|
|
|
|
| O roteiro da Esmorga de Blanco Amor |
|
Hoxe 19 de maio, un grupo escolleito de alumnos de 4º da ESO e 1º de BCH acudiron da man dos profesores de galego Elías e mais Xián a participar no roteiro de orientación literaria do libro da Esmorga de Blanco Amor.
Co gallo do 50º aniversario da publicación na clandestinidade de Bos Aires da obra universal deste escritor ourensán, dous grupos de franciscanas e dous do IES do Couto acompañaron, da man dun mapa sen sinaléctica, os lugares orixinais do libro, cubrindo un roteiro escrito para indicar as frases literais do libro, facendo debuxos a imitación dos alicatados das placas e escenificando de forma sinxela a iconografía figurativa das placas. A actividade desenvolveuse sen afán competitivo, cunha duración entre 40 minutos e unha hora e cinco. O noso alumnado gozou das rúas de viños asolladas, limpas e en silencio, unha nova perspectiva da zona histórico, acompañamos o lugar de nacemento de Blanco Amor na rúa Lepanto e fixémonos unha foto coa estatura deste escritor inmorredoiro.
Os alumnos de 1º de BCH tiñan na memoria o libro acabado de ler na 4ª avaliación e, se cadra, se fixeron unha mellor composición de espazo-tempo para confirmar a universalidade e mesmo comicidade da obra blancoamoriana. Felicitamos desde aquí aos promotores de Cig-ensino e a A.C. A Esmorga pola iniciativa.
|
|
|
|
|
| CORRELINGUA 09 |
|
 Xa podedes ver algunhas das fotas do Correlingua 09 na Fotoblogoteca.
Participaron os alumnos de 2º de ESO. |
|
|
|
|
| CORRELINGUA 2009 |
|
 O mércores 6 de maio os alumnos de 2º ESO asistirán ao CORRELINGUA 09 polas rúas de Ourense e na Praza Maior. |
|
|
|
|
| Correlingua 2009 |
|
 Os nosos alumnos de 2º da ESO partipirán por primeira vez na carreira pola lingua do vindeiro 6 de maio, mércores, en horario lectivo.
Podedes consultar os datos da actividade no enlace correspondente. Esperemos que aproveiten a actividade e que o pasen de cine. |
|
|
|
|
| UN POUCO DE HUMOR... |
|
|
|
|
|
|
| RAMÓN PIÑEIRO. LETRAS GALEGAS 09 |
|
 Un video sobre a Ramón Piñeiro, a quen se lle adica este ano o Días das Letras Galegas. |
|
|
|
|
| Manifesto Correlingua 2009 bis |
|
 MANIFESTO CORRELINGUA
EN GALEGO. PÁSAO!
Texto escollido dunha escolma de mensaxes redactadas por 4º A
Pseudónimo: os Mensagalaurias
LEMA. Óllame, baixo da lúa inocente e núa, á túa beira; entregándoche o meu ser na aperta das miñas verbas. Non permitas que faga un poema sen voz. Espertar, sentir o brillo na túa pel. Escoitar, asombrarse coa fermosura do símbolo da nosa identidade. Amar, saborear cada segundo ó carón de alguén. Vives en galego. Por que non o falas? Palabras para expresarmos e beizos para loitar. Unha ollada ao teu redor e comprenderás. O destino deste conflito nas nosas mans. Axúdasnos a gañar? Falemos, escoitemos, defendamos o galego, respectemos, apoiemos, gocemos da nosa lingua. É o momento! Todos xuntos en galego, todos xuntos pola lingua. Para a voz destes fragmentos. Abre as portas sen lamentos. Súbete ao tren da nosa lingua. Agarra a cadea, estate tranquilo. O teorema é ben fácil. Xa é galego, iso é arte! Ante todo galego:galegopensante,galegofalante,galegoescoitante, galegoexpectante,galegofacedor,galegorroedor,galegovivente, galegoemocionate, galegoelegante, galegarte. LEMA.
|
|
|
|
|
| Correlingua por primeira vez |
|
 Este ano o Colexio da Franciscanas participará por primeira vez na actividade en prol do galego de nome Correlingua que organiza a Asociación Socio-Pedagóxica galega en colaboración cos concellos intervinientes no acto.
O vindeiro día 6 de maio realizarase o Correlingua 2009 en Ourense para todos os centros educativos provincias partícipes baixo o lema EN GALEGO,PÁSAO. Todos os anos os organizadores promoven un concurso de manifestos baixo lemas diferentes. En galego, pásao é o deste ano e o noso colexio presentou un texto para concursar seleccionado entre os alumnos de 4º da ESO e de 1º de Bacharelato. Ao final, o escollido e que será publicado aquí foi un fragmento escollido de alumnos de 4º A en formato de SMS. Parecía unha boa idea a de escribir mensaxes de móbil como aconsellaba o lema en cuestión pero, ao final,o manisfesto gañador recabou nun grupo tamén de 4º da ESO do CPI de Panxón (Nigrán) co título Falemos en galego. Deixamos o enlace para que opinedes que vos parece así como o anuncio que deseguida publicaremos o texto escollido polo noso centro ao dito concurso.
Gañadores ou non, o importante é que o colexio vai colaborar un evento de prestixio para a lingua de noso. Que cunda o exemplo e que todos avantemos por defendela e practicala. |
|
|
|
|
| Laura Velasco gañadora do I Premio de Debate Amigos de la Barrera |
|
A alumna do noso centro, Laura Velasco, de1º A vén de acadar o primeiro premio nunha Liga de Debate provincial organizada pola Fundación Amigos de la Barrera.
O confrontación dialéctica acolleu a seis representantes doutros tantos centros educativos ourensáns en eliminación directa cos temas seguintes: a legalización ou non do botellón, as axudas financeiras ao medio rural e a conveniencia ou non do canon dixital.
O xurado estivo presidido por xuristas e xornalistas de Ourense e estivo coordinado por unha moderadora.
Parabéns a Laura e a todo o equipo de colaboradores dela que participaran na Liga de Debate organizada o mes de xaneiro pasado en Santiago. |
|
|
|
|
| COMPARSA DO DOMINGO DE ENTROIDO |
|
 O colexio participou esta ano no desfile do domingo de Entroido que ten lugar na nosa cidade.
Participaron nais e pais disfrazados de Brancaneves e Prícipes, e os máis pequenos ían de ananiños. Pasárono moi ben e xa están desexando que chegue o entroido que vén para volver participar. |
|
|
|
|
|
|
|
