Investigadores do Instituto de Investigacións Biomédicas August Pi i Sunyer (Idibaps) do Hospital Clínic descubriron que a diminución da proteína ZEB1 induce o envellecemento das células tumorales, o que abre unha nova vía para que o cancro evite os seus propios mecanismos antitumorais.

Mediante estudos en células e en modelos animais de cancro de colon, os investigadores descubriron que a proteína ZEB1 inhibe un destes mecanismos, a senescencia ou envellecemento celular, que impide que o tumor poida crecer.

Ademais demostraron que unha expresión elevada da proteína ZEB1 asóciase cun peor prognóstico dos pacientes de cancro de colon. O traballo, que publica a revista 'Gut', foi realizado polo Grupo de Regulación Transcripcional da Expresión Génica do Idibaps e o primeiro asinante é Oriol de Barrios, experto en regulación génica en cancro colorrectal.

De Barrios explicou que para que unha célula cancerígena sexa capaz de proliferar e formar un tumor necesita superar e inhibir os seus propios mecanismos de supresión tumoral e un destes mecanismos é a senescencia, un tipo de envellecemento celular.

O estudo de bases de datos de 1.000 pacientes con cancro colorrectal permitiu observar que unha expresión elevada da proteína ZEB1, xunto cunha expresión baixa de xenes de senescencia, empeora de forma significativa o prognóstico e a supervivencia dos pacientes. En modelos experimentais de cancro colorrectal en ratos, os investigadores han visto que é suficiente con que a expresión de ZEB1 estea reducida á metade para que a célula tumoral entre en senescencia e non poida proliferar.

Así, o tumor permanece nun estadio de adenoma, benigno, sen progresar a carcinoma. "O feito de que unha baixada de ZEB1 só á metade sexa capaz de inducir senescencia e inhibir a progresión adenoma-adenocarcinoma ten importantes implicacións traslacionales, xa que non se requiriría a eliminación completa de ZEB1, o que podería ter outros efectos indeseados", afirmou De Barrios.

O investigador lembrou que a indución de senescencia en células tumorales é unha das áreas máis activas en terapia contra o cancro e estanse desenvolvendo fármacos capaces de inducila sen afectar outros procesos celulares.














Raquel Vázquez Reza, 1ºBac.