Un día máis, e xa van cinco consecutivos, a provincia suma máis de douscentos novos contagios de covid. En concreto foron 208 positivos os computados no último rexistro diario do Sergas, o que deixa a cifra global de persoas coa enfermidade en 2.017. É a primeira vez que a provincia de Ourense volve superar a barreira do dous mil enfermos desde o 1 de abril. Aínda que a maioría liquida a enfermidade sen problemas, os hospitalizados seguen roldando o centenar. No CHUO hai 75 pacientes en planta e tres na unidade de coidados intensivos, no hospital de Valdeorras hai oito, en Verín, seis e en Cosaga dous (un deles en uci). A morte dunha muller de 85 anos, con patoloxías previas, eleva a 565 os falecementos.

Érika Mera Quintas 1º B Bacharelato