A Universidade de Santiago de Compostela (USC) é a sexta das 76 universidades españolas avaliadas polo seu compromiso na difusión do software libre. A comparativa realízase baseándose no indicador IDSL, no que a USC alcanza o 53,9% fronte aos 34,4 de 2015, edición respecto da que mellora dúas posicións.
Así se desprende do Ránking de Universidades de Software Libre (RuSL) na súa edición de 2016, unha comparativa especializada que clasifica as universidades en función de 65 indicadores que miden o traballo que realiza cada unha delas no ámbito do coñecemento libre dende todos os seus estamentos.
En total avaliáronse 11 dimensións: Produción, Colaboración externa, Investigación, Axuda, Docencia, Cultura en software libre, Tecnolóxicos, Divulgación, Webmetría, Institución e Administración. Cada unha delas ten á súa vez unha serie de indicadores de valor específico.
A USC sitúase no primeiro posto nos apartados relativos aos recursos tecnolóxicos utilizados e baseados en Software Libre e no ámbito da axuda e o asesoramento, tanto a empresas coma a outras administracións públicas.
En docencia ascende ata o terceiro posto, incluíndo actividades formativas específicas, así como en colaboración externa (número de comunidades e proxectos SL, tanto de España como de fóra, cos que mantivo colaboración) e no apartado institucional, ao ter titulacións estudios técnicos e plans para a promoción do SL.

Esta cátedra está dirixida por Manuel Rivas xunto con dous activos membros da colectividade galega: o historiador Ruy Farías na dirección académica e de investigación; e a xornalista Debora Campos na dirección executiva.
En Bos Aires xa funcionaban outras dúas cátedras, a Alfonso R. Castelao na Universidade de Bos Aires e a Cátedra de Estudos Galegos de La Plata.
Esta cátedra, que forma parte do programa Lectura Mundi desta universidade, pretende ser ?un espazo de reflexión crítica, investigación e difusión da cultura, a historia e a realidade de Galiza, tanto da 'metropolitana' como daquela outra esparexida polo mundo, especialmente a que se desenvolveu ou a que tivo contacto coa Arxentin, historicamente o maior destino mundial da emigración galega?.
Para isto, levará adiante distintas actividades durante todo o ano, que contemplan a investigación, a xestación e difusión de eventos artísticos e intelectuais e o intercambio con outras institucións culturais e de estudos galegos, tanto no país como noutros puntos do planeta.
A presentación terá lugar o martes día 26 na sala Alfonsina Storni da Feira do Libro de Bos Aires, e participarán, ademais de Manuel Rivas, Ruy Farías e Debora Campos, a escritora galego-arxentina María Rosa Lojo e Mario Greco.

Neste mesmo mes de abril, pero do ano 1991, saía á rúa o primeiro número de ?ECO, a Revista do Eixo Atlántico", editada por "Equinoccio", que cumple polo tanto un cuarto de século de vida, algo loable dentro do complicado mundo editorial, tan castigado pola crise económica nos últimos anos.
Un número moi especial porque cumprir 25 anos "significa que non é flor de un día, senón que veu para quedarse", como dí o presidente da Xunta, Alberto Núñez Feijóo, na súa felicitación, asegurando que "nos tempos que corren, non é un éxito menor"
Para conmemar a efeméride, a revista saca a rúa un número especial de 54 páxinas. O seu presidente e fundador, Gonzalo Vázquez Pozo, lembra na editorial a época en que a revista viu a luz indicando que "naquel intre os retos que preocupaban a sociedade galega eran, entre outros, a construcción naval, as cotas de pesca e do leite, as conexións coa meseta... e fortalecer o sistema de financiamento galego". Cambiaron moito as cousas neste cuarto de século? Para Vázquez Pozo  "gran parte das preocupacións de entón seguen estando presentes na sociedade galega hoxe, ampliadas e agravadas polo paso dos anos, polas carencias derivadas e polos efectos negativos que provocou a perda de confianza e credibilidade dos sucesivos gobernos".

Un rapaz de 14 anos de idade matou a golpes e navallazos á súa ex-parella de 11 anos na cidade mexicana de Monclova, no estado de Coahuila, segundo informa o diario mexicano Excélsior.

A nai da menor, que foi identificada como Diana Lizeth, atopou á súa filla tirada no chan preto da súa casa con golpes en varias partes do corpo e feridas xunto ao pescozo.

Segundo testemuñas consultadas polos medios locais, o mozo mandaba mensaxes amenazantes ao móbil da nena e recoñecería levar a cabo este crime machista por celos.

O goberno local de Lalín, unha coligazón a catro presidida por Rafael Cuiña (Compromiso por Galicia) presentará no vindeiro pleno municipal unha moción para ?promover a liberdade de conciencia e a non confesionalidade institucional do Concello?. A iniciativa procura garantir o principio recollido na Constitución de que ningunha confesión terá carácter oficial no Estado. A moción quer que as ?outorgar ás institucións públicas de carácter público a calidade de aconfesionais?. A finalidade, explica, garantir a liberdade de conciencia e a independencia da administración pública.

Entre os puntos que recolle esta moción está a ?supresión de todo tipo de simboloxía relixiosa nos actos oficiais e nos espazos de titularidade pública que dependan do Concello?. Tamén propón que ?os membros da corporación local e o persoal ao servizo da administración municipal non mostrarán, no exercicio do seu cargo ou das súas funcións, ningún xesto de submisión ou veneración de persoas ou imaxes relixiosas?. Tampouco se fará doazón ou se facilitará solo público nin locais, así como achegas públicas ou bonificacións fiscais para a instalación de infraestruturas ou actividades de confesións relixiosas.

Sofía Fernández Martínez, 2º de Bacharelato.

Un grupo de asociacións e persoas constituíron en Ourense unha nova plataforma denominada "Abrindo fronteiras" para esixir ás diferentes institucións que poñan en marcha "todas as accións necesarias" para frear "a barbarie" dos refuxiados.

Os promotores da nova plataforma consideran que as "políticas occidentais, principalmente as europeas, están a colaborar fondamente na desestabilización de Oriente Medio, provocando que centos de miles de persoas a convértanse en refuxiadas políticas".
Como unha das primeiras medidas, este colectivo avanzou a súa adhesión á convocatoria galega que terá lugar hoxe en Santiago, e tamén participará o día 28 nunha acción na rúa do Paseo de Ourense, na que tratarán de facer visibles os problemas de zonas fronteirizas.

Laura Pérez Madriñán, 2º de Bacharelato.

Coincidindo coa celebración do Día do Libro, os alumnos do IES Xelmírez I saíron onte á Alameda para ler de xeito ininterrompido durante 4 horas textos cos que intentaron chamar a atención sobre a situación das persoas que buscan asilo. Así, doce grupos de alumnos sorprenderon aos paseantes con poemas, relatos breves e reflexións en inglés, francés, castelán, galego, portugués, alemán, árabe e rumano: linguas que falan os alumnos do centro. Durante a lectura, ademais, varios voluntarios de Cruz Vermella deron información sobre a situación dos refuxiados, nunha actividade que se complementa cunha exposición fotográfica composta por varias imaxes sobre refuxiados e textos de Don Quixote.

Irene Iglesias Bastos, 2º de Bacharelato.

[1] [2] 3 [4] [5] [6] [7] [8] ... [11]