirada de Moscú).

A novela cóntanos as peripecias dun mozo inglés, sen nome, acabado de saír da Universidade, que emprende unha viaxe por Europa. Este mozo é moi particular, despreza case tódolos aspectos da súa vida cotiá, tanto a familia, coma os compañeiros e, mesmo, o seu ligue 'de mantemento'. Nada o entusiasma, é un amargado sen ilusións. Sen querer, o protagonista vese obrigado a realizar unha viaxe coas mil libras que lle dá seu pai para sacalo do seu ensimesmado mundo. Aquí comeza a aventura, cando o mozo entra nun pais de Europa do leste e se ve atrapado nunha rede terrorista que loita contra o tiránico goberno, pero tamén contra outro grupo opositor máis moderado, a sociedade dos outros, que rexeita a violencia e se organiza a través de clubs de lectura.

Cheguei ao libro a través dunhas recomendacións entusiastas doutras lectoras. Para min foi unha pequena decepción, xa que se ben houbo algúns momentos en que me atrapou o suspense, en xeral me pareceu un libro cheo de ocorrencias pseudofilosóficas, cun final tan disparatado como falso. Pódese interpretar como unha viaxe ao revés, xa que o protagonista máis que enriquecerse persoalmente saíndo do seu ambiente de burgués mal criado, aprende a valorar o que antes tiña e non estimaba. Non é unha mal novela, pero a min non me convenceu. Sei que hai moita xente á que lle entusiasmou, así que anímovos a lelo para saber a vosa opinión.


Heladio
Comentarios (0) - Categoría: Lecturas - Publicado o 11-04-2009 19:15
# Ligazón permanente a este artigo
Club de Lectura
As Campaíñas
CPI don Aurelio
Cuntis

O meu perfil
cpidonaurelio@gmail.com
 CATEGORÍAS
 FOTOBLOGOTECA
 RECOMENDADOS
 ANTERIORES
 ARQUIVO
 BUSCADOR
 BUSCAR BLOGS GALEGOS

© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0