(...)


Este blog é un punto de encontro.
Fíxose para acompañar o proxecto dunha peza de teatro que se publicitou na extinta Regueifa.net
"TRILOXIA DAS MINIATURAS" (1999), de Juanjo G Rodicio , peza de teatro (30 páxinas, producto dos obradoiros de dramaturxia de Anxeles Cuña e Begoña Muñoz)na Aula de teatro Universitaria de Ourense, e que descargaran 1500 persoas daquela
. Podes descargala no enlace, e deixarme un comentario.

a imaxe de portada é de ROBER ARAÚJO



Texto teatral publicado na Plataforma A Regueifa.net e que quero compartir convosco, que o leades e comentedes. Por iso fago este blog.
Anque tamén me gusta estar falando de teatro, algo de pelis, e demáis.
As apostas sempre dependen se hai máis xente xogando. Vos diredes.
Se cadra chegamos a vela representada coas vosas apreciacións incorporadas.


A REGUEIFA, é unha verdadeira plataforma de intercambio creativo neste País, en Licencia Creative Commons (emprego non tan restrictivo coma o Copyright). A música emerxente galega e outras expresións visuais e escritas viase flotando alí coma nos volcáns en erupción


Enviade ideas e opinións a@gmail.com,



O meu perfil
 CATEGORÍAS
 FOTOBLOGOTECA
 BUSCADOR
 BUSCAR BLOGS GALEGOS
 ARQUIVO
 ANTERIORES

A obra de Dacosta, ao descuberto
No inicio programa das Festas de Ourense 09, á parte da supermontaxe de Zancalino, pódese ver teatro universitario.

Dende hai lustros, a obra de cada ano de Dacosta, tén esas características propias das obras do dramaturgo ourensán coa compañia Maricastaña:

-Obras corais, nas que todo o mundo fai moitos papeis, e a persoaxe principal pode ser a mesma persoa varios anos.
-Todo o grupo está ao servizo da obra e o director. Se hai talento, ben, senon, se lle supón o esforzo.
-Hai moito movemento escénico, innúmeras entradas e saídas de personaxes, sobre estructuras escénicas en pasillos con alturas, e a enerxía e as voces se impoñen a golpes.
-Téntase facer unha crítica ao Sistema intrínsecamente fascista, e proponse que a salvación sexa a ilusión da xuventude. Policía e outras forzas do orde fascista, interpretadas en paroxismos.
-Unha montaxe de luces impecable que salva xunto coa música, momentos de baleiro de emocións.
-Un apoio dun texto clásico e coñecido, e coas aportacións de traballo interno d+s actor+s.

Logo o "HIDE (oculto)" de Dacosta deste 2009 aporta o seu punto de vista sobre "Dr Jeckill e Mr Hide" de Stevenson. Con certas particularidades escénicas, --á parte da fórmula Dacosta-- son:
-O desdobre de actrices (mulleres ambas)para representar o Mal e o Ben.


Ese conflicto da obra orixinaria é o que se establece entre a procura dalgo novo, e o risco de estirar tanto a dobre personalidade que nalgún intre perdes o control dos teus actos.

Comentando e lendo en moitos foros, o "Dr Jeckill" de Stevenson é unha fábula do alcolismo na fase tóxica, como moitos que saiban poden comprobar.
Tamén o risco que hai no ser humano de ser sinceiro cun mesmo, ou de deixar sacar o salvaxe que tododiós leva dentro.

Comentarios (0) - Categoría: Teatro Galego - Publicado o 21-06-2009 23:54
# Ligazón permanente a este artigo
As cousas hai que pedilas POR FAX
Ourense repite, non vaia ser que lle digan que choveu o festival FAX de música.

Por eso non había que ir a Santiago a ver a Adanowski.

Por eso hai que facer homenaxe ao Suave. Non hai nada como ser un tip+ duro por fora e doce de miolos para ser heavy nos 80.

Suave de Pel


Comentarios (0) - Categoría: outras cousas por fora (e por dentro de min) - Publicado o 19-06-2009 00:17
# Ligazón permanente a este artigo
Fin de Partida

O teatro do absurdo tén mala prensa.

Samuel Becket foi secretario de James Joyce, que tén mala e boísima prensa.


Hoxe ás 21,30 da Sala Nasa de Santiago, unha mistura de absurdo e pánico, coa representación da adaptación de NNC de "Final de Partida" de Beckett, con textos a maiores do enorme Jodorowski

Fin da etapa de xogo? Xogo Final? Fin e Partida? Peche de Xogo? (E iso que a traduciu o propio autor)

Comentarios (0) - Categoría: Teatro Galego - Publicado o 17-06-2009 16:51
# Ligazón permanente a este artigo
Palíndromos somos tod+s
O outro día puidemos ver a curta "Palíndromo", dunha ourensana de pro.
Ben sinxelo semella, pero non o é tanto:

-Unha idea
-Un desenrolo desa idea.
-Unha producción desa idea.
-Unha distribución desa idea.
-E máis

Estudou Comunicación Audiovisual. A alguén lle valeu de algo.

¿Valen para algo as Escolas Artísticas? ¿Ou xa vén todo da Nai Natureza?

Para tod+s as que din "Amo la pacífica paloma"
Comentarios (0) - Categoría: outras cousas por fora (e por dentro de min) - Publicado o 16-06-2009 16:01
# Ligazón permanente a este artigo
Finalmente deu de si, o clown é cultura
Coma se fosemos traballadores que fichan no traballo que é vivir, imos ver se o conseguín. Creo que non se acadou o 50%. Pero que a gusto quedamos.


UN
A visita á Fundación Granell (praza do Toural) debería ser recomendada a todo o mundo mundial. É un privilexio.

-A coleccion de Guy Ducornet, un clásico do surrealismo Boston USA
-A colección do propio Granell, os seus achádegos incuestionables. Alucinei coas bonecas ready-made. Isabel a católica cunha lata de espárragos, e outras belezas.
-E a colección de máscaras que recolleu Granell, no seu exilio.

(Estamos na investigación do Clown
(impresionante a película "El clown y el fúhrer"), o outro día estivo Paco González invitandonos a un curso sobre Clown e Máscaras en Valdeorras, no mes de xullo. E encaixáronme certas pezas)

DOUS
14 libros de ocasión na Feira.


TRES
-Mostra de Curtametraxes de Intermon.
Entre varias e durísimas historias de nen+s bolivian+s de "huele-pega"
había outra impactante dunha xente arxentina que se fai chamar Maniac Planet. A que se proxectou foi a da profesora de armas "ahora no valen lágrimas"

CATRO
-A 10ª Festa do Circo foi un superlativo colofón ao día que empezou noutro universo paralelo.

Por eso merece unha Entrada á parte.
Como cada unha das cousas do venres 12.
Para rir, e para chorar.




Comentarios (0) - Categoría: outras cousas por fora (e por dentro de min) - Publicado o 13-06-2009 18:59
# Ligazón permanente a este artigo
Quen da máis?
A verdade é que está ben dificil escoller nesta vida.
Andando pola capital, un hoxe calquera, unha persoa calquera pódese topar cun carrusel de estímulos coma no Circo mesmo.

0 Ás 4, O artista surrealista na Granell
1-Ás 5, Os desexados e benqueridos libros de ocasión, na Alameda
2-Ás 6, +s tocador+s de historias, no Museo do Pobo.
3-As curtas con enfoque didactico social, na sala da Caixa
4-Ás 8, a peli galega da novela galega da novelista galega
5- ÁS 9,30, O propio carrusel do Circo Galego

Esto parece o da enquisa. Marque o número que lle conveña. Ou tamén, "BAilad, Bailad, Malditos"
Comentarios (0) - Categoría: outras cousas por fora (e por dentro de min) - Publicado o 12-06-2009 16:38
# Ligazón permanente a este artigo
DECALOGO APURADO DE CINE
Coma Moisés que alucinou co dos 10 mandamentos, e vaite ti saber a pelicula que pasou na realidade, con aquelo da matogueira que ardía e lle falaba ;)

Decálogo apresado de porfavores do cine u-tópico (onde está o tópico?)

1.- Os diálogos, mellor simplificados ca simplistas.
Agochan unha merla en cada esquina, en cada xiro, en cada resposta.

2.-As personaxes teñen dereito a defenderse e explicarse, anque non a contarnos a historia que tén que contar o guión e a dirección.

3.-Os planos, son acompañamento ao estado emocional das persoaxes, e do que terán as espectadoras.
Para describir non só se fan pinturas ou fotografías. En canto ás descricións da literatura, o punto 2.

4.-Unha vez que se entende o visto, sempre pode quedar algo de misterio, pero nunca de obviedade ou redundancia. Antes co caro do celuloide esto estaba máis claro.

5.-Todas as historias están por contar, outra vez, de novo. Pero cada punto de vista persoal é obviamente único. Explorar os tópicos é un homenaxe á tradición, e vivir das súas rendas unha traición.

6.-O tópico é a pedra para a escultora: algo a labrar. A pintura para a pintora: algo a desfacer e expandir. O papel para a escritora: algo a encher.

7.-O cine ás veces é un espello, ás veces unha palla, ás veces unha apaleadora. Pero tamén unha linguaxe artística. Tanto a evasión coma a fondura estética poden artellarse.

8.-O que contas, máis o que evocas, máis o que se interpreta.

9.- Son posibles mil historias, da combinación dos anacos. Hai unha historia distinta con tan só un suspiro de máis.

10.- Non hai máis remedio ca escoller. Escoller é propoñer. E para escoller hai que recoller antes. E despois de escoller coallar.



Deste decálogo-opinión, só hai un único culpable. O que asina. (por se alguén se sinte aludid+)
Comentarios (1) - Categoría: outras cousas por fora (e por dentro de min) - Publicado o 04-06-2009 16:06
# Ligazón permanente a este artigo
OURENSE xoven quédase CURTA, si
De súpeto, dentro da multiactividade do Maio Xove da Casa da Xuventude, Ourense énchese de cultura varia, xuvenil e adulta.

Podes descargar o programa


Naquela altura, o 21 de maio preséntanse varias curtametraxes realizadas por realizador+s ourensáns.

Tamen este venres 8, unhas poucas desas curtas se presentan no entorno do Programa da Intercultural, na Universidade.

Unha boa maneira de ver o que hai. E o que resta por facer. ¿Será repetirse? Haberá que velo
Comentarios (0) - Categoría: Xeral - Publicado o 06-05-2009 19:15
# Ligazón permanente a este artigo
O TEATRO casi mudo, fala máis alto
Hoxe vin a Yllana, a compañia de teatro xestual máis canalla que El tricicle, e con menos palabras que Leo Bassi.

Falaban de Brokers, 4 fulanos desalmados, do pior, do que nos rimos a eito.



¿Se te ris dunha inxustiza mellórase algo ou simplemente eliminas a propia mala baba?

Rirse é distanciarse. E tamén se distancia a boxeadora para golpear máis forte.
Comentarios (0) - Categoría: Teatro Galego - Publicado o 22-04-2009 02:04
# Ligazón permanente a este artigo
Limpar a mirada neste teatro da vida


Ir de museos en Compostela un dia de sol coa luz dura do mediodía cara a luz difusa da tarde.
Aproveitas 4 cousas de 100, e recoñeces as redundantes.
Hai proxectos artisticos que teñen algo para min.
-O proxecto de casas-carromato para xitanos de Portela no 71, o cartel da primeira expo de comic no Circulo de santiago no 73, ou o do festival folc-cantautor. As imaxes anotadas como scout de cine para facer os finais tristes das pelis danesas (o final feliz para mercado yanki, final obrigado triste para a u.r.s.s.
E outros que precisan de explicación para saborealos.

Logo pasearte polas rúas de pedra, os anxos, os demos-gárgola, as virxes marías, os tirantes lonxiverticais da catedral que a elevan ás alturas. Nos muros das casas amósanse recordando todas as esceas do libro da relixión predominante.
Por eso o museo é a catedral civil

Mirar para fora. mirar para dentro, nesta FEsta da Lúa chea da Primavera.
Mirar o conxunto. Coñecer os filtros da realidade.
Ou será o café.
Comentarios (0) - Categoría: outras cousas por fora (e por dentro de min) - Publicado o 05-04-2009 20:22
# Ligazón permanente a este artigo
Preparando as 24 hrs de teatro en Ourense
Xa vai ser a cuarta convocatoria:

no marco das Teatradias (26 a 29marzo), na Casa da Xuventude de Ourense

pasaremos 24 horas arredor de un escenario (ben, van ser 5 ou 6 escenarios)

Para ver, crear, producir e ver un espectaculo en tan so 24 horas.

E iso solo vai ser unha parte do que se faga


esto empezará o 27 venres polas 10, e seguirá ata o 28 ás 10.

Parece que haberá:
-Maxia, Malabares, Match de improvisación, capoeira, por suposto mostras de esceas de teatro (como non, a escea de Blanca), pelis de cine, e durmida colectiva.
E para saber xa: a festa da persoaxe este ano será de Comics de Superheroes)

Mentras, vari+s pringad+s (estades invitad+s) terán/emos que escribir sobre 2 palabras ao azar unha pequena peza, a sumar con outras para representarse (se se prepara a xeito) polos 5 pisos e salas da CAsa da Xuventude de Ourense e olé.


Comentarios (0) - Categoría: outras cousas por fora (e por dentro de min) - Publicado o 10-03-2009 01:12
# Ligazón permanente a este artigo
Antroidos (un cada persoa)
1. No interior fai falla máis morro
Un alumno disfrázase de Pirola-man en Lalín e gaña o concurso de difraces con xurado de profes. Vai de parella cun travestido perfect+. Concursan co eslogan "Amigos inseparables".

2. Irrecoñecible en Xinzo
-¿E ti de que vas disfrazad+?
-Joderrr, que vou de Ángel


3. Freud en Verín
-Oes, e logo esa "mascarita" que lle está metendo man ao meu mozo non se parece a miña nai?
...
-Oes nena, non saberás onde está túa nai, que a perdín de vista hai media hora?

4.-


5.-


6.-

Comentarios (2) - Categoría: outras cousas por fora (e por dentro de min) - Publicado o 23-02-2009 15:42
# Ligazón permanente a este artigo
REGRAS BASICAS PARA O ANTROIDO SEN REGRAS

Regras básicas:
-Comete excesos (chega a primavera).
-Descolócate, inventa, proba, divirte e divirtete.
-Non repitas disfraz ningún día.
-Non lle contes a ningúen de que vas ir disfrazad+. Non eres ti.
-Nun disfraz Vale todo. O Antroido é o Mundo ao revés (ou todo á vez).
-Observa, interacciona e aporta a túa enerxía persoal.
-Vai a onde se garde unha boa tradición de Entroido (o Entroido non son caralladas, é unha manifestación telúrica antropoxénica...

Anque:
...de carallada)
...Podes repetir disfraz, se gusta moito (total...)
...Podes preparar o disfraz con alguén para pasala mellor aínda. Se sodes 3000 mellor
...Podes crear o teu propio antroido, anque sexa portas para dentro.
...Podes mirar só, ou escoitar que foi, ou deixalo para outra.


Non é o Teatro máis fondo que existe?




Comentarios (0) - Categoría: outras cousas por fora (e por dentro de min) - Publicado o 19-02-2009 16:37
# Ligazón permanente a este artigo
EN VEDRA NON SE QUEDAN CURT+S
Levan 15 días de Xornadas de Formacción Audiovisual en Vedra e teñen miga para rato.

O sábado 14 na Casa dos Peóns,(a pé de N-525) houbo unha sesión ben variada de curtametraxes, cada unha aportando súa visión da arte e do mundo:

-Unha coa gravación da realidade parecendo máis ficción
-Outra coa gravación dunha escea de teatro e sol.
-Outra coa gravación en imaxe real dunha historia de mesmo debuxos animados
-Outra coa gravación dun elemento moi cinematográfico: a bici. Gran fotografía.

Foi mágoa non poder ver o recén forneado traballo de Lara Bacelo "Varona (parirás coa dor). En vez dese , viuse "Territorios (I)", que impresionou igualmente (sobre todo por unhas curiosas imaxes dunha das persoas ourensáns máis relevantes e universais) /vexan e adiviñen, hai premio/

O sábado 15 queda o fin da festa.
A min quédame o regusto do aprendido.

Noraboa á Asociación Verea
Comentarios (0) - Categoría: outras cousas por fora (e por dentro de min) - Publicado o 15-02-2009 01:46
# Ligazón permanente a este artigo
Cine independente galego (I)
O primeiro as miñas desculpas. Non vou de listo.
Seguimos con cineastas independentes: ¿como relacionar Jim Jarmush con Galicia?

O cine galego ándase buscando. Non tén identidade. Por eso hai xente á que se lle asocia con coñecidos cineastas.

Plantexemos un caso práctico (e real):
Temos dous cineastas galegos (que vostedes terán que buscar, porque non vou dar nomes, polo de agora). Aos dous asóciaselles con Jim Jarmush.

-Un deles quere ser a próxima xeración do cine galego. Ao outro dalle absolutamente igual.
-Un deles fará pelis ( e outras obras artisticas)durante varias xeracións. En tódolos formatos posibles. O outro depende.
-A un deles déronlle varios centos de miles de euros para facer unha peli. O outro búscase bastante a vida.
-A un deles non lle gostan os saraos, compadreos, capeliñas, e vai ao seu.
-A un deles déronlle moitos premios.
-A un deles dinlle que é moi radical e independiente nas súas propostas.


¿Que cren vostedes que acontecerá? (co cine galego, e con estas dúas persoas)


Comentarios (3) - Categoría: outras cousas por fora (e por dentro de min) - Publicado o 09-02-2009 02:00
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0