| Blog do EDLg do Colexio Plurilingüe Divina Pastora Franciscanas de Ourense |
|
| O meu perfil |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
| O porteiro do Ourense recoñece que estou a desexar viaxar e que empece todo |
|
O porteiro do Ourense recoñece que estou a desexar viaxar e que empece todo', en relación á eliminatoria de ascenso ante o Laudio
Aos seus 27 anos, o meta uruguaio Pato é un dos veteranos no equipo do Ourense, e sen dúbida unha das pezas crave nos ourensanistas para a promoción dos campións que mañá se pon en marcha, e iso a pesar de que en España nunca disputou un play off.
Agora, co Ourense, estrearase na loita polo ascenso, nunha fase á que lle ten unhas ganas moi especiais: 'A miña primeira tempada aquí logrei 80 puntos co Atlético Monzón, pero non nos serviu para alcanzar a promoción, e a tempada pasada desdencí con La Muela, por iso espero que esta promoción sexa moi especial para min e, por suposto, para o equipo e a cidade. Será a miña primeira promoción en España pero en Uruguai xa xoguei moitos partidos de similares características'.
O meta do Ourense non ten ansiedade pero si ganas de que o balón comece a rodar no campo de Ellakuri: Estou a desexar viaxar xa e que todo empece, pero estou tranquilo porque confío nas posibilidades do equipo. Será algo moi especial, por todo. Polo equipo, no persoal, pola cidade, e porque todos queremos estar en Segunda B a próxima tempada. Supón unha responsabilidade porque o ascenso é un desexo que dende hai tempo ten toda a xente e é o momento de demostrar, sen perder o respecto por ningún rival, que somos o Ourense e que queremos e imos ascender'.
José Santiago Rodríguez
1ºB-Bacharelato |
|
|
|
|
| SOMOS COB! |
|
 Comeza a batalla final para a promoción. Esta noite (21 horas) no Pazo , o COB fai o primeiro partido do ascenso final á LEB Ouro co Prat, o filial do Joventut nun play-off a mellor de cinco xogos que ofrece tempo, igualado e cheo de tensión e emoción.
A loita por un lugar na LEB Ouro comeza hoxe e o mañá non importa ata que comece. Nesta rolda, o resultado dun partido non debe influír no próximo e tan importante para o COB engadirá tres vitorias cando e onde. Aínda que ninguén ten consciencia de que xogar no Pazo da un extra para o equipo que está confiado e forte opcións que eliminan a calquera adversario, especialmente coa presión e o ambiente xerado.
Hoxe será a clave para o apoio do público e o número de fans que vaian o Pazo, xa que o ascenso é unha cuestión de club equipo, e os fans. O Pazo non fallará e os xogadores tamén. Se isto ocorra, imos ver como iso afecta un rival de gran calidade, incluíndo a experiencia en competicións esixentes, pero pola súa xuventude ten que ver como responden á presión do Manor.
Esta rolda final, como en todo o desgaste dunha longa tempada e uns poucos playoffs extenuantes no caso do BOC, con dous equipos de cualificación para o límite antes de vascos, ademais de factores específicos para o xogo hai lesións, problemas de fatiga física ou sobre os xogadores. Bo traballo e días de descanso semanal fixeron posible para todos os xogadores dispoñibles para Rafa Sanz.
Durante 40 minutos, esquecer-se sobre calquera accidente e dar o 100% para marcar o primeiro punto da serie. En nove días saberemos se o COB volta á LEB Ouro, pero na pista.
"Temos que xogar sen medo e con determinación, como sempre nos partidos clave»: Rafa Sanz, Técnico do COB
Noelia Fernández Paradela
1ºB-Bacharelato |
|
|
|
|
| A Xunta retrasa as obras da área industrial de Pazos |
|
.jpg) O encargo da ampliación aínda non ten data pese a que o prazo expirou o pasado 29 de marzo
A adxudicación do proxecto de ampliación do polígono industrial de Pazos (Verín) xa acumula mes e medio de retraso. A Xunta, a través da empresa pública Xestur Ourense, licitou as obras o pasado 22 de febreiro cun presuposto de 2.379.394,24 euros e os empresarios tiñan, segundo recollen as bases da convocatoria, ata o 20 de marzo para presentar ofertas co obxectivo de abrilas nove días despois, o 29 de marzo, e adxudicar as obras á que mellores condicións ofertara.
Marta Dacal
1ºB-Bacharelato |
|
|
|
|
| Ferrín di que o Día das Letras serve para «pensarmos Galicia» |
|
 No acto organizado pola Xunta no CIFP Valentín Paz Andrade, o presidente da Real Academia Galega destacou que «cada vez que se proclama o autor do Día das Letras Galegas concéntranse todos os focos sobre esa figura e esa época, que é analizada e diseccionada». «Entramos no Día das Letras Galegas cunha idea do autor e terminamos con esa idea transformada ou, nalgúns casos, completamente trastocada, porque vamos descubrindo ao autor e a súa época ao longo de todo o ano», explicou Méndez Ferrín, que destacou que por iso «o Día das Letras Galegas serve para pensarmos Galicia». O presidente da RAG salientou a faceta política do autor homenaxeado e lembrou que, «desde 1917 ata a transición democrática, Valentín Paz Andrade está sempre aí, en todas as encrucilladas».
Elena Corral Fernández
1ºA Bacharelato |
|
|
|
|
| Triunfa o cine galego o 17 de Maio |
|
 Coincidindo co Día das Letras, o cine galego e en galego volveu pedir onte paso nas salas da cidade. A estrea de Vilamor serviu, ademais de para ver a película por primeira vez en Ourense, para reivindicar o papel deste sector en Galicia.
Con dous meses de promoción nas costas e 12.000 quilómetros percorridos por toda Galicia, Vilamor proxectouse onte por primeira vez en Ourense.
A expectación foi tal que as 284 localidades da sala cinco non foron dabondo e Cinebox tivo que habilitar outra máis para atender á demanda. Á fin e ó cabo, non todos os días tres dos catro protagonistas dunha estrea son ourensáns -o director, Ignacio Vilar, e os actores Rubén Riós e Xoel Yáñez-. Eles, xunto a actriz compostelá Sabela Arán, presentaron a película perante os espectadores mesturando a emoción de ser profeta na terra -'é acojonante. Dá gusto', dixo Yáñez- coa reivindicación do cine galego.
'Estar na gran pantalla é importante, por iso, se vos gusta a película, recomendádea. Necesitamos encher as salas para seguir facendo cine galego', dixo Vilar, despois de apostar polo audiovisual como elemento para 'crear riqueza e dar a coñecer o noso'. Minutos antes, Rubén Riós pedira apoio para que 'Galicia estea na gran pantalla', como estará, dixo, a través da promoción de Vilamor no festival francés de Cannes e, unha semana despois, no de Cans (Porriño).
PHOTOCALL
Os protagonistas estaban na casa e así quedou reflectido non só nas súas intervencións nas salas senón tamén no photocall previo á proxección do filme. Os seus familiares e amigos déronse cita no centro comercial Ponte Vella, como tamén o fixeron representantes da cultura e a política ourensás, ademais de anónimos que quixeron ver de primeira man como é unha estrea. Tamén houbo algún que outro cazaautógrafos.
Diante dun gran cartel do filme pousaron ante as cámaras cos protagonistas o conselleiro de Cultura, Jesús Vázquez; o secretario xeral de Normalización Lingüística, Valentín García; o presentador televisivo Xosé Manuel Piñeiro, a cantante María do Ceo; o director do Centro Cultural da Deputación, Francisco González; a directora de Sarabela Teatro, Ánxeles Cuña; o director de Queixumes dos Pinos, José Antonio Viñas; o director da Academia Postal, Francisco Nóvoa; e o expresidente da Deputación, José Luis Baltar, coa súa dona, Alicia Blanco.
Tampouco quixeron perder a proxección a alcaldesa de Cartelle, Carmen Leyte; a concelleira de Educación de Ourense, Ana Garrido; e o subdirector de La Región, Miguel Sánchez, entre outros. Os actores e o director de Vilamor pousaron ademais con distintos grupos, como o que organizou unha cea benéfica en Carballiño na que eles participaron.
Como mandan os cánones da promoción, todos os que pasaron polo photocall -dende cativos a avós-, atoparon cun sorriso a director e actores, unha expresión que tampouco se lles borrou da cara cando viron chea a sala máis grande do Cinebox (tamén o estaba a pequena) -'as veces os soños convírtense en realidade', dixo Vilar-. A partires de aí, e con dúas horas de película por diante, só quedaba rir, chorar e 'pasalo incriblemente ben', igual que, segundo dixo Yáñez, fixeron os que traballaron na película. A promoción de Vilamor en Ourense queda agora nas mans dos espectadores.
Magdalena Sepa Vázquez 1º A
|
|
|
|
|
| Nomes máis habituais en Galicia |
|
 Manuel é o nome máis común entre os homes galegos, e María del Carmen o máis habitual nas mulleres, de acordo cos datos do Instituto Nacional de Estatística (INE) actualizados a 1 de xaneiro e publicados hoxe.
En total, son 85.157 os homes chamados Manuel nacidos nalgunha das catro provincias, A Coruña (34.609), Lugo (11.761), Ourense (10.974) e Pontevedra (27.813), mentres que María del Carmen é o nome de 29.220 mulleres e lidera o ránking Pontevedra.
José é o segundo nome máis común entre os homes, con 68.702 rexistros; e María entre as mulleres, con 48.315.
Os nomes tradicionais gañan por goleada aos antropónimos de orixe estranxeira. Con todo, Galicia xa conta con 857 homes chamados Kevin e 1.342 mulleres que foron bautizadas como Jennifer.
Sara Carroceda González, 1ºA Bacharelato |
|
|
|
|
| QUE AGOCHA O BIEITO XVI NA SANTA SÉ? |
|
 A publicación dunha serie de cartas confidenciais do papa BIEITO XVI sobre temas candentes, como as intrigas do Vaticano ou os escándalos sexuais do cura mexicano Marcial Maciel, nun libro escándalo xera desconcerto en Italia fronte á inédita filtración.
Un resumo do libro, que sae o sábado en toda Italia co título A súa santidade, as cartas secretas de BIEITO XVI, escrito por Gianluigi Nuzzi, autor do exitoso libro Vaticano SA (Vaticano sociedade anónima), sobre as finanzas da Santa Sé, foi publicado o venres polo diario Il Corriere della Sera.
Baseado en cartas confidenciais dirixidas a BIEITO XVI e ao seu secretario persoal, Georg Gaenswein, o libro describe manobras e confabulacións dentro do Vaticano e inclúe informes internos enviados ao Papa sobre políticos italianos, como Silvio Berlusconi e o presidente da República Giorgio Napolitano.
Igualmente trata os enfrontamentos coa chanceler alemá Angela Merkel sobre os que negan o Holocausto, e as confesións do secretario histórico do fundador da Congregación Mexicana Lexionarios de Cristo, Marcial Maciel, acusado de abuso de menores de idade e de ter unha dobre vida con dúas esposas e fillos.
Nuzzi tivo acceso, posiblemente a través de funcionarios da Secretaría de Estado, a centenares de documentos, incluíndo algúns que levan o selo «Reservado» ou que foron elaborados pola mesma secretaría.
Trátase da peor filtración de documentos vaticanos na historia recente do Vaticano, que por agora non se pronunciou oficialmente sobre o tema.
Carlos Álvarez Ramos, 1ºA Bacharelato |
|
|
|
|
| A ROMARÍA RAIGAME DE VILANOVA DOS INFANTES ÉNCHESE DE XENTE |
|
 Máis de 10.000 persoas xúntaronse onte na romaría que se celebra todos os anos en Vilanova dos Infantes. Esta romaría medieval recrea cada ano a vida rural e as actividades dos artesáns galegos.
Este ano, Vilanova dos Infantes vive unha nova edición, a da romaría Raigame, organizada pola Deputación de Ourense e organizada polo Centro de Cultura Popular Xaquín Lorenzo que converte cada ano a Vilanova nun punto de encontro de milleiros de persoas de toda Galicia e Portugal.
Cesteiros, oleiros, zapateiros, canteiros, zoqueiros, ferreiros e moitos outros artesáns, tanto veteranos como novos, repartíronse polas rúas do burgo medieval para achegar o seu oficio aos visitantes de Raigame. A romaría etnográfica, que este ano estreou a súa condición de «Festa de interese turístico de Galicia», tense convertido na cita máis importante das que se celebran o 17 de Maio na provincia de Ourense. Á primeira hora da tarde o Concello de Celanova adiantaba que por Vilanova dos Infantes pasarían ao longo deste día máis de 10.000 persoas, e así foi, verdadeiramente un éxito.
Alba Fernández Castro, 1ºA Bacharelato
|
|
|
|
|
| O IRPF sairá a devolver ao 76% dos contribuíntes |
|
 Un total de 106.381 ourensáns ingresarán unha media de 566 euros, e 28.843 terán que pagar. Un ano máis toca rendir contas coa Axencia Tributaria. Ata o 2 de xullo está aberto o prazo para presentar o Imposto Da Renta das Persoas Físicas (IRPF) correspondente ao ano 2011, trámite que en Ourense deberán realizar 139.966 contribuíntes, segundo as estimacións que manexa o organismo tributario. Trátase de case 2.000 menos que no exercicio precedente.
Marta Dacal
1ºB-Bacharelato |
|
|
|
|
| Vigo e Compostela albergarán os actos oficiais do próximo 17 de maio. |
|
Vigo e Compostela albergarán os actos oficiais do próximo 17 de maio.
Non será no seu barrio natal de Lérez, en Pontevedra, senón en Vigo e Compostela onde se desenvolverán este ano os actos institucionais de homenaxe a Valentín Paz Andrade, protagonista do vindeiro Día das Letras Galegas. A Xunta presentou onte en Santiago o seu programa de actividades, que se centra nos tributos que o día 17 recibirá o autor de Pranto matricial e Galicia como tarea
O conselleiro de Educación e Cultura, Xesús Vázquez, que estivo acompañado do secretario xeral de Cultura, Anxo Lorenzo, e o secretario xeral de Política Lingüística, Valentín García, anunciou que a Xunta asistirá aos actos convocados pola Real Academia en Vigo, onde celebrará esa xornada unha sesión plenaria extraordinaria en memoria de Paz Andrade na sede da Fundación Barrié.
Mostra
Á conclusión do acto académico, o Goberno galego inaugurará no Centro Integrado de Formación Profesional de Vigo que leva o nome do autor homenaxeado unha exposición multimedia sobre as facetas literaria e xornalística de Valentín Paz Andrade.
Xa pola tarde, a Consellería de Cultura trasladará as celebracións do Día das Letras Galegas ao Gaiás, onde a poeta Yolanda Castaño protagonizará un recital dentro do seu proxecto Tender a man. Desde a consellería subliñaron onte que todas as persoas que visiten durante estes días o complexo arquitectónico deseñado por Peter Eisenman recibirán como obsequio «unha postal conmemorativa das Letras Galegas co poema As palabras».
Máis alá das cerimoniais oficiais, desde a Consellería de Educación e Cultura destacaron o labor que se está a facer estes días tanto nas escolas como nas bibliotecas galegas para difundir a obra e a biografía do xornalista, empresario e escritor a quen se lle dedica este ano o 17 de maio.
Aida González
1ºB-Bacharelato |
|
|
|
|
|
|
|
|
|
