Estas son as palabras coas que iniciei a miña intervención na Feira do Livro de Braga, representando á AELG e antes de tentar resumir (non o conseguín) as nosas actividades.

Que é a AELG?
A Asociación de Escritoras e Escritores en Lingua Galega. É evidentemnte unha asociación profesional, mais ao contrario do que acontecerá noutras asociacións do mesmo tipo, a galega ten un cometido central que é a defensa do noso idioma, elemento previo a calquera outra defensa pois a pervivencia do noso idioma é inexcusábel para a existencia dunha literatura propia, dunha literatura galega.
Por iso mentres outras asociacións centran o seu traballo na mellora das condicións do escritor e da escritora, mellora nos contratos de edición, mellora nas retribucións de conferencias, publicacións e todo tipo de intervencións, a nosa asociación ten que centrar o seu traballo en demandar a normalización da lingua galega e, canda esta reivindicación básica, reclamar unha e outra vez a visibilidade da nosa literatura: nos medios de comunicación, nas librerías, até nas feiras do libro.
Neste contexto, cuestións fundamentais como os noso dereitos, sendo elemento fundamental do noso traballo, quedan moitas veces secundarizadas.