Poden ser bufandas, chales, mantas ou calquera prenda de abrigo tecidas para abrigar a poeta. Desde ?A Sega? convidan ás mulleres a cubrir as estatuas de Rosalía de Castro no día do aniversario do seu nacemento, o 24 de febreiro.

?Rosalía de Castro aterece?, din desde a plataforma de crítica literaria ?A Sega?, e poñen as razóns polas que a poeta treme de frío. ?Rosalía de Castro é unha muller que morreu hai máis dun século e a quen durante longas décadas meteron nunha mortalla de cravos, sombras e prantos. Na maior parte dos casos o que o día a día nos devolve dela son imaxes de pedra, bustos e monumentos?, sinalan.

Debaixo da pedra aterecida, as críticas da Sega saben ?que latexa unha obra viva, rebelde e mesmo temeraria. Unha obra que apela a todas nós porque fala de nosoutras, fala das que cantamos, das que traballamos, das que rimos, das que padecemos, das que queremos un mundo onde a violencia non sexa tolerada?. Á poeta recoñécena como a mestra que lles ensinou ?a camiñar mentres outros ladran, a buscar amores que nos queiran ben, ou a convivir coa soidade. Abriu a porta para que as que hoxe somos poidamos escribir o que nos pete, dende o patrón dunha chaqueta ata unha novela?.

Débenlle, din, o calor que teñen como as súas herdeiras vivas e queren que a escritora deixe de estar á intemperie, por iso abren a convocatoria a todas as mulleres co obxectivo de cubrir as estatuas que lembran a poeta en todo o país. ?Porque a pedra será fría pero moito máis grande é a nosa calor?, din. Na súa páxina explican a acción e ofrecen indicacións ás participantes.

Manuel Alejandro Fernández Carrasco, 1º de Bacharelato.

A atleta kenyana Florence Jebet Kiplagat escribiu unha páxina histórica no atletismo de ruta ao bater tres récords mundiais ao impoñerse no Medio Maratón de Barcelona cun tempo de 1h.05:09, tres segundos por debaixo da marca que ela mesma estableceu o ano pasado.

Ademais, Kiplagat bateu o récord do mundo dos 20 Km. ao pasar pola distancia cun rexistro de 1h.01:54, dous segundos menos que o 1h.01:56 que logrou o ano pasado, e tamén o dos 15 km, que cubriu con 46:14, batendo a marca histórica da etíope Tirunesh Dibaba (46:28) lograda en Nimega (Holanda) o 15 de novembro de 2009.

Florence Kiplagat saíu moi rápida, arroupada polas súas dúas 'lebres', o español Marc Roig e o kenyano Tsegasew Kibret, e pasou polo quilómetro cinco cun tempo de 15:38, dez segundos menos que o ano pasado (15:48) e xa con case minuto e medio de vantaxe sobre a irlandesa Elisabeth Lee (17:07). O seu ritmo foi ascendente no paso polo quilómetro 10 que cubría con 31:01, seis segundos máis rápida que a marca na mesma distancia de referencia que o ano pasado. Pouco a pouco ía mellorando a súa marca, xa que no paso polo quilómetro 15, despois de deixar atrás as súas 'lebres' a súa marca era de 46:14, 22 segundos por debaixo do seu propio récord mundial e tamén novo récord mundial da distancia. O punto álxido da súa carreira era na recta final, pasando polo quilómetro 20 con 1h.01:53, novo récord mundial da distancia, na que esprintar en solitario e batía en tres segundos o seu anterior récord mundial (1h.05:12) do medio maratón.

A kenyana foi duodécima na xeral absoluta e sacou case nove minutos de vantaxe sobre a segunda clasificada, a irlandesa Ekizabeth Lee.

Andrea Marquina Rodríguez, 1º de Bacharelato.

Quizais só os amantes dos cans sexan capaces de comprender a fidelidade que estos animais mostran aos seus propietarios. Os cans son capaces de xerar unha empatía especial cos seus amos, que lles permite saber se están tristes ou contentos.

A historia de Sissy, unha schnauzer de dez anos de Lowa, conmoveu a todos os veciños. Este can escapouse da súa casa e foi capaz de percorrer 20 mazás ata chegar ao hospital no que estaba ingresada a súa ama, Nancy Franck, que se recuperaba dun cancro.

As cámaras de seguridade do hospital grabaron a súa aparición e avisaron ao marido de Nancy, tal e como os amos relataron, era coma se Sissy tivese unha misión que cumprir, ver a súa ama.

Selena González Rodríguez, 4º ESO B.

Un videoclip para celebrar os aniversarios en galego

Até tres veces canturaxaron os nenos e as nenas o "Parabéns para ti" na presentación do videoclip que leva ás redes sociais a adaptación en galego da popular canción de celebración do aniversario.

É habitual nas redes sociais felicitar o aniversario cun videoclip con algunha das tradicionais cancións que os parabeniza. Até o de agora, non había a posibilidade de facelo en galego. Coa intención de cubrir este oco, a Mesa pola Normalización Lingüística e o Concello de Carballo presentaron nesta cuarta feira, na Biblioteca Rego da Balsa de Carballo, a canción e o videoclip "Parabéns para ti", animando a celebrar na lingua propia os festexos de aniversario.
Dende o Xabarín Club, non existía ningún material deste tipo para a felicitación do aniversario. "A idea é achegar ferramentas para que se use o galego en situacións tan habituais como a celebración do aniversario, onde se deu un proceso de substitución do galego polo español", afirma o presidente da Mesa pola Normalización Lingüística, Marcos Maceira, quen sinala a importancia deste tipo de iniciativas para compensar o absentismo do actual goberno galego.
Até o de agora, para parabenizar o aniversario o habitual, nas redes sociais, era acudir a outras linguas, adoito o español ou o portugués. No espazo do ensino infantil e nos espazos de socialización infantil, como as ludotecas, o "Cumpleaños feliz" está por completo instalado. O "Parabéns para ti", adaptada polo músico carballés Nanny Mouro, pretende reverter esta situación.

O videoclip conta coa participación de ao redor de corenta cativos do coro carballés Vagalume, que se encargaron da posta en escea, na biblioteca Rego da Balsa, inaugurada o pasado outono en Carballo. A canción gravouse nos estudios da Escola da Rúa. Da gravación e produción do vídeo encargouse Mamá Lola Estudios.

"Parabéns para ti / nesta data querida / Moitas felicidades / Moitos anos de vida. / Hoxe é día de festa / cantan as nosas almas / para ti miña vida / unha salva de palmas!

https://www.youtube.com/watch?v=pXHeLv5CdcE

Sofía Fernández Martínez, 1º de Bacharelato.

Os rostros que escondía a lista Falciani - a relación de persoas físicas e xurídicas que tiñan conta na filial suíza do banco británico HSBC e usábana para ocultar diñeiro ao fisco español- deixaron de ser un misterio. A Administración Tributaria recibiu a información de mans do Goberno francés no 2010, pero foi agora cando os nomes dos titulares quedaron ao descuberto. O clan Botín -Emilio Botín era o español con máis diñeiro na entidade suíza, Fernando Alonso ou o ex maxistrado coruñés do Supremo Ramón López Vilas son algúns dos españois que figuran na listaxe de contas opacas publicado en España por El Confidencial, dentro dun traballo xornalístico global coordinado polo Consorcio Internacional de Xornalistas de Investigación.

España figura no posto duodécimo do ránking por volume de depositantes segundo a listaxe, do que, a nivel internacional, forman parte personaxes tan diversos como os monarcas de Marrocos e Xordania, deportistas como o futbolista Diego Forlán ou o piloto Heikki Kovalainen, pasando por iconas da moda como Elle McPherson ou Valentino, ou cantantes como Tina Turner e David Bowie.

Lucía Vázquez Nóvoa, 4º ESO A.

Cando de cativo Antonio Reigosa escoitaba tronar, o seu avó explicáballe que era o ruído que facían os mouros xogando aos bolos no veciño castro mindoniense de Zoñán, no que tampouco faltaban unha laxe de ouro nin un pasadizo secreto ata unha fonte. Aquela semente infantil prendeu e dela agromou unha paixón pola tradición oral á que este investigador e divulgador dedicou varios libros de ensaio e creación, ao que vén de sumar un volume que recolle parte dos documentos recompilados na web que creou hai dez anos con vocación de actuar como punto de encontro e de partida para unha enciclopedia da fantasía popular galega. Galicia encantada. O país das mil e unha fantasías (Xerais) celebra o décimo aniversario da web homónima e, a través das súas categorías, propón unha mostra da amplísima variedade coa que se manifesta o imaxinario marabilloso entre os galegos. O alén e a morte, sereas e lobisomes, covas, fontes, castros e cidades asolagadas, medicina tradicional e remedios ou heroes e santos desfilan por uns textos elaborados polo propio Reigosa pero tamén por moitos dos que enviaron a Galicia encantada as súas contribucións.

Martín Pérez Rodríguez, 1º de Bacharelato.

O catalán Alejandro Cao de Benós, toda unha celebridade en Corea do Norte, o país máis hermético do mundo, foi o protagonista do capítulo que este martes emitiu o programa 'En tierra hostil' de Antena 3. "A xente quéreme e teño moitos admiradores". Cao de Benós, que exerceu de guía polo país que goberna con man de ferro o réxime de Kim Jong-un, asegura sentirse plenamente identificado có país.

"Síntome absolutamente norcoreano polos valores de unidade, de loita y de crenza nunha sociedade comunista. É o que me chea. A confianza do noso Goberno, do nostro Mariscal Kim Jong-un para representar á República en tantos sectores é o que máis vale do mundo. Considérome un soldado máis", afirma. Dende fai 12 años, Alejandro Cao de Benós é un altofalante máis da propaganda norcoreana e asegura non cobrar nin un euro do goberno.

Alejandro contaba que os 24 millóns de habitantes de Corea do Norte están militarizados dende pequenos e previdos para unha guerra ante o inimigo imperialista. O programa tamén contou có testemuño de norcoreanos disidentes, que dende Seúl contaron ao periodista Jalis da Serna as atrocidades que cometeu con eles o réxime norcoreano. Unha muller declarou que chegou a ver cós seus propios ollos como nun campo de traballo unha nai famenta comía a carne do seu fillo moribundo para poder sobrevivir.

Laura Abad Álvarez, 1º de Bacharelato.

Un grupo de biólogos da Universidade de Berna descubriron nun experimento un xene chamado 'ahuizotl', que actúa controlando a calidade celular: axuda a eliminar células enfermas ou aquelas que funcionan de forma deficiente. Cre que o xene axuda a protexer órganos cruciais como o cerebro ou o intestino da acumulación de células potencialmente daniñas.

Cando os científicos proporcionaron unha copia adicional deste xene aos protagonistas do experimento, moscas da froita, os seus tecidos fixéronse máis saudables e empezaron a envellecer dun xeito máis lento. Christa Rhiner, autora do estudo, afirmou: "As nosas moscas alcanzaron esperanzas de vida medias dun 50% a un 60% máis longas que as das moscas normais".

Os seres humanos tamén contan co xene ahuizotl, o que abre a posibilidade de crear novos tratamentos antienvellecemento: o desexado elixir da xuventude. Se os ensaios dos investigadores da Universidade de Berna puidesen aplicarse aos humanos, a vida media podería estenderse en países desenvolvidos como EUA e o Reino Unido por enriba dos 120 anos, informa 'The Daily Mail'.

Irene Iglesias Bastos, 1º de Bacharelato.

Ao dispor na rede para nais, pais e profesorado, Os Bolechas ofrecen unha unidade didáctica para achegar á cativada ao entroido tradicional galego por medio dos populares personaxes da familia creada por Pepe Carreiro.

Verín, Vilaboa, Chantada ou Laza son algúns dos lugares visitados polas crianzas Bolechas para mostrar o entroido máis tradicional e as súas peculiaridades. Exercicios, xogos, receitas e información compoñen este material didáctico que quere informar a nenas e nenos dunha das tradicións máis festexadas.

Sandra Tornero Belloso, 1º de Bacharelato.

Máis de 25.000 persoas procedentes de todas as comarcas da Galiza, e mesmo de alén dos seus límites administrativos -como é o caso do Bierzo ou do Val de Ellas- responderon á convocatoria de Queremos Galego para mostrar en Compostela que ?a lingua é o noso corazón, e con este corazón podemos ir ao fin do mundo?, en palabras de Xosé Lois ?O Carrabouxo?. Unha gran mobilización nun ambiente extraordinario a favor do idioma que nos une, da lingua propia deste país, mais tamén unha emenda en toda regra á política lingüística da Xunta de Núñez Feijóo.

Foi unha marcha multitudinaria ? embora o Concello rebaixar a asistencia a 10.000 persoas e nas primeiras conexións da TVG falaren duns ?centos?- na que confluíron xentes de diferentes idades, procedencias, ideas e sensibilidades, mais unidas pola defensa do galego.

Comezou a manifestación pouco antes das 12:30 para percorrer, nunha serpe multicolor de faixas, bandeiras e lemas, as rúas do Ensanche e Zona Vella de Compostela ata rematar na Quintana. A emblemática Praza foise enchendo de manifestantes ?até a bandeira? e dende a Alameda, lugar de inicio da mobilización, aínda seguía a saír xente e máis xente.

Unha faixa portada por varias crianzas e co lema ?Por nós? abría a manifestación, entre aplausos non só dos e das manifestantes, senón mesmo desde veciñ@s que contemplaban desde as beirarrúas a marcha. Máis un sinal de que o galego une. A mobilización avanzaba e aos lemas tradicionais (´Na Galiza en galego?, ?Sempre en Galiza, sempre en galego?, etc) uníanse novas palabras de orde (?Do médico ao notario, galego a diario?). Todo adubiado por palmas, sons de gaitas, pandeiretas ou bombos. A defensa do galego, unha festa reivindicativa.

Mobilización apoiada por un amplo listado de forzas políticas, sindicais, sociais... Mais o protagonismo recaeu nos milleiros e milleiros de galegos e galegas que dende todos os recunchos da Galiza acudiron a Compostela para defender o dereito a poder vivir en galego con normalidade. Entre eles, tamén castelán falantes que participaban na manifestación para exixir respecto para o idioma propio deste país.

Isabel Risco e Xosé Lois ?O Carrabouxo?, non paraban de animar os e as manifestantes dende o palco. E abofé que o lograron: humor, retranca, sorna... ?O Carrabouxo? mesmo re-escribiu o ?Hey Jude? dos Beatles como ?Fei-ju? con retrouse de ?deixa o galego / fala en inglés?.

Tomou entón a palabra o portavoz de Queremos Galego, Marcos Maceira, para sinalar que o acto deste 8F amosaba que ?temos forza para reverter a situación? á que a Xunta quer condenar o galego. O ramo deste #8F púxoo a interpretación do Himno Galego por miles de gorxas ao son das gaitas. A Banda Sonora inmellorábel para unha xornada de reivindicación e de amor pola lingua que nos une.

Sofía Fernández Martínez, 1º de Bacharelato.

[1] [2] [3] [4] 5 [6] [7] [8]