As autoridades sanitarias informaron este sábado dunha redución xeral no número de casos de coronavirus en centros educativos da provincia. De feito, tres deles saíron da lista, polo tanto, están libres de covid-19. Son o CEIP O Couto e o IES Otero Pedrayo, na capital, e o colexio Rodolfo Núñez Rodríguez, en Vilardevós. Non obstante, entra o CPR Plurilingüe San Jose, de Ourense. Alí só se detectou un caso ata o momento.

O número de infeccións activas reduciuse no último balance feito público polo Sergas na escola infantil Los Juglares, no Barco, no Guillerme Brown no Pereiro de Aguiar, no CIFP A Carballeira-Marcos Valcárcel, na Purísima, no centro de educación de adultos de Ourense, no IES O Couto e no IES García Barbón de Verín. Non obstante, aumentaron os casos nos seguintes centros: CEIP Albino Núñez de Ourense (que sube a tres), en CPR Divina Pastora (que chega a catro) e en CPR San María (que vai dun a dous) .