Blog do escritor
Xesús Constela

www.xesusconstela.com

info@xesusconstela.com
 CATEGORÍAS
 CUARTO DOS TRASTES
 SALA PARA VISITAS
 SALA DAS PROCURAS
 SALA DOS BLOGS GALEGOS
 NO FAIADO
 ANTERIORES

Os museos morreron: Longa vida ás rúas!
De máis está dicir que son un verdadeiro fan dos grafitis ben feitos.

Son auténticas e xeniais obras de arte!

Hai alfaias dignas de pasar á posteridade.

Nun paseo pola cidade de Lisboa, pegada no escaparate dun local abandonado, atopei esta imaxe que fotografei co móbil. Coido que foi nalgunha rúa perpendicular á Avenida da Liberdade.

Trátase do anxo dos grafiteiros.

A fita que ten nas mans di:
MUSEUMS ARE DEAD: LONG LIVE THE STREETS

Por certo, que a obra é de Tinta Crúa.

Os museos morreron...

Longa vida ás rúas!

Comentarios (1) - Categoría: Fotos feitas co móbil - Publicado o 29-04-2011 18:57
# Ligazón permanente a este artigo
De Rudyard Kipling: Se
Rudyard Kipling (1865-1936) escribiu este poema para darlle unha mensaxe a seu fillo.

Unha gozada.

SE podes conservar a cabeza mentres ao teu redor
todos a perden e che botan a culpa;
se podes confiar en ti mesmo cando os demais dubidan de ti,
pero ao mesmo tempo tes en conta a súa dúbida;
se podes agardar e non cansar na espera,
ou sendo enganado polos que te arrodean non pagas con mentiras,
ou sendo odiado non deixas espazo para o odio
e non queres parecer demasiado bo nin falar con moita sabedoría...

SE podes soñar e non deixar que os soños te dominen;
se podes pensar e non comentar os teus obxectivos;
e tratar estes dous dous impostores do mesmo xeito;
se podes aturar escoitar a verdade que dixeches
terxiversada polos malandros para tenderen unha trampa aos necios,
ou contemplar esmagadas as cousas ás que dedicaches a túa vida
e poñerte a reconstruílas coas ferramenmtas desgastadas...

SE podes facer a equipaxe con todos os teus trunfos
e arriscalo todo dunha vez a unha soa carta,
e perder, e comezar de novo dende o principio
e non deixar escapar nunca unha soa palabra acerca da túa pérdida;
e se podes obrigar o teu corazón, os teus nervios e os teus músculos
a axudarte no camiño despois de teren perdido a forza,
agás a vontade que lles di "Seguide"...

SE podes falar coa multitude e teimar na virtude
ou camiñar entre Reis e non perderes a túa maneira de ser;
se nin os inimigos nin os bos amigos poden facerche dano,
se todos os homes contan contigo pero ningún demasiado;
se podes empregar o inexorábel minuto
en percorrer unha distancia que valga os sesenta segundos
túa é a Terra e todo o que hai nela,
e ,aínda máis, serás un home, fillo.
Comentarios (3) - Categoría: De literatura - Publicado o 28-04-2011 12:04
# Ligazón permanente a este artigo
Por unha Rede popular de ensino en galego
Dende aquí podedes apoiar a creación dunha rede poular de escolas en galego.

O prazo remata o vindeiro 17 de maio.

Facédelle publicidade!

Esta é a definición da rede:

Estará composta por un conxunto de instalacións de ensino de tódolos niveis e modalidades que teñan como obxectivo a transmisión de coñecementos científicos e útiles para a formación integral da persoa e que a lingua vehicular (lingua franca), a do ensino sexa o galego.
Que a formación da persoa sexa realizada con criterios de pluralismo, respecto, tolerancia, diversidade, fora de toda influencia relixiosa (laico).
O conxunto das escolas (da rede popular) estará ao servizo do Pobo de Galiza, para poder ser usada por tódolos seus habitantes, será universal, e para todas aquelas persoas que desexen recibir unha educación en lingua galega.
A rede popular e cada unha das escolas, será privada, sendo os seus propietarios os seus usuarios e impulsores, correspondendo á comunidade escolar no seu conxunto a xestión educativa de cada centro e a participación no global da rede.
A rede manterá a súa independencia dos poderes políticos, a pesar das axudas que por lei lle puideran corresponder e desempeñarán a súa función para acadar os máximos resultados de competencia dos seus alumnos/as equiparables a nivel europeo, conforme ao establecido na lexislación educativa vixente.
En adíante e para evitar calquera interpretación que dificulte o seu contido a Rede popular galega privada de ensino en galego, pasará a denominarse:
Rede popular de ensino en galego.


1.- Apoio a creación dunha asociación popular “Galiza co Galego” que acade recursos económicos para a creación dunha rede popular galega privada de ensino en galego, a todos os niveis, con especial atención dende os niveis inferiores (de cero a 6 anos), deica a finalización da educación obrigatoria (sobre os 16 anos).

2.- Apoio a creación dunha asociación popular “Galiza co Galego” cun ideario laico e pluralista.

3.- Apoio a creación dunha asociación popular “Galiza co Galego” que promova e apoie as escolas privadas laicas que usen o galego como lingua de ensino.

4.- Apoio a creación dunha asociación popular “Galiza co Galego” que busque a consecución por medio do ensino en galego, con métodos científicos a competencia lingüística nas linguas romances de tronco común como o portugués, catalán, castelán, francés, italiano,...

---> Aplicación da didáctica comparada das linguas romances: francés, italiano, galego, castelán, catalán, portugués....de xeito que se acade a competencia lingüística de comunicación oral e escrita nunha delas, ademais do castelán, e noutras a competencia nos recursos para a súa comprensión escrita e a profundidade no seu estudio.

5.- Apoio a creación dunha asociación popular “Galiza co Galego” para desenvolver un ensino científico e de calidade, que ademais permita acadar a competencia lingüística noutro idioma como o inglés, alemán, ruso, chinés..... e que procure nocións da lingua vasca (éuscaro), como outra lingua do Estado Español.

---> Aplicación dos métodos e medios pedagóxicos precisos para acadar un ensino científico e de calidade, poñendo especial atención á formación solidaria en respecto aos dereitos humanos e ao medio, para o crecemento persoal e realización do individuo formado.
Estudo doutra lingua diferente das romances, como exemplo: Inglés, Alemán, Ruso, Chinés....que permita a súa competencia lingüística.

6.- Apoio a creación dunha asociación popular “Galiza co Galego” que axude as familias para facilitarlles os medios, as ferramentas, para que poidan desenvolver a súa vida con normalidade en galego.

---> É un dereito do Pobo e polo tanto unha obriga da asociación popular favorecer na medida das posibilidades a inclusión de tódalas persoas na rede de ensino con independencia dos seus recursos económicos. A asociación popular buscará os recursos necesarios para poder dar escola en galego a quen o precise. Tamén promoverá todo tipo de actividades co gallo de que as familias poidan ter un espazo en galego no que poder convivir.

7.- Apoio a creación dunha asociación popular “Galiza co Galego” que unha vez en marcha de inmediato poderá poñer en práctica o proxecto educativo global en galego, como pode ser en convenio cos centros de ensino privados existentes, ou coa creación de novos centros.

---> Á rede popular de ensino en galego poderán adherirse calquera centro que o desexe, sempre e cando se garanten os seus principios de pluralismo e laicidade e se poña en práctica o proxecto educativo da rede popular de ensino.
Será necesario que os centros cumpran cos aspectos pedagóxicos e os principios de realizar o ensino en galego, laico e pluralista da rede popular de ensino en galego. A comunidade educativa participará na xestión global da rede.

8.- Apoio a creación dunha asociación popular “Galiza co Galego” que reclame da administración pública os recursos económicos precisos para o desenvolvemento dunha rede galega de ensino en galego, tanto na súa parte pública como privada.

---> Reclamarase da administración os recursos precisos, como o material didáctico , escolar, os libros de texto, a concesión de becas...

9.- Tendo en conta que a asociación popular “Galiza co Galego”, contará con asociados nun número inicial de 3000, que ao mesmo tempo, na maior dos casos serán beneficiarios da rede de ensino en galego, comprometo a miña afiliación, á asociación popular “Galiza co Galego”, cunha cota anual de 100 a 200 euros, que farei efectiva no momento da súa constitución.

---> A asociación popular “Galiza co Galego” non terá ánimo de lucro, disporá duns estatutos democráticos, favorecedores da participación e control por parte dos asociados, supervisando que as escolas da rede de ensino en galego cumpran coa súa función e os principios fundacionais de laicidade, ensino en galego e pluralidade.
O inicio da actividade terá lugar cando se acaden 3.000 socios que farán posíbel alcanzar os recursos económicos precisos para o funcionamento da primeira escola.
A cota establecerase anualmente en base ao presuposto anual do funcionamento do primeiro centro de ensino, nos limites que se establecen. A cantidade económica da cota dos socios terá a consideración de creto, ou fondo, ou garantía para o funcionamento das escolas.
O gasto orixinado do mantemento do centro de ensino promocionado pola asociación, será asumido polo seus usuarios.
Á finalización do curso farase un balance social e pedagóxico do funcionamento da rede e das escolas, aportando no seu caso as medidas correspondentes para manter o máximo nivel de competencia educativa.
Á finalización do curso farase un balance económico dos gastos da asociación e dos recursos económicos empregados, podendo rescatarse parte ou todo do aportado, dependendo do resultado.
A renovación da cota anual farase cada ano nos termos indicados e calculada en base o reparto do gasto entre todos os asociados en relación aos proxectos a desenvolver, e sempre nos límites económicos establecidos para a mesma.

As axudas económicas extraordinarias de persoas ou entidades (privadas ou públicas), non serán aportadas directamente a asociación senón ás familias, como por exemplo becas, material, uso de inmobles.....
Comentarios (0) - Categoría: Da lingua de nós - Publicado o 27-04-2011 13:11
# Ligazón permanente a este artigo
Dos horrores de Guantánamo
Sabiamos milleiros de cousas, todas horrendas, acerca da Prisión que o Goberno norteamericano montou na súa base militar de Guantánamo para encerrar sen garantías xurídicas de ningunha caste a un enorme grupo de presos acusados de pertenceren a Al Qaeda.

Sabiamos que iso máis ca unha prisión era un campo de concentración con todas as da lei onde os presos eran sometidos a torturas varias ao longo de interminábeis interrogatorios.

Agora resulta que coas filtracións feitas públicas por Wikileaks as atrocidades sorpréndennos cada día con horror.

A saber:
Hoxe soubemos que os Estados Unidos encarceraron adolescentes!

Onte soubemos que fixo o mesmo con enfermos mentais...

Non vai xulgar a ninguén o Tribunal de Xustiuza Internacional?

Non imos ver a ninguén acusado por crimes contra a humanidade?

Nin sequera a George W. Bush, impulsor da atrocidade?
Comentarios (3) - Categoría: Deste noso mundo inxusto - Publicado o 27-04-2011 12:54
# Ligazón permanente a este artigo
Da intervención da economía portuguesa
A economía portuguesa está a ser intervida polo Fondo Monetario Internacional e as súas contas olladas con lupa polo Banco Central Europeo e a Unión Europea.

As conversas entre a troika comunitaria e o goberno portugués están a ser segredas.

Pero a prensa portuguesa publica filtracións que falan de:

- privatizacións de case todas as empresas públicas, incluídas as autoestradas, que xa son todas de pago, os aeroportos, os hospitais...

- co-pago (ou pago completo) dos medicamentos e de todos os servizos da Sanidade Pública de acordo coa renda do usuario.

- conxelación ao longo de varios anos dos salarios dos funcionarios públicos e reestruturación do sector.

- conxelación e mesmo rebaixa das pensións e supresión de pagas extras para todos os pensionistas.

Nada se fala de impostos especiais para as rendas máis altas.

Isto só é un exemplo do que aparece estes días na prensa portuguesa.

Dá pánico!

Achégovos unha fotografía tirada na Praça do Rossio de Lisboa.

Mans arriba!
Isto é unha axuda externa!

Comentarios (2) - Categoría: Deste noso mundo inxusto - Publicado o 25-04-2011 17:32
# Ligazón permanente a este artigo
Calle 13: Pal' norte
Despídome até despois da semana santa (que de santo ten o das vacacións) con esta canción do grupo Calle 13, de Puerto Rico.

Unha reivindicación da viaxe que moitos latinoamericanos emprenden cara aos Estados Unidos coas mans baleiras e a alma magoada á procura dun soño que non existe.

Veña un grolo por eles todos!

E outro grolo tamén polos soños que se alcanzan dentro da terra propia sen necesidade de marchar...

Que as viaxes sexan sempre por pracer e nunca por necesidade!

Até a volta!

Comentarios (5) - Categoría: Sala de música - Publicado o 15-04-2011 18:04
# Ligazón permanente a este artigo
De Fernando Pessoa: Sonho. Não sei quem sou
A través de Ángeles, unha amiga no Facebook, chegoume este poema de Fernando Pessoa que non precisa de máis comentarios.

Grandioso!

Sonho. Não sei quem sou neste momento.
Durmo sentindo-me. Na hora calma
Meu pensamento esquece o pensamento,
Minha alma não tem alma.

Se existo é um erro eu o saber. Se acordo
Parece que erro. Sinto que não sei.
Nada quero nem tenho nem recordo.
Nao tenho ser nem lei.

Lapso da consciencia entre ilusões,
Fantasmas me limitam e me contem.
Dorme insciente de alheios corações,
Coração de ninguém.
Comentarios (5) - Categoría: De literatura - Publicado o 14-04-2011 12:05
# Ligazón permanente a este artigo
Como torturaron os británicos aos Mau Mau
O pasado domingo o xornal El País traía unha noticia estarrecedora que podedes ler dende aquí.

Falabas das atrocidades que os británicos cometeron contra os sospeitosos de teren impulsado a revolta Mau Mau en Kenia hai xa máis de cincuenta anos.

Catro das persoas que foron torturadas até padecer graves lesións físicas e psicolóxicas (Wambugu Wa Nyingi, Jane Muthoni, Paulo Nzili e Ndiku Mutua) denunciaron ao Goberno Británico polos terríbeis padecementos sufridos, que incuíron en dous dos casos a castración con tenazas!

Non teño palabras para o horror que me producíu ler a noticia.

Un tribunal de londres admitiu a denuncia e vai abrir xuízo.

Como compensar agora as atrocidades sufridas?







Comentarios (5) - Categoría: Deste noso mundo inxusto - Publicado o 13-04-2011 21:59
# Ligazón permanente a este artigo
Lole y Manuel: Romero verde
Vaia por diante que o flamenco non é nin de lonxe unha das miñas músicas preferidas.

Pero esta canción sempre tivo para min un eco de saudades que non alcanzo a descifrar moi ben.

Quizais é por esa letra, tan fondamente lorquiana.
(Non foi escrita por Lorca pero ben puidera telo sido)

A cantaora Dolores Montoya Rodríguez e o guitarrista Manuel Molina Jiménez (amabos os dous xitanos) uníronse en 1975 como parella artística, co nome de "Lole y Manuel" e deron un xiro á música flamenca fusionándoa con rock e ritmos étnicos e árabes.

E no seu terceiro disco aparece esta xoia:

Vente conmigo niño por el romero en flor
por los cañaverales y el arroyo cantor
vente a los campos niño
bajo la luz del sol
a tejerle coronas de besos al amor,
a cantar con el agua,
a cantar con el agua y con el gorrión,
vente conmigo niño por el romero en flor.

A la flor del romero ...
A la flor del romero, romero verde
son tus ojitos niño los que me pierden.
A la flor del romero, romero verde,
a la luna me subo solo por verte.
A la flor del romero, romero verde,
solo por verte,
y mirar tu boquita de miel caliente,
y mirar tu boquita de miel caliente.

Vente conmigo niño por el romero en flor
por los cañaverales y el arroyo cantor
vente a los campos niño
bajo la luz del sol
a tejerle coronas de besos al amor
a cantar con el agua
a cantar con el agua y con el gorrión,
vente conmigo niño por el romero en flor.






Comentarios (3) - Categoría: Sala de música - Publicado o 13-04-2011 21:40
# Ligazón permanente a este artigo
The Byrds: Turn, Turn, Turn
Non sei por que onte espertei con esta canción Turn, Turn, Turn de The Byrds na cabeza.

Anos sesenta en estado puro!

Escoitade os berros das fans apaixoadas!

Polo visto a letra procede da Biblia, do libro do Eclesiastés (Ecclesiastes 3:1) e foi Pete Seeger quen lle puxo a música aínda que a popularidade do tema veu da man de The Byrds.

To everything - turn, turn, turn
There is a season - turn, turn, turn
And a time for every purpose under heaven

A time to be born, a time to die
A time to plant, a time to reap
A time to kill, a time to heal
A time to laugh, a time to weep


Pois iso, que para cada cousa hai un momento.


Comentarios (5) - Categoría: Sala de música - Publicado o 10-04-2011 21:50
# Ligazón permanente a este artigo
1 [2]
© by Abertal