|
|
|
|
|
|
| "treboadas de ósos perdidos" |
|
teño fame
de primavera
de calor contra os ósos
de sol que abra o ceo e o derrame azul
do varredor da Madrugada dos Trapeiros
que me responda ao fin da noite
?mais o que falta en rigor
é varrer o criminal?
varrer o criminal
coas palabras de Susana Chávez
o seu mar de treboadas
de ósos perdidos
varrer o criminal
con todas as palabras sepultadas para sempre
nas gorxas rotas de todas as mulleres
resucitar a súa rabia
contra a fogueira da indiferencia
e o pesado silencio que nos segue oprimindo
lousa que nos rouba a luz
a primavera
"treboadas de ósos perdidos" |
|
|
|
|
| Deixa o teu comentario |
|
|
|
|
|
