Descontrol en O Couto ante a festa que colapsou a Dalí -

A Panorama tivo que para unha hora por falta de seguridade e o Concello afirma que foi un “éxito total”.
O recinto das festas de O Couto para a actuación da Panorama ante máis de 10.000 persoas non estaba preparado. A falta de previsión do Concello de Ourense provocou que o alcalde Gonzalo Pérez Jácome, valora como “éxito total” fose unha aglomeración multitudinaria de xente na rúa Dalí sen vallas nin control de acceso. Esto obligou á Panorama a pedir, ata en tres ocasións, que non entrase máis público. A formación interrumpiu a actuación por recomendación das autoridades (amenazando con suspendela) e o que iban ser 10 minutos de parón para que os axentes controlasen a situación convertiuse nunha hora de espera, mentres a Policía Local controlaba (unha hora e media despois do inicio do concerto) os accesos ao recinto e cortaba as rúas próximas á orquesta, abarrotadas. De feito, estaba previsto para as 4.30 horas o final da actuación e a Panorama parou unha hora antes.
As queixas de grupos que tiveron dificultades para saír do recinto sucedéronse despois do ocorrido na madrugada do luns. A Panorama chegou a pedir “disculpas” polo parón, xa que “as autoridades así nolo recomendaron ante a gran afluencia de público”. O cantante da orquesta, Diego Moreira, explica que “primeiro veu a Policía Local a recomendarnos que parásameos, era un espazo
bastante reducido e a xente estaba moi apretada”. Moreira sinala que nunca lles ocurriu algo similar, “a comisión estaba asustada, foise das mans porque non contaban con tanta xente”. Por outro lado, agradece o “comportamento exemplar” do público, que evitou que a situación fose a peor.
Sen embargo, a postura do Concello dista moito de pedir disculpas. Admiten que a afluencia do público “superou as previsións” e obligou a un “gran traballo por parte das forzas de seguridade para afrontar a situación”, non habendo que “lamentar feitos relevantes”. Ademais da Policía Local, a Nacional colaborou nos controis na orquesta tras desatarse a locura. Jácome sinalou onte o
“flipante” que lle resultaron as críticas, xa que “foron máis de 10.000 persoas a disfrutar do lindo pero só escriben o que non lles gustou” e responsabiliza aos funcionarios de que non houbera un “plan de autoprotección”. Desde a comisión de O Couto agradecen a colaboración do Concello e consideran que non houbo falta de previsión.