Canalizar a expresión artística da mocidade ourensá a través dun espazo online ao que poder subir música, literatura, pintura, escultura, cinema, fotografías, danza, teatro, poesía, moda, ilustración ou calquera outra disciplina. Con ese obxectivo, o Concello de Ourense, a través da área de Xuventude, pon en marcha unha plataforma baixo o nome "Guía da mocidade creativa", que levará a cabo desde o espazo Lusquiños dá Mocidade, de carácter gratuíto e coa pretensión de crear un amplo catálogo que sirva de lanzadeira profesional aos ourensáns con idades comprendidas entre os 14 e os 35 anos sen experiencia laboral.

Os obxectivos que persegue esta guía van desde estimular a actividade creativa entre os mozos, incentivar o espírito participativo e colaborativo en proxectos de cidadanía activa ou fomentar o asociacionismo xuvenil a través da creación de grupos (de teatro ou musicais, entre outros). A maiores, segundo informaron desde o Consistorio, "preténdese elaborar unha base de datos completa sobre artistas para poñer en valor o seu traballo, facilitar a súa localización e conseguir para eles unha saída profesional".

Laura Pérez Madriñán, 2º de Bacharelato.

A oposición veciñal en Sarria ao proxecto de canalización do río ten un custo, un prezo que lle pon a Subdelegación do Goberno Español en forma de multas a 34 activistas por un importe de preto de 17.000 euros. A colaboración de amizades, familias e veciñanza fixo que xa se pagasen 8.000 euros a comezos deste ano. O resto dos cartos terán que pagalo de contado para evitar o risco de embargos de bens e contas. Por iso activouse unha campaña de solidariedade no marco da cal se abriron 2 contas bancarias, unha no Banco Santander cos díxitos ES14 0081 2211 86 0001059406 e outra no Banco Sabadell Gallego con este IBAN ES09 0049 0457 31 2990687025.

En 2014 a Plataforma Sarriana en defensa do río foi quen de mobilizar a veciñanza contra un proxecto, o da Confederación hidrográfica Miño-Sil, que procuraba unha canalización do río que afectaba gravemente patrimonio local e importantes zonas ambientais. Mediante a mobilización, conseguiuse salvar gran parte das 180 árbores do Malecón que ían ser talados, así como o illote fluvial do Toleiro e importantes elementos dunha das pontes.

Os membros do colectivo ven nestas sancións unha forma máis de represión e defenden que o único que fixeron foi protexer de forma pacífica o patrimonio natural e histórico de Sarria.

Sofía Fernández Martínez, 2º de Bacharelato.

Con panos brancos, a Asociación Nais da Praza de Maio conmemorará este sábado o inicio do movemento de resistencia político contra a ditadura militar 39 anos atrás, após a represión e desaparición sufrida durante o réxime de Rafael Vilela (1976-1981), caracterizado por unha constante violación dos Dereitos Humanos e por cometer crimes de lesa humanidade.

Todo comezou un 30 de abril de 1977. Un total de 14 mulleres tomaban a Praza de Maio de Bos Aires para reclamar a volta dos seus fillos e fillas desaparecidas. A partir de entón, este emblemático espazo ?situado fronte á Casa Rosada, a sede do Goberno do país- tornouse no seu territorio; as quintas feiras, nos seus días de loita e os panos branco, na súa identificación.

Após de 39 anos, as Nais, moitas delas aínda con fillos e fillas desaparecidas, ampliaron a súa loita contra a impunidade arredor de todo o mundo e contra o neoliberalismo. Convertidas en símbolo da democracia na Arxentina, non houbo represión, nin cans nin golpes que as vencesen. E, a día de hoxe, seguen a reclamar xustiza polas 30.000 persoas desaparecidas durante a ditadura.

Manuel Alejandro Fernández Carrasco, 2º de Bacharelato.

Os santuarios de animais son instalacións onde son levados os animais para que vivan e estean protexidos polo resto da súa vida. Por regra xeral foron maltratados, abandonados, accidentados ou enfermos, rescatados de granxas de produción ou matadoiros. Nestes establecementos teñen a oportunidade de vivir da forma máis natural posible, libres de explotación.

Non son refuxios, aínda que algúns poidan ter esa dobre función e atópanse dentro dun baleiro legal. A administración obrígalles a cumprir coa normativa das explotacións gandeiras, aínda sen selo, pero non lles permite optar ás súas subvencións, precisamente porque non o son. Por iso piden un decreto ou norma específica e a creación dunha figura legal, reclamación compartida pola asociación animalista Libera.

Irene Iglesias Bastos, 2º de Bacharelato.

A moda será a protagonista hoxe en As Cancelas, onde se celebrará a final do concurso posto en marcha polo centro comercial para buscar ás persoas que serán a súa imaxe en próximas campañas. Unha convocatoria que foi un "rotundo éxito", tal e como explican desde a organización, que mesmo se viu obrigada a aumentar o número de días de preselección de concursantes.

Así, tras varios castings, o certame chega hoxe ao seu gran final, que terá lugar no transcurso dunha festa, ás 20.00 horas, conducida pola actriz e presentadora venezolana Ivonne Reyes, que estará acompañada por Paulo Regueiro, DJ de ?Los 40 Principales?. ?Será unha espectacular gala con música, danza, sorteos e sorpresas?, tal e como adiantan os seus organizadores, que destacan ademais, a presentación do novo disco do grupo de pop electrolatino A Ricura.

Elena Outomuro López, 2º de Bacharelato.

O desexo de traballar de mulleres e inmigrantes provoca paro. Esa é a tese que ensina o libro de texto de 1º de Bacharelato titulado Economía, da editorial Almadraba. O libro está deseñado para o alumnado de 16 e 17 anos e aparece na lista de textos de institutos de varias comunidades autónomas como Galicia, Andalucía ou Murcia. A súa redacción non deixa moito espazo aos matices. No apartado "outros factores causantes do desemprego", o punto terceiro reza: "A incorporación da muller ao mundo laboral incrementou considerablemente a oferta de traballo dispoñible". É dicir, hai máis persoas activas xa que as mulleres pasaron de realizar só labores domésticos a desenvolver ademais carreiras profesionais remuneradas.

A última Enquisa de Poboación Activa volveu a reflectir que son as mulleres as máis prexudicadas no mercado laboral. Hai máis paradas: 2,4 millóns por 2,3 dos homes e a súa taxa de paro é dunha 22,7% fronte ao 19,4%. De feito, no primeiro trimestre de 2016, o paro caeu entre os homes en 9.600 persoas mentres que creceu entre as mulleres: 21.500 máis.

Respecto dos inmigrantes, o libro de Almadraba ensina o seguinte: "A chegada aos países industrializados de man de obra dos países do Leste, de Asia, de Suramérica e dos países subdesenvolvidos intensificou o paro". A EPA publicada este 28 de abril reflicte que os traballadores estranxeiros con emprego son o 10% en España: 1,9 millóns. Só hai rexistrados 800.000 parados.

O certo é que o libro imparte un contido aliñado coas teses económicas habitualmente descritas como liberais. Ademais dos puntos sobre as mulleres e os inmigrantes, achaca o desemprego á existencia dun salario mínimo, a protección aos parados e a acción sindical.

Sobre o seguro e as prestacións por desemprego, o texto editado por Almadraba para o primeiro ano de Bacharelato preconiza que "grazas a estas axudas, as persoas poden adoptar unha postura máis sosegada á hora de buscar emprego". En España, máis do 70% dos parados non percibe prestación algunha, segundo o Instituto Nacional de Estatística.

Entre os motivos que determinan o desemprego, apunta á "rixidez dos salarios que impide a autorregulación do mercado" mediante a "oferta e a demanda" que fai que "o mercado alcance o equilibrio". Nese sentido, culpa a que o Estado fixe "un salario mínimo superior ao que determinaría o mercado". A responsabilidade dos sindicatos radica en que o seu "obxectivo principal é mellorar as remuneracións dos seus afiliados". A verdade é que calquera avance obtido pola acción sindical trasládase a todos os traballadores, afiliados ou non.

Preguntada acerca dos pormenores deste libro, a editorial Almadraba contestou que é "difícil que haxa unha resposta" por estar inmersa a compañía nun concurso de acredores.

Laura Abad Álvarez, 2º de Bacharelato.

Esta segunda feira (25 de abril) foi presentado o cartaz e programación da quinta edición do Galegote Rock organizado pola Concellaría de Normalización Lingüística do Concello de Pontevedra e o Pontevedra ao Vivo.

Alberto Oubiña, responsábel desta área, acompañado de Marcos Rivas e os artistas Roger de Flor e Querido Extraño, sinalaron que se trata dunha actividade coa que visan dar a coñecer intérpretes e grupos de música de distintos estilos a través da música en directo ao tempo que promover a variedade musical que se está a producir na Galiza e en galego.

Nesta edición o festival introduce diversas novidades a respecto doutros anos como sesións infantís que decorrerán na Praza a Pedreira e que contarán con xogos e espectáculos dirixidos a toda a familia mais principalmente ás crianzas. Aliás, o Galegote tecerá pontes co programa Sétima Feira a través da actuación de Davide Salvado o sábado 14 de maio na Praza de Abastos da cidade do Lérez.

Porén, son moitos os grupos e artistas do panorama galego que compoñen o cartaz e cuxas actuacións serán de balde. Sokram, Poetarras, Familia Caamagno ou Camarada Nimoy son algúns dos nomes que se poderán escoitar.

Ana García Barandela, 2º de Bacharelato.

A distorsión da luz no ollo cambia a nosa percepción do universo. Foi algo que Galileo Galilei advertiu por primeira vez hai algo máis de 400 anos, un fenómeno que tamén observou Leonardo da Vinci cando utilizaba tons brillantes nas súas pinturas. A nosa agudeza visual é mellor nos escuros que nos claros, o que explica, por exemplo, que as probas da visión se realicen con letras negras sobre fondo branco. Pero, ¿por que ocorre esta asimetría visual? O investigador galego José Manuel Alonso, director do Laboratorio de Neurociencia Visual na Universidade do Estado de Nova York, ofreceu hai dous anos unha primeira resposta á ilusión óptica que expuña Galileo. A clave parecía estar nas conexións neuronais que fan que o cerebro procese máis rápido e máis eficientemente os obxectos escuros. Pero os científicos que durante décadas estudaron o mapa do espazo visual do cerebro, situado na cortiza primaria, na parte posterior inferior do cranio, non atopaban diferenzas que explicasen esta diverxencia.

Antía Álvarez Ferro, 2º de Bacharelato.

De Galiza para o mundo, a editorial galega Mar Maior chegou a Arxentina ?á conquista da diáspora?, en palabras de Xavier Alcalá, conselleiro do selo. Nacida da editorial Galaxia, Mar Maior presentouse onte na Feira do Libro de Bos Aires, a súa primeira escala internacional. A seguinte será Brasil e prevé tamén una parada en Uruguay, México e Cuba. ?Mar Maior nace da necesidade de abrirse a outros idiomas que non sexan o galego e conectar coa diáspora, que vive xa na outra lingua pero que conserva a conciencia galeguista. Imos á conquista da diáspora, primeiro en castelán e despois en portugués?, subliña Alcalá na Feira do Libro porteña, que este ano ten a Santiago de Compostela como cidade invitada.

O primeiro libro publicado en Arxentina polo novo selo é un ensaio clásico na outra beira do Atlántico: Historia de Galicia (1984), do historiador e actual presidente do Consello da Cultura Galega, Ramón Villares. Na edición local inclúe un ensaio actualizado da cidade de Bos Aires, o principal destiño da emigración galega nos séculos XIX eXX. ?É una homenaxe á emigración. Para Galiza é imposible entender o século XX sen Bos Aires. Case o 50% dos galegos emigrantes se instalaron aquí?, di Villares, quen cre que na capital arxentina deuse unha ?fusión especialmente feliz de masas de emigrados e elites?.

?En Arxentina saen algún títulos que son unha chamada de atención?, explica Alcalá. Entre eles A Esmorga, considerado un dos hitos da narrativa galega contemporánea, e O vidro roto. Contos para as Américas, de Emilia Pardo Bazán. Tamén chegan con outros tesouros, como catro libros de Cunqueiro, considerado un dos principais percursores do realismo máxico.

Mar Maior pretende difundir a cultura galega ao outro lado do Atlántico, pero tamén publicar a arxentinos de orixe galega para dalos a coñecer na Galiza. A elexida para inaugurar esta liña editorial é María Rosa Lojo, co libro álbum ilustrado El libro de los sinigulares y del único sinigual, publicado inicialmente en galego por Galaxia en 2010. Ao xeito dun bestiario fantástico, Lojo concibiu estes relatos breves acompañados de fotografías da súa filla Leonor Beuter. Asegura que non se trata dun libro infantil senón de ?unha proposta de vangarda para un público sen limitacións?.

Ademais de cruzar fronteiras, a editorial se propón tamén mesturar xéneros e prevé a publicación de novelas adaptadas á banda deseñada e librodiscos nun futuro próximo.



Candela Fernández del Pon, 4ºB.

A oposición veciñal en Sarria ao proxecto de canalización do río ten un custo, un prezo que lle pon a Subdelegación do goberno español en forma de multas a 34 activistas por un importe de case 17.000 euros. A colaboración de amizades, familias e veciñanza fixo que xa se pagasen 8.000 euros a comezos deste ano. O resto dos cartos terán que pagalos de contado para evitar o risco de embargos de bens e contas. Por iso activouse unha campaña de solidariedade no marco da cal se abririon 2 contas bancarias.

En 2014 a Plataforma Sarriana en defensa do río foi quen de mobilizar a veciñanza contra un proxecto, o da Confederación hidrográfica Miño-Sil, que procuraba unha canalización do río que afectaba gravemente patrimonio local e importantes zonas ambientais. Mediante a mobilización, conseguiuse salvar gran parte das 180 árbores do Malecón que ían ser taladas, así como o illote fluvial do Toleiro e importantes elementos dunha das pontes.

Os membros do colectivo ven nestas sancións unha forma máis de represión e defenden que o único que fixeron foi protexer de forma pacífica o patrimonio natural e histórico de Sarria.

1 [2] [3] [4] [5] [6] [7] [8] ... [11]