Blog do EDLg do Colexio Plurilingüe Divina Pastora Franciscanas de Ourense
O meu perfil
 CATEGORÍAS
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

O novo Tinteiro
O histórico manancial termal de Ourense, O Tinteiro, reabriu as súas portas ao público en setembro, cunha estética totalmente renovada en que prima a incorporación de novos materiais como a madeira, o aceiro ou o metacrilato grazas a un investimento de máis de 117.000 euros, que permitiron converter a zona nun balcón de saúde e relax ollando ao río.
O concelleiro de Infraestruturas do Concello de Ourense, Andrés García Mata visitou a marcha das obras de remodelación de O Tinteiro que están xa rematadas.
O proxecto, de que é autora a arquitecta Mónica Rúa, optou por elementos comúns a outras instalacións termais ribeirás, o que dá homoxeneidade ao conxunto e con gran similitude á estética elixida para campo da feira: madeira tratada en bancos de descanso e solos, así como aceiro e a incorporación do metacrilato no teito.
Este último material permitiu dotar unha marquesiña cuberta que, segundo García Mata, dará acubillo aos usuarios en días de chuvia, xa que as antigas instalacións, moi deterioradas polo paso dos anos, estaban ao aire libre.
"Elevamos a zona por que mana de auga termal que agora está á a altura do camiño, o que facilita o acceso a todos os usuarios e presérvaa de inundacións" explica o concelleiro de Infraestruturas. O conxunto inclúe pediluvio para inmersión de pés e píos.
Ademais o orzamento permitiu contar cunha dotación non existente ata agora, prolongando a plataforma sobre a que se asenta o conxunto de O Tinteiro para crear un miradoiro sobre o río.
O proxecto completarase coa anexión de parcelas que suman un total de 11.700 metros, para convertero en zonas verdes para o medio termal.


Carmen Selina Meire Pérez
Comentarios (4) - Categoría Actividade En Ourense - Publicado o 22-10-2010 23:00
# Ligazón permanente a este artigo
A vía Auria
Via Auria, é unha asociación cultural de senderismo que trata de dar a coñece-los nosos costumes, gastronomía, lendas e historia, co ánimo de favorecer a formación dunha conciencia para a defensa e mellora do contorno suliñando o firme propósito de coñecer para respectar e, se é posible, recuperar.
Ao longo do ano 2010 farán o Camiño Francés dende Cacabelos (León) e en todo o seu percorrido galego ata Compostela en 10 etapas. As datas de cada Etapa poderán consultarse na páxina Web (www.viaauria.es). Farase unha cada mes, agás en xullo e agosto, que descansaremos para comenzar de novo en setembro ata decembro. A primeira terá lugar este Sábado 23. Como cada Etapa se fará en viaxe de ida e volta a Ourense, non é preciso cubrir longas distancias a paso lixeiro para poder pernoctar nos albergues. Así que, amañámolas un pouco conseguindo traxectos de arredor de 20 km para poder camiñar de vagar todo o día.
A cada peregrino proporcionaréselle unha Credencial xa selada polo Bispado de Ourense que o acreditará para, cando cheguemos a Santiago, recoller a Compostela que, segundo fixera o Camiño por razóns espirituais ou non, daránlle unha distinta. Ademáis, será enviado por correo electrónico un tríptico por cada Etapa que poderás imprimir, se che interesa para coñecer aspectos salientables de cada etapa e para gardar de recordo.
A saída pola mañán será sempre ás 8.00 h am. A saída pola tarde, arredor das 19.00 h am.
Sempre, ao rematar cada etapa, existe a posibilidade de deixar pagada a do mes seguinte para garantir
ter praza reservada.

Fátima Carballo Río
Comentarios (1) - Categoría Actividade En Ourense - Publicado o 22-10-2010 22:51
# Ligazón permanente a este artigo
O valor catastral dos templos galegos supera os 426 millóns de euros
Galicia, con 7.691, é a segunda comunidade de España con máis inmobles relixiosos. Santiago e Vigo están na cabeza. Galicia conta cun total de 7.691 bens inmobles rexistrados como de carácter relixioso, segundo reflicten os datos da Dirección Xeral do Catastro, dependente do Ministerio de Economía e Facenda. O seu valor catastral, o oficial, suma algo máis de 426 millóns de euros, aínda que na realidade o seu valor é incalculable. Imaxinen canto valería a Catedral de Santiago ou a de Lugo, se se puxesen á venda.
Ese valor oficial do parque inmobiliario da Igrexa galega, non obstante, non repercute na recadación do Estado, posto que a Igrexa está exenta do pagamento do imposto de bens inmobles (IBI).
Se comparamos a valoración oficial do patrimonio da Igrexa en Galicia co da industria, podería cualificarse de anecdótico, xa que o valor catastral total dos bens inmobles industriais supera na nosa comunidade os 4.000 millóns de euros.
Este considerable patrimonio inmobiliario eclesiástico converte a Galicia, despois de Castela e León, na segunda comunidade española con maior número de edificacións deste tipo e a sexta polo valor catastral deste, nun top que encabeza Madrid, onde os seus 1.384 edificios relixiosos teñen un valor oficial de algo máis de 1.190 millóns de euros.
Christian García González 2ºB
Comentarios (1) - Categoría Actividade En Ourense - Publicado o 22-10-2010 22:45
# Ligazón permanente a este artigo
Xosé López Díaz publica un diccionario Galego-Latín
Anxo Lorenzo, secretario xeral de Política LingüísticaSantiago de Compostela, 22 oct (EFE).- O catedrático Xosé López Díaz presentou hoxe a súa obra Dicionario Galego-Latín Clásico e Moderno, que foi publicado polo Centro Ramón Piñeiro de Investigación en Humanidades.

A obra parte do galego como lingua fonte e ten o latín como lingua de destino.

O dicionario propón a equivalencia en latín do léxico galego clásico e moderno e, neste sentido, a súa principal particularidade é que o autor recolle nela os termos máis actuais do galego, totalmente descoñecidos no mundo antigo, como correo electrónico, persiana, televisión, anorexia ou futbolín, así como expresións do tipo 'vaiche boa' ou 'botar ou carro antes que vos bois', entre outras moitas.

O secretario xeral de Política Lingüística, Anxo Lorenzo, que asistiu ao acto, felicitou ao autor do dicionario polo "lúcido e inmenso traballo levado a cabo nesta obra".

Lorenzo destacou a utilidade práctica do dicionario como ferramenta didáctica para o ensino do latín e, por outra, fixo fincapé no "aspecto simbólico e necesario deste traballo, que actualiza e incrementa a tradición lexicográfica feita desde a lingua galega".

Ao mesmo tempo, o secretario xeral destacou que a obra enlaza o coñecemento humanístico entre galego e latín, así como a conexión entre as dúas culturas.

Finalmente, Anxo Lorenzo afirmou que o papel do latín no século XXI "está aínda sen escribir" e que o feito de que hoxe se presentou este dicionario "dá moito que reflexionar sobre a súa relevancia como idioma con vitalidade académica, humanística e científica nos nosos días". EFE



Isaura Margarita Apostolidis De Oliveira
Comentarios (2) - Categoría Recursos en galego - Publicado o 22-10-2010 20:51
# Ligazón permanente a este artigo
Semana da Literatura Histórica de Ourense
Hai cousa de case unha semana situouse unha carpa no xardín do Posío á cal asistiron diferentes autores co fin de realizar coloquios sobre os seus traballos ou, entre outras cousas, para asinar libros.
Este venres estivo Juan Granados, autor coruñés que presentou neste certame a súa última novela ?Sartine y la guerra de los guaraníes?. Granados foi onte o encargado do peche da xornada en Auria Semana da Literatura Histórica centrando o seu coloquio, no salón de actos da carpa instalada no xardín do Posío, sobre os ?Vellos e novos camiños na narrativa histórica?.
O 16, sábado, asistirán autores como Almudena de Arteaga, autora de ?Los ángeles custodios? e César Vidal, radiofónico encargado de facer o peche da xornada dese día.
No derradeiro día acudirá ó evento Antonio Gala, autor de obras como ?La pasión turca? e encargado xunto con Cristina Sánchez Andrade de poñer fin á Semana da Literatura Histórica de Ourense. Ademais será nese día no que se descubrirá a placa da obra escollida polos lectores ourensáns como a mellor creación de literatura histórica entre as dez propostas polos organizadores do certame.


Noemy Dopazo González, 2ºB bacharelato.
Comentarios (2) - Categoría Actividade En Ourense - Publicado o 17-10-2010 14:08
# Ligazón permanente a este artigo
Toponimia oficial galega
Tal e como figura na lei de normalización lingüística, onte foi aprobada a iniciativa do BNG na que se pide o Goberno que respecte e cumpra os tóponimos oficiais de Galicia. A proposición aceptouse grazas ao apoio por parte dos grupos parlamentarios presentes na comisión, contando cunha enmenda do propio PSOE.
??Esto é un destrozo total??- dicía Xosé Manuel Pérez Bouza, senador nacionalista, aludindo o fatal uso que fai a Administración do Estado hacia os topónimos galegos.

As formas oficiais incumprénse de seguido, a pesar das correccións nalgunhas denominacións. Un exemplo claro destas son: La Estrada, Poyo, Nuestra Señora de las Ermitas, Villa de Cruces e Orense.
Manuel Fidalgo xustificou a moción por entender o correcto uso destes topónimos como unha mostra de respecto aos pobos e aos cidadáns e finalmente aprobouse instar ao Goberno a utilizar as formas oficiais en todos os ámbitos e á vez, realizar as diversas actualizacións que se precisasen.

Belén Sotelo García 1º de Bacharelato B
Comentarios (1) - Categoría Xeral - Publicado o 17-10-2010 13:08
# Ligazón permanente a este artigo
A Xunta distribúe en Internet e de maneira gratuita temarios para as oposicións.
Aspirantes ás oposicións
Esta iniciativa pretende facilitar a tarefa dos opositores libres e de promoción, ó dispoñer duns temarios «de referencia» e «máxima fiabilidade».
O conselleiro de Presidencia, Administracions Públicas e Xustiza, Alfonso Rueda, presentou os primeiros temarios tanto en galego como en castelán, que dende hoxe distribuiría na web (EGAP). Son os correspondentes ao corpo de Axudantes Facultativos da Xunta, escala de Axentes Facultativos Ambientais, anda que se elaborasen para todos os procesos selectivos convocados pola Administración autonómica, tanto para persoal funcionario, como laboral.
Trátase de instrumentos complementarios e contrastados que servirán de apoio e axuda como textos de referencia, pero nunca de forma exclusiva ou excluínte de outros materiais, explicouse na roda de prensa. A redacción e revisión dos temarios foi realizada polos funcionarios públicos do corpo superior e letrados da Xunta, avogados do Estado, xuízes e maxistrados, notarios e rexistradores da propiedade, catedráticos e profesores universitarios.
Os temarios dos corpos especiais contarán coa colaboración dos diferentes colexios profesionais e cos funcionarios dos ditos corpos que se determinen no seu momento. O director xeneral da Función Pública, Xosé María Barreiro, indicou que a distribución a través de Internet dos temarios de forma gratuita era unha vella demanda dos opositores, e dixo que constitúe o proceso de mellora dos procesos selectivos que se veñen implantando dende o último ano.


Miriam López Pérez
Comentarios (3) - Categoría Xeral - Publicado o 16-10-2010 20:27
# Ligazón permanente a este artigo
Emotivo adeus a Suso Diaz no Pazo de San Clodio
A cultura ourensá deu onte o seu último adeus ó actor de Sarabela Teatro, Suso Díaz. A morte de Suso Díaz colleu por sorpresa á cultura local cando o polifacético actor estaba traballando na última obra de Sarabela Teatro 'O incerto señor don Hamlet' e cuxa representación foi suspendida tras o tráxico desenlace.

O cemiterio de Pazos de San Clodio, no concello de San Cibrao, acolle á comitiva que saíu do Auditorio de Ourense, no que tantas veces actuara, xunto con familiares, amigos e os seus compañeiros da compañía de teatro.

Suso Díaz faleceu no seu domicilio de Ourense ,aos 39 años de idade. Foi atopado polo seu irmán e compañeiros de traballo que ían acompañados por axentes da Policía Nacional aos que chamaron preocupados pola falta de noticias do actor, que no lles contestaba o teléfono. Ao non responder as chamadas do timbre procedeuse con axuda de efectivos do corpo de bombeiros a derribar a porta, e no interior encontraron morto o actor. A Policía solicitou a presencia dun médico forense que certificou a morte do actor cuxo corpo foi trasladado logo ao Complexo Hospitalario de Ourense para practicarlle a autopsia.

A súa vinculación coa compañía ourensá viña de 1998 e nela habíase mostrado coma un artista polifacético, xa que levaba a cabo traballos de actor, escenógrafo, iluminador e deseñador. A perda de Suso Díaz sumase a recente desaparición da actriz de Sarabela Teatro Begoña Muñoz, que morreu fai 6 meses de forma repentina. Na súa despedida, os seus compañeiros destacaron que se trataba dunha perda irreparable para a cultura ourensá, tanto no apartado profesional como en el persoal. Suso Díaz acababa de recibir o Premio María Casares polo seu traballo na iluminación de 'A Esmorga'.

Os integrantes da compañía Sarabela, encabezados pola súa directora, Ánxeles Cuña, asistiron ó funeral, así como la edil de Cultura, Isabel Pérez.


Laura Iglesias 1º de Bacharelato A
Comentarios (3) - Categoría Xeral - Publicado o 16-10-2010 14:07
# Ligazón permanente a este artigo
A revista Grial
O labor comezado no ano 1951 pola revista Grial segue sendo un modo de divulgación para a lingua galega e unha canle para a súa produción cultural. Naceu para cumprir a labor de ser un espazo de comunicación entre a cultura galega e as demais culturas do mundo. E continúa sendo un significativo punto que defende a importancia da lingua galega nos ámbitos culturais e sociais. E para iso é elaborada de forma trimestral.
Esta revista é editada pola editorial Galaxia, en Vigo. Tivo como primeiros directores a Francisco Fernández del Riego e Ramón Piñeiro. Despois foi dirixida por Carlos Casares e na actualidade esta responsabilidade é asumida por Víctor Freixanes e Henrique Monteagudo.
Tivo como colaboradores a intelectuais da significación de Ramón Otero Pedrayo, Domingo García-Sabell, Marino Dónega e Xaime Isla Couto.
Aínda que a revista foi editada por primeira vez no ano 1951 prohibiuse a súa publicación durante uns anos e volveu a ser posible a súa divulgación no ano 1963.
No seu último número, a publicación número 168 desta revista, é dedicada o autor Luís Seoane, o artista nado en Arxentina, e o título que a encabeza é ?Luís Seoane entre dúas culturas?. O primeiro artigo que fala del é do historiador Ramón Villares, Heroes calados. As relacións de Luís Seoane con galeguistas do interior(1946-1960). Completan ese apartado Multiplicar a asrte. Luis Seoane nas edicións culturais arxentinas, de Silvia Dolinko, e o factor simbólico. Luis Seoane e o Laboratorio de Formas de Xosé Díaz.


Antía Rivas Oural, 1ºA
Comentarios (1) - Categoría Xeral - Publicado o 16-10-2010 14:05
# Ligazón permanente a este artigo
Tres arrestados por tentar "rescatar" un independentista.
Axentes do Corpo Nacional de Policía detiveron tres militantes de colectivos independentistas radicais que tentaron liberar un mozo vinculado a Resistencia Galega arrestado a semana pasada, para o cal agrediron os policías que o custodiaban cando o trasladaban ó xulgado. Segundo fontes policiais, o 10 de outubro tivo lugar o traslado ós xulgados de Santiago do militante vinculado a Resistencia Galega S.V.D., de 21 anos, para darlles cumprimento ós mandamentos de detención e ingreso en prisión ditados pola Audiencia Nacional ó obxecto de facer efectivo o cumprimento da pena privativa de liberdade de catro anos imposta polo Supremo, por tenza de explosivos. Cando a dotación policial que conducía o preso baixou do vehículo, uns doce individuos, divididos en dous grupos, abalanzáronse sobre os policías para tentar liberar o detido, "forcexando e agredindo os mesmos producíndolles diversas lesións das que tiveron que recibir asistencia", indicaron as mesmas fontes. Ó acudir máis efectivos da Policía os independentistas escaparon, pero varios foron identificados, sendo detidos na noite do xoves A.P.S., home de 21 anos con domicilio en Santiago; I.C.P., muller de 27 anos veciña de Compostela e R.A.C., home de 19 anos de Barreiros (Lugo). Onte pasaron a disposición xudicial en Santiago.


Emilio González Padrón
1 º Bacharelato A
Comentarios (2) - Categoría Xeral - Publicado o 16-10-2010 13:52
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0