acuática


https://martadacostaalonso.wordpress.com/ https://www.facebook.com/marta.dacostaalonso

Xanela de Marta Dacosta
acuatica07@gmail.com
 OBRA
 CONTIDOS
 BUSCADOR
 BUSCAR BLOGS GALEGOS
 Arquivo

Sabor a chocolate
"Escribir comezou producirlle pracer, un pracer íntimo e silencioso, un recollemento onde se atopaba consigo mesma a soas e que lle daba unha paz que até agora non coñecera" Fala de Eleanor Trap, a sobriña de Adrian Troadec, que fixo unha fortuna cunha pequena fábrica de chocolate que logo medrou grazas aos encargos dos americanos que participaran na Segunda Guerra Mundial. Eleanor transformou a fábrica, converteuna na gran fábica de choloclates Trap.

A novela titúlase Sabor a chocolate e o deseño do libro é o dunha tableta de cholocate, un deseño acaído para unha novela en que o chocolate, o seu sabor, é un elemento central: Adrian Troadec pensa en como namorar a Alma, unha violoncelista que toma doces despois dos ensaios, e así xorde unha fábrica de chocolate.

Esta novela de José Carlos Carmona foi gañadora do XIII Premio Universidade de Sevilla (fáiseme curioso que sinalen como feito meritorio que presidía o xurado Arturo Pérez reverte...). Lese de seguido, a novela vai tirando da lectora, e vai deixando ante ela unha historia que coma os elos dunha cadea vai enganchando ante nós personaxes varias e as súas vidas.

A novela está construída nunha especie de estilo de xustaposición en que as pequenas biografías se van sumando para dar lugar á historia da familia que construiu chocolates Trap. Por outro lado está escrita cunha forte predilección polas cláususlas simples, de frases breves en parágrafos breves.

Sabor a chocolate é unha historia fermosa que fala da vontade e do desexo por acadar os nosos soños, malia a amargura.
Comentarios (2) - Categoría: libros - Publicado o 01-08-2009 20:26
# Ligazón permanente a este artigo
Chuza! Meneame
2 Comentario(s)
1 Parece que con ese título deixa o sabor mesmo da libr#blgtk08#a de 70% chocolate. Xa nos abriu o apetito de ler Ac.
Comentario por Hermaco (03-08-2009 09:22)
2 Chocolate amargo e negro, moi negro, ese é o que a min me gusta... Agora até son quen de saborear o de 90% de #blgtk08#cacao, lentamente, claro.
O libro tal vez non chegue a esa pureza do 70%, mais sempre se pode saborear.
Comentario por Acuática (04-08-2009 09:50)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal
Acuática

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0