|
|
|
|
|
|
| Outro acto sobre o 25 de novembro |
|
 Este venres 30, na galería Sargadelos de Vigo, ás 20 horas, terá lugar un acto poético convocado polo BNG baixo o lema: Dá a cara, non viers as costas!
Alí estaremos con Xabier Paz, Mercedes Espinosa, Xerome Calero, Consuelo Comesaña, María Xesus Louzán e Iolanda Veloso, que nos presentará.
Lerei de novo os poemas protagonizados por Ofelia, e tal vez este outro, de As amantes de Hamlet, coa intención de deixar unha nota de optimismo, nun acto que inevitabelmente nos leva á tristura.
Ordenemos o universo
arrombemos constelacións e órbitas
saquemos brillo á Polar
e a todas as que nos guían.
Descolguemos as nubes,
lavar, dobrar, gardar,
as súas extensións inútiles,
incómodas para a viaxe.
Eu son Penélope
e rexeito teas e fíos
non te vou agardar.
Ordenemos o universo
lavemos a cuberta e botemos pola borda
tanto lastre inútil,
e así, sen peso,
co universo ordenado
debuxemos un mapa para a viaxe.
|
|
|
|
|
| 4 Comentario(s) |
|
| 1 |
Non ven ao caso pero lémbarme que arranxando a nao, limpando e tirando o que sobra, o barco navega máis lixeiro, é a sensación que me anima a superar este caos que me rode#blgtk08#a debido a que os pintores que me rodean desorganizan todo o que tantos anos tardei en desordear, atacan ao meu síndorme de Dióxenes máis ancestral. Arrombemos o universo. |
|
|
Comentario por Hermaco (29-11-2007 10:20) |
|
|
| 2 |
Calma!
Arrombemos, si, o#blgtk08# universo á nosa imaxe e desexo. |
|
|
Comentario por Acuática (29-11-2007 14:48) |
|
|
| 3 |
O teu poema recordoume a un que lle escribín hai uns cantos anos a alguén especial para min, un saúdo.
Dame a túa man, invoquemo-las rosas do tempo,
fagamos noso o seu fuxidío respla#blgtk08#ndor,
sexamos cristal.
Fúndete co meu peito nun reclamo
para o inmortal, esquezamos a nosa patética condición, o noso patético poder e
voltemos ó xérmolo das estrelas. |
|
|
Comentario por ekis1331 (30-11-2007 17:31) |
|
|
| 4 |
Pois é unha ferm#blgtk08#osa invitación. |
|
|
Comentario por Acuática (02-12-2007 13:19) |
|
|
| Deixa o teu comentario |
|
|
|
|
|
