É xa unha carreira de fondo consolidada. Superada a disxuntiva de se eran necesarias primeiro as infraestruturas ou constatar unha demanda real para mobilizar o mercado do gas como combustible marítimo, navieras, Administracións, portos, estaleiros e plantas de gas impulsan en paralelo numerosos proxectos para crecer nun negocio que, aínda que minoritario, comeza a ser unha realidade e está a impulsar unha auténtica revolución no sector. A onda que move este cambio converterá as regasificadoras en centros loxísticos, penetrará aos estaleiros noutra liña produtiva, habilitará novas infraestruturas nas dársenas e dotará aos armadores de buques menos contaminantes. O pano de fondo que impulsou os primeiros pasos neste mercado foron as obrigacións ambientais da Unión Europea, coas denominadas zonas ECA -Áreas de Control de Emisións- e os seus obxectivos para o 2020 de redución de emisións.

«Esta tendencia é imparable. Non hai marcha atrás. É un impulso tremendo á nosa industria, e España parte dunha posición privilexiada en Europa, ao contar con seis plantas de gas que, por capacidade, poderían satisfacer a metade da demanda comunitaria», sostén Manuel Lage, secretario xeral de Gasnam, a Asociación Española de Gas Natural para a Mobilidade.

Paola Dacasa, 2º Bach.