Blog do escritor
Xesús Constela

www.xesusconstela.com

info@xesusconstela.com
 CATEGORÍAS
 CUARTO DOS TRASTES
 SALA PARA VISITAS
 SALA DAS PROCURAS
 SALA DOS BLOGS GALEGOS
 NO FAIADO
 ANTERIORES

Unha xesta para maio
Non sei en cantos lugares máis de Galicia existe a tradición de poñer unha poliña de xesta na matrícula do coche para comezar ben o mes de maio.

Desconfío da eficacia de tal costume, pero non vaia ser o demo...

Así que velaí vos van unhas poliñas de xesta para todos e que o mes comece do mellor xeito posíbel!
Comentarios (9) - Categoría: Xeral - Publicado o 30-04-2010 19:10
# Ligazón permanente a este artigo
Brian Patten: A confesión do pequeno Johnny
Agasalloume hoxe Eva Lozano con este fermoso poema de Brian Patten, integrante xunto con Adrian Henri e Roger McGough do Trío de Liverpool, que eu me permito traducir ao galego:

A confesión do pequeno Johnny

Esta mañá
sendo máis ben novo e parvo
collín prestada unha metralleta que meu pai
deixara agachada dende a guerra, saín
e eliminei un bo número de pequenos inimigos.
Dende entón non volvín pola casa.

Esta mañá
multitudes de policías con cans
andaban pola cidade
coa miña descrición impresa
nas súas mentes, a preguntar:
"Vírono?
Ten sete anos,
gústanlle Pluto, o Super Rato
e Biffo o Oso,
Vírono nalgures?"

Esta mañá
sentado só nun estraño campo de xogos
a dicirme equivocácheste equivocácheste
unha e outra vez
planeo o meu seguinte movemento
pero non podo moverme.
Os cans van ulisquearme,
teñen os meus caramelos.
Comentarios (5) - Categoría: De literatura - Publicado o 29-04-2010 18:07
# Ligazón permanente a este artigo
Olly Williams: O furado negro
Moitas veces unha sorpresa agarda por nós no lugar máis inesperado e á hora máis imprevisíbel.

Mais cómpre andar con moito coidado á hora de tirar proveitos delas.

A curtametraxe é de produción británica e está dirixida por Olly Williams e Phil Sampson no ano 2008.

Coidado coas sorpresas a primeiras horas da mañá!

Comentarios (2) - Categoría: Alfaias en video - Publicado o 28-04-2010 17:53
# Ligazón permanente a este artigo
Do "abandono" de Suso de Toro
Recoméndovos que vexades o programa da TVG no que se entrevista a Suso de Toro e explica os motivos do seu "abandono" da literatura profesional.

Podedes velo aquí e despois sacade as vosas conclusións.

Non é moi diferente o que di do que estabamos a falar estes días neste blog acerca da situación da literatura galega na actualidade, da súa falla de incentivos e da necesidade de crear industria.

Comentarios (6) - Categoría: De andar pola casa - Publicado o 27-04-2010 17:51
# Ligazón permanente a este artigo
Da morte de Alan Sillitoe
O pasado domingo morreu Alan Sillitoe, un dos grandes da literatura inglesa contemporánea, integrante do grupo que se coñeceu como Angry Young Men, un deses creadores de personaxes cos que resulta doado manter un alto grao de empatía.

Se non lestes The Loneliness of the Long Didstance Runner (A soidade do corredor de fondo) ou Saturday Night and Sunday Morning, é un bo momento para facelo!

Recoméndovos a primeira.
É unha lectura da que nunca vos arrepentiredes.

Marabilloso o protagonista, Colin Smith, un deses personaxes que nunca se esquecen.

Veña un grolo por Sillitoe!

Velaquí tedes o comezo da película que fixo Tony Richardson (English Free Cinema) acerca do libro:

Comentarios (3) - Categoría: De literatura - Publicado o 27-04-2010 17:37
# Ligazón permanente a este artigo
D' O meu país de Miro Casabella
Ás veces un érguese da cama pola mañá cunha determinada melodía na cabeza sen que saiba moi ben por que.

Hoxe tocoulle a aquela canción de Miro Casabella, O meu país , dun disdco titulado Ti, Galiza, que ten xa unha boa morea de anos, tantos que eu teño na casa o vinilo asinado polos meus compañeiros de primeiro de BUP do Instituto "Concepción Arenal" de Ferrol.

A letra dicía:

O meu país, é verde e neboento
é saudoso e antergo, é unha xente e un chan
o meu pais, labrego e mariñeiro
é un recuncho sin tempo, que durme nugallán

Que quece na lareira,aló na carballeira
bota a rir
e unha folla no vento,alento e desalento
o meu país

O meu país,tecendo a sua historia
muiñeira e corredoira,acocha a sua verdá
o meu país saúda o mar aberto
escoita o barlovento,e ponse a camiñar

Cara a metas sin nome van ringleiras de homes
e sin fin
tristes eidos de algures, vieiros pra ningures
o meu país

O meu pais nas noites de invernía
dibuxa a sua agonía,nun vello e nun rapaz
o meu país de lenda e maruxías
agarda novos dias, marchando de vagar

Polas corgas e herdanzas
nasce e morre unha espranza, no porvir
e unha folla no vento, alento e desalento
o meu país.


Quizais todo viña a conto do último comentario que deixei ao artigo anterior, no que falaba deste país noso que non parece disposto a espertar de ningún xeito en medio da impotencia, ou da incredulidade, ou que sei eu, dos que levamos tempo a intentar facelo espertar.

Quizais sexa verdade a letra da canción e habitemos simplemente unha folla no vento.

Quen sabe?

Que facer para que a folla tome terra dunha maldita vez e poidamos comezar a traballar de xeito positivo?

Que?
Comentarios (8) - Categoría: De andar pola casa - Publicado o 25-04-2010 19:56
# Ligazón permanente a este artigo
A ver se espertan os editores galegos
Outro día do libro. Benvido sexa.
Hei recoñecer unha certa envexa de todos eses autores que nas rúas de Barcelona están a compartir o día cos seus lectores.

Hei recoñecer unha certa envexa dun sistema literario, o catalán, perfectamente enraizado na poboación.

Descoñezo acantidade de libros que poden estar a venderse na data de hoxe para seren intercambiados por flores.

Cando espertará o noso sistema literario aletargado de máis?

Debo insistir unha vez maís na miña teima de convidar os editores galegos afacer industria, industria de verdade, a industria que merecen o noso pobo e o noso idioma.

Unha vez máis poño o exemplo dese viño albariño que se fabricaba de xeito artesanal e se consumía nas casas. Agora véndese nas mellores viñotecas do mundo e consúmese como é de merecer, non podía ser doutro xeito, nos mellores rstaurantes, presente como está nas súas cartas.

Agradécese ao mundo editorial galego o pulo que lle deu á nosa literatura nos seus momenmtos máis difíciles. Non sería honesto negar a súa loita a contracorrente e os grandes logros conseguidos hai anos.

Pero teñen que poñer as pilas ou a nosa literatura esmorecerá no mesmo lugar onde naceu, co que o mundo perderá grandes obras de grandes autores.

Non podemos agardar que os nosos choscos gobernantes apoien algo que decididamente non é do seu interese. Non podemos contar con eles.

Un libro nace da man do seu autor e cando por fin se edita pertence á editorial e aos lectores, polo que é labor da editorial, non do autor, intentar facer industria, e a industria non medra se non existe risco e promoción.

Se non se venden libros acabaremos coma os poetas provenzais!

Os editores teñen que ir na procura de lectores. Nunca vai funcionar o asunto ao revés.

Nunca.
Comentarios (8) - Categoría: De andar pola casa - Publicado o 23-04-2010 14:58
# Ligazón permanente a este artigo
Edith Piaf: Non, Je ne Regrette Rien
Ídemes permitir dedicar esta canción a Eva Carpente, que hoxe me fixo chegar unha máis que fermosa presentación acerca de Edith Piaf.

Trátase da gravación dun concerto en Holanda en 1962 (xusto un ano antes do seu pasamento!)

Non, Je ne Regrette Rien:

Non! Rien de rien ...
Non! Je ne regrette rien
Ni le bien qu'on m'a fait
Ni le mal tout ça m'est bien égal!

Non! Rien de rien ...
Non! Je ne regrette rien
C'est payé, balayé, oublié
Je me fous du passé!


Era grande a Piaf, non si?



Comentarios (8) - Categoría: Sala de música - Publicado o 22-04-2010 20:40
# Ligazón permanente a este artigo
Jiri Barta.- Domecku var
O título orixinal en checo desta xoia de Jiri Barta é Domecku var que debe de ser algo así como Cook, Mug, Cook, segundo di o subtítulo que aparece ao comezo.

Descubrín a Jiri Barta hai moitos anos grazas a un amigo que me convidou a ver un vídeo magnífico acerca duns vampiros que vivían nunha cripta (The Last Theft). Era magnífico. Encantaríamo colgalo no blog pero é unha curtametraxe de arredor de media hora e non é posibel.

Gozade desta obra de arte en 3D porque paga a pena vela con calma.

Comentarios (8) - Categoría: Alfaias en video - Publicado o 21-04-2010 17:33
# Ligazón permanente a este artigo
Un poema para os indios de Latinoamérica
Levo dous días a pensar nos indios da Amazonia e de toda Latinoamérica e veume á cabeza este poema de Pablo Neruda que vos achego porque ilustra de xeito perfecto os meus sentimentos:

SUBE a nacer conmigo, hermano.

Dame la mano desde la profunda
zona de tu dolor diseminado.
No volverás del fondo de las rocas.
No volverás del tiempo subterráneo.
No volverá tu voz endurecida.
No volverán tus ojos taladrados.
Mírame desde el fondo de la tierra,
labrador, tejedor, pastor callado:
domador de guanacos tutelares:
albañil del andamio desafiado:
aguador de las lágrimas andinas:
joyero de los dedos machacados:
agricultor temblando en la semilla:
alfarero en tu greda derramado:
traed a la copa de esta nueva vida
vuestros viejos dolores enterrados.
Mostradme vuestra sangre y vuestro surco,
decidme: aquí fui castigado,
porque la joya no brilló o la tierra
no entregó a tiempo la piedra o el grano:
señaladme la piedra en que caísteis
y la madera en que os crucificaron,
encendedme los viejos pedernales,
las viejas lámparas, los látigos pegados
a través de los siglos en las llagas
y las hachas de brillo ensangrentado.
Yo vengo a hablar por vuestra boca muerta.

A través de la tierra juntad todos
los silenciosos labios derramados
y desde el fondo habladme toda esta larga noche
como si yo estuviera con vosotros anclado,
contadme todo, cadena a cadena,
eslabón a eslabón, y paso a paso,
afilad los cuchillos que guardasteis,
ponedlos en mi pecho y en mi mano,
como un río de rayos amarillos,
como un río de tigres enterrados,
y dejadme llorar, horas, días, años,
edades ciegas, siglos estelares.

Dadme el silencio, el agua, la esperanza.

Dadme la lucha, el hierro, los volcanes.

Apegadme los cuerpos como imanes.

Acudid a mis venas y a mi boca.

Hablad por mis palabras y mi sangre.

Comentarios (6) - Categoría: De literatura - Publicado o 20-04-2010 19:19
# Ligazón permanente a este artigo
1 [2] [3]
© by Abertal