As Campaíñas


Albert y el domador de dragones, de David Blanco
 É a portada
NA NOSA BIBLIOTECA


Albert esperaba un motón sus vacaciones, pero nunca hubiera soñado con quedar atrapado en un lugar del que nadie ha logrado escapar. Enfrentarse a un ejército de zombis o huir de un palacio encantado cuyo secreto guardan cinco crías de dragón.
¡Su principal preocupacion no es que las vacaciones se acaben ,sino que éstas no acaben con él!

Recoméndovolo ler porque a min gustoume moito; as historias con animais mitolóxicos son as miñas favoritas!!



GUSTAVO ESPIÑO TURNES

Comentarios (0) - Categoría: Lecturas - Publicado o 25-11-2009 15:08
# Ligazón permanente a este artigo
Crepúsculo, de Sthefanie Meyer
NA NOSA BIBLIOTECA


Este libro é de Sthefanie Meyer, foi escrito no 2007, e tivo moito éxito, como toda a saga que están levando ao cine.

O libro é de aventuras, misterio e amor.

Esta novela vai de que un vampiro se namora dunha humana, pero o seu amor é moi complicado, ata que un día uns vampiros malos apararecen e queren matar á humana e teñen que fuxir.

Este libro gustoume moito porque tiña moitas aventuras e sobre todo moito misterio. Recoméndovos este libro, máis os que veñen a continuación que son: Luna Nueva,Eclipse e Amanecer.

Eu linos todos e son moi bonitos e entretidos.





Noelia González Pereiro (1ºB ESO)

Comentarios (1) - Categoría: Lecturas - Publicado o 25-11-2009 14:56
# Ligazón permanente a este artigo
Los maestros cerveceros, de Van Hanme & Vallés
Esta fin de semana de temporal adiqueime a reler as dúas primeiras partes de Los maestros cerveceros e, claro, non puiden evitar ir a mercar as dúas seguintes. É esta unha banda deseñada, ou unha novela gráfica, como se di agora, de 1994-95, publicada en España por Planeta-DeAgostini dentro da Colección BD, no 2003. Conta a historia da familia Steenfort, unha saga de cervexeiros belgas. Divídese en 8 partes, con catro números dobres. Cada parte pode lerse illada, pero imos querer máis.

O guión é de Van Hanme e os debuxos de Vallés. O primeiro é guionista de series como Thorgal, XIII, Largo Winch e Western. O excelente debuxante francés Vallés ten participado noutras obras, como Dorian Dombre, Bimon Francoeur ou Ráfales. Os debuxos perderon algo na edición española pola redución de formato feita por Planeta, pero aínda así son bos.

A historia comeza a mediados do século XIX con Charles, un monxe circunstancial que traizoa a súa amada e ao seu amigo para facerse coa fábrica de cervexas da súa vila. Aquí comezan as peripecias desta familia nada convencional, enmarcadas dentro dos acontecementos históricos. Non é unha obra redonda, e moitas veces as relacións familiares recordan as telenovelas máis convencionais, pero entretén e engancha. Dos dous tomos que lin me gustou moito máis o primeiro, centrado en dous personaxes fascinantes, pero pouco recomendables como amigos (sobre todo se es un obstáculo para que a cervexa fermente ben).

En xeral, tamén me atraeu o tratamento de episodios históricos, como a I Guerra Mundial e o ascenso do fascismo nos anos 30. A documentación en canto aos feitos, como á ambientación da época é moi boa (roupa, rúas, casas, paisaxe...). En definitiva, máis que recomendable para mozos e mozas amantes da banda deseñada (ou coa suficiente curiosidade como para vencer os prexuízos sobre esta marabillosa arte), da intriga, da Historia ou mesmo dos culebróns. Sen darte conta, a familia Steenfort métese na túa sala de estar e non che apetece nada que marchen. Nunca te aburrirá.


Heladio
Comentarios (0) - Categoría: Lecturas - Publicado o 18-11-2009 19:01
# Ligazón permanente a este artigo
Campos de fresas, de Jordi Sierra i Fabra
NA NOSA BIBLIOTECA


Campos de fresas é un libro de Jordi Sierra i Fabra, publicado en 1997, na súa primeira edición, pola Editorial SM. O autor ten escrito unha extensa e exitosa obra, a maioría dirixida ao público xuvenil: A nave fantastica - Anaya 1996; Nun lugar chamado guerra - Galaxia 2002; Son especial para os meus amigos - Edebé 2003; Contos e poemas para un mes calquera - Planeta Oxford 2006; Do outro lado do espello - Xerais 2007; - Kafka e a boneca viaxeira- Galaxia 2009.

É un libro que a min me gustou moito, porque me gustan os libros que contan feitos que poden ser reais e con personaxes adolescentes.

Trata de un grupo de rapaces que saen unha noite e proban éxtase. A droga contiña "algo" que a Luciana non lle sentou nada ben... entrou en coma. O seu mozo e os seus amigos están averiguando quen lle vendeu esa droga. A única pista que teñen é que as pílulas teñen unha lúa debuxada, e terán que atopalas canto antes porque seguirán no mercado e moita xente, por desgraza, as mercaría o seguinte día de festa.






Uxiia
Comentarios (1) - Categoría: Lecturas - Publicado o 15-11-2009 18:59
# Ligazón permanente a este artigo
Los viajes de Gulliver, de Jonathan Swift
NA NOSA BIBLIOTECA


Jonathan Swift (1667-1745) foi un escritor irlandés. Nace en Dublín e estudia Teoloxía no Trinity College. Trasládase a Inglaterra, onde traballa como secretario e como preceptor. Posteriormente regresa a Irlanda, ordéase sacerdote, e volve a marchar a Inglaterra, onde participa activamente na vida política. A vida amorosa de Swift parece moi interesante, pola súa misteriosa relación cunha rapaza á que el chama Stella, sobrenome de Esther Johnson. Swift foi un home cun carácter moi agudo, o que se percibe ben nas súas obras satíricas. Ademais, foi el quen inventou o nome de Vanessa, tan popular hoxe.

Ademais de As viaxes de Gulliver, Swift escribiu A batalla dos libros, Unha modesta proposición ou o poema Cadenus e Vanessa.
As viaxes de Gulliver ten como título orixinal Viaxes a varias remotas nacións da Terra (en catro partes). Por Lemuel Gulliver, primeiro oficial médico, e logo capitán de varios barcos (Travels into several Remote Nations of the World. In four parts. By Lemuel Gulliver, first a Surgeon, and then the captain of several ships). A obra publicouse por primeira vez en inglés no ano 1726. A edición manexada é unha traducción ó castelán feita por Póllux Hernández.

As viaxes de Gulliver destaca fundamentalmente polo seu espírito satírico. É unha obra narrativa, unha novela, que parodia os libros de viaxes que tan de moda estaban no século XVIII. Nela se narran, como di o título, as viaxes que fai Gulliver polo mundo. Nas súas particulares odiseas, Gulliver chega ós lugares máis disparatados que se poden imaxinar. Moi famosas son as aventuras en Liliput (o país dos ananos) ou en Brobdingnag (o país dos xigantes), aínda que menos coñecidas son aquelas que teñen lugar na Illa Flotante o nos país dos houyhnhnms, uns cabalos excepcionalmente dotados de razón.

Na obra abundan as pasaxes cómicas, pero o humor de Swift é mordaz; manexa a ironía e o sarcasmo de forma maxistral. O branco constante das súas críticas é o home e a súa conxénita perversidade, e repasa unha por unha todas as debilidades do ser humano, as aberracións da sociedade europea da súa época, as corrupcións físicas e mentais ás que todos os homes -pola súa propia natureza e polo feito de vivir en sociedade- padecen, ata o punto que se chega a identificar ó home (ó que lle dará o nome de yahoo) coa mesma maldade. Esta crítica é, dende o meu humilde punto de vista, o mellor da obra, e a sensación que provoca no lector é moi extraña, pois ó mesmo tempo conviven o sorriso e a amargura. Non hai lugar para a esperanza nun mundo dominado por humanos. Sen embargo, a ironía de Swift non só se aplica ó comportamento dos homes, senón tamén ó mesmo fenómeno literario. Swift fai afirmar ó seu personaxe Gulliver que, fronte a todo tipo de invencións que se publican nos libros de viaxes, el só contará feitos verídicos. Esta afirmación repítese varias veces ó longo da obra, e cada vez vai tomando tintes máis xocosos, ata que no último capítulo di: ?Desearía con toda el alma que se promulgara una ley obligando a todo viajero, antes de permitirle publicar sus viajes, a prestar juramento ante el Presidente de la Cámara de los Lores que todo lo que pretende imprimir es, a su leal saber y entender, absolutamente verdadero?.

O libro pode ser lido polo público de todas as idades, sen embargo, non creo que sexa moi recomendable para nenos ou adolescentes, pois estes aínda conservan a inocencia e a confianza na natureza humana, e non é bo pervertir as mentes dos xoves coas amarguras dos adultos, por reais que sexan. Na biblioteca do colexio hai tres exemplares da obra, os tres en castelán.




Comentarios (2) - Categoría: Lecturas - Publicado o 08-11-2009 00:52
# Ligazón permanente a este artigo
O pazo baleiro, de Xabier P. Docampo
NA NOSA BIBLIOTECA


Xabier P. Docampo naceu na Terra Cha, en Rábade (Lugo) en 1946. Foi mestre, traballando durante oito anos en Preescolar na Casa. Ten publicado moitos escritos sobre lingua e educación. Tamén escribiu libros de texto, e traballou en Radio Nacional de España en Galicia e en periódicos. Obtivo numerosos premios, entre eles o Premio 'Rañolas 1994' á mellor obra de Literatura Infantil e Xuvenil en Galicia e o Premio Nacional de Literatura Infantil e Xuvenil 1995, por Cando petan na porta pola noite. O seu primeiro libro é O misterio das badaladas (1986). Outra obras súas son A chave das noces (1987), O país durminte (1992), O home que inventou unha maneira de andar (1998), A viaxe de Purpurina ou a historia dunha pinga de auga (1999), A casa da luz (2002) e A decisión de Valerio (2005).

O Pazo Baleiro, editado por primeira vez en 1997 por Anaya- Xerais, trata dun neno chamado Nicolás que so foi tres días do colexio e non volveu máis. No seu tempo libre lía libros, mentras que cando estaba súa nai, marchaba da casa e agochábase, xa que os seus pais non sabían que él non ia ó colexio. Nicolás non é quen de segui-lo ritmo das clases. Amólalle ir sempre á escola.

Nicolás está engaiolado polo traballo do seu tío Delio, un reparador de vellos reloxos que vive nun vagón de tren abandonado. Nun dese reloxos está o comezo dunha emocionante investigación da man dos seus amigos Ramiro e Sol, únicos cómplices dos seus segredos, cando atopan dentro dese reloxo un cofre con misteriosos obxectos. Entre eses obxectos atópase unha carta que lles dá a clave para saber ónde comeza-la súa investigación: o pazo baleiro.

Este libro está recomendado para nenos dende 12 anos. Este libro gustounos porque é de aventuras.

Noelia e outros (1º da ESO)


Comentarios (1) - Categoría: Lecturas - Publicado o 04-11-2009 21:38
# Ligazón permanente a este artigo
Las luces de septiembre, de Carlos Ruiz Zafón
NA NOSA BIBLIOTECA


Este libro é un dos moitos do autor Carlos Ruiz Zafón, que . É o libro que remata a Trilogía Niebla, novelas de aventuras e misterio. Las luces de septiembre foi reeditado no ano 2007 por Edhasa, despois do gran éxito que tivo o autor con La sombra del viento (2001). O seu libro máis recente e tamén moi vendido é El juego del Ángel (2008).

Las luces de septiembre sitúase nunha gran casa chea de robots. Unhas luces que brilan entre a néboa e unha criatura que vive no bosque convértense no misterio que Irene e Ismael tratan de descubrir un verán en Bahía Azul.

Foi un libro que me gusto xa que me enganchou dende a primeira páxina, é de intriga e de "medo". Recoméndollo a todo o mundo que lle guste a lectura de intriga e algo de medo, sen pasarse.

Este vídeo encontreino en youtube e cóntanos algo que pasa cando entran na casa.



Patricia Pequeño
Comentarios (1) - Categoría: Lecturas - Publicado o 30-10-2009 18:02
# Ligazón permanente a este artigo
Irmán do vento, de M. Lourenzo González
NA NOSA BIBLIOTECA


Irmán do vento é unnha novela de M. Lourenzo González editada por Xerais, gañadora do Premio Merlín de Literatura Infantil e Xuvenil no 2003. Trata sobre un rapaz iraquí chamado Khaled, de quince anos ó que lle gustan as aventuras.

É un rapaz soñador... ó que tamén lle gustan os cabalos. A súa nai morrera e o pai casou con outra muller. A Khaled non lle pareceu mal pero a seu avó e á familia da nai si que llo parecía.

Un día, chegou a guerra a Bagdag e o pai de Khaled marchou a loitar... Ó principio, o pai mandáballe cartas onde lle contaba como era a capital e moi poucas veces mencionaba a guerra, só dicía que aínda non empezara ou que xa empezara pero non lle daba importancia, pero dalí a pouco chegou unha carta que dicía que o seu pai estaba desaparecido.

O rapaz pensou en ir a buscalo porque podía estar en calquera sitio ou incluso podía estar morto... Deixoulle unha carta ó avó. Mentras ía en dirección a Bagdag pasou por moitas aventuras, e ó final logrou chegar e atopouse co seu pai morto. Quixo levalo para a súa aldea e así foi. A Khaled gustáballe unha rapaza que se chamaba Amrah e como se viu satisfeito co seu traballo foi buscala para poder casar con ela pois tamén estaba namorada del. Foi no seu cabalo, Ahu Al-Rih (Irmán do vento)
.


Lucía Villaverde
Comentarios (2) - Categoría: Lecturas - Publicado o 28-10-2009 15:28
# Ligazón permanente a este artigo
Latidos, de Anna Godbersen
Latidos é o primeiro libro da triloxía de Anna Godbersen, publicado en España pola Ediciones Montena, de Mondadori . É unha novela romántica pouco inocente ambientada no Manhattan de finais do século XIX, contando os amores e desamores de mozos de 'boa familia'.

Elizabeht, unha rapaza rica de Nova York morre tras un accidente. Ela non era feliz. Ía casar dous días despois da súa morte porque a súa familia era pobre a causa das grandes débedas que lles deixou seu pai ao morrer. O seu prometido,o cabaleiro de ouro de Manhattan tampouco era feliz, porque en realidade el está namorado da irmá da súa prometida (Diana). Xogador de apostas e bebedor en potencia dá a sensación de ser máis home do que o pintan deixando a súa noiva por Elizabeth....

Anímovos a lelo porque é un libro que con acción, pero ante todo é unha historia de amor.


Aquí podes ler os dous primeiros capítulos

Vanessa M.
Comentarios (0) - Categoría: Lecturas - Publicado o 03-10-2009 11:00
# Ligazón permanente a este artigo
Makinaria, de Carlos Negro
Milleiros e milleiros de mozos arremuíñanse cada fin de semana onda as pistas de terra por onde as poeiras deixan entrever o paso fugaz dos coches de competición. Son os mesmos malotes que buscan a seguinte carreira no GZrally.com e devoran as montaxes do Galiza a ras da finde na Galega. Son os que procuran converterse en heroes da disco o sábado á noite tras xogar no gume da navalla do asfalto, o alcohol e o techno nas madrugadas da comarca. Veñen sendo os que converten o tunning nunha relixión que reclama o salario de todo un mes no andamio.

Aceleracións de vertixe, cheiro a goma queimada, entrarlle á morte en cada curva.

Ferro a fondo, "monta comigo, nena, agora e xa", cheiro a gasolina, a euforia da cocaína, rebentar cos decibelios.

E a historia non ten final feliz, como tantas que se suceden no telexornal. Aquela foi a curva derradeira, rematou a partida real no Need for Speed.

"Ti non entendes nada, Mamá". Claro que entendía a vella, foron moitas noites de insomnio a agardar pola presentida chamada do 061. Podía ser. E foi.


Así é Makinaria, un libro a cara descuberta, espido, real. Un feixe de versos sen moralexa pero doloroso, que por iso mesmo consegue chegar ao lector, interpelalo e, se cadra, lograr que chegue a vello, como desexa o autor para os rapaces de Dodro que lle descubriron o segredo do risco e a velocidade.

Versos que contan historias, a vida de moitos mozos que pode que se recoñezan nun poemario, o que non é pouco.


Román


Thunder Road

Deixa
que os motores
ruxan salvaxes

imos xuntos
queimar
a madrugada

esnifar
unhas cantas raias
da estrada

a tope
cos malotes de sempre

a arrasar
nena

a arrasar
que o día de maña
din que nunca existiu

e ti tes uns ollos azuis
e flipantes
e eu un burato de medo
no medio da chapa do peito

que se cadra ti
esta noite
es quen de encher

agora
corpo a corpo
antes de que oxiden
as horas e a vida
sexa
fume de tubo de escape
unha derrapaxe
en falso
na seguinte curva.
Comentarios (1) - Categoría: Lecturas - Publicado o 28-09-2009 22:31
# Ligazón permanente a este artigo
Club de Lectura
As Campaíñas
CPI don Aurelio
Cuntis

O meu perfil
cpidonaurelio@gmail.com
 CATEGORÍAS
 FOTOBLOGOTECA
 RECOMENDADOS
 ANTERIORES
 ARQUIVO
 BUSCADOR
 BUSCAR BLOGS GALEGOS

© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0