22 XANEIRO- PRIMARIA

29 XANEIRO- SECUNDARIA

5 FEBREIRO- PRIMARIA

19 FEBREIRO- SECUNDARIA

26 FEBREIRO- PRIMARIA

5 MARZO- SECUNDARIA

12 MARZO- PRIMARIA

19 MARZO- SECUNDARIA

Tras as vacacións o Club de Lectura "As Campaíñas" retomou hoxe a súa actividade para poñer en común as lecturas feitas durante o nadal. Antes de marcharen, os/as integrantes recibiron unha guía de lectura elaborada pola coordenadora do club, Gema, á que lle hai que sumar un monográfico de banda deseñada confeccionado por Heladio, profesor de Ciencias Sociais e grande lector de cómics.

Ademais, o proxecto do Club de Lectura "As campaíñas" foi valorado positivamente pola Dirección Xeral de Ordenación e Innovación Educativa da Consellería de Educación ao abeiro da convocatoria que incentiva a creación de Clubs de Lectura en centros públicos para o curso 2008-2009.

Como vedes, xa contamos cun cartaz novo para o noso clube, deseñado por Hortensia, a nosa profesora de Educación Plástica e Visual á que aproveitamos para mandar unha aperta moi forte e moitos parabéns dende o colexio pola súa recente maternidade.

O club de lectura ?As Campaíñas? nace, por una banda, dentro da campaña de fomento da lectura elaborada pola Consellería de Educación, e, pola outra, de constatar que hai un sector do noso alumnado, profesorado, pais e nais que len con asiduidade, ade de tentar que rapaces aos que non lles gusta ler se sumen a esta afección que tan bos resultados lles dá na adquisición da súa aprendizaxe académica.

Funcionamento do club
A participación no club de lectura levarase a cabo do seguinte xeito:

1. Escollerase un libro para ler nun mes de entre a escolma do boletín.

2. Se non nos gusta o libro que estamos a ler cambiámolo por outro.

3. En cada sesión marcarase o número de páxinas que temos que ter lidas para a sesión seguinte.

4. Cada semana participarase nun coloquio onde expoñeremos as nosas opinións sobre o lido previamente.

5. Se lemos máis páxinas das marcadas, non se poderá desvelar aos compañeiros do club o seu contido.

6. Anotaránse aqueles fragmentos ou frases que nos fixeron sentir algo especial para lerllos e comentarllos aos compañeiros.

7. Poderase acudir ás reunións aínda que non nos dese tempo a ler as páxinas programadas.

8. Se algún día non se pode acudir as sesións, poderase continuar no club.

9. Participarase coas opinións, dúbidas e suxestións persoais no blog do club.

10. A participación nas actividades que realizará o club serán voluntarias.