O turismo revive pero non recupera aínda o emprego e as prazas precovid -

Encara a Semana Santa aínda con 300 prazas menos e unha merma do 10% do persoal respecto a principios de 2020.
O sector turístico ourensán comeza a levantar cabeza tras a etapa covid, pero aínda non consegue recuperar nin os niveis de emprego prepandemia nin o número de establecementos turísticos abertos que houbera antes de que comezaran as restricións. O sector aínda tiña o peche do pasado mes de febreiro cinco establecementos e 300 prazas menos que no mesmo mes de 2020, xusto antes do estallido da pandemia que truncou un ciclo turístico positivo nunha provincia que acababa de conseguir en 2019 o seu récord.
Segundo os últimos dtaos da Encuesta de Ocupación Hostaleira do Instituto Nacional de Estadística (INE), o segundo mes deste ano cerrouse con 148 establecementos abertos na provincia, unha cifra que mellora con creces os datos do mesmo mes de 2021 (en plena vorágine de restricións), cando tan só houbera 109 sitios abertos, pero aínda por detrás das cifras prepandemia, xa que en febreiro de 2020 eran 155 os aloxamentos en funcionamento. Ademais, hai agora 5.273 prazas hostaleiras na provincia, 302 menos que hai dous anos.
Outra pata é a merma do persoal empregado no sectro turístico e que obrigou, por exemplo, a que os alumnos que estudan Turismo no Campus tiveran serios problemas para atopar empresas nas que facer prácticas laborais. A día de hoxe, hai un 10% menos de traballadores nos establecementos turísticos da provincia que hai dous anos, cando a provincia vivía os seus máximos do sector. Segundo os últimos
datos do INE, en febreiro houbo 477 persoas empregadas en hoteis ourensáns, moitas máis que as 292 que houbera en 2021, pero detrás dos 524 que houbo hai dous anos.
o consultor do turismo Emilio Cuiñas recorda que no scetor houbera unha “sensación de optimismo” estos últimos meses, nos que parecía que se deixaba atrás a pandemia, “e todo o mundo tiña boas expectativas de cara a Semana Santa e o 2022”, pero están cambiando as percepcións. “ A guerra, a suba dos prezos do combustible, gas e electricidade, así como o paro do transporte volve traer incertidumbre e preocupación. Parece que hai que ir semana a semana, isto é como unha montaña rusa”.