FESTIVALEIR@S DENDE O ANO 2000.

xentetitiriteira
fitredondela@hotmail.com
 FIT REDONDELA
  FESTIVAL INTERNACIONAL DE TÍTERES DE REDONDELA
 TÍTERECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES
 DESTACADOS

XVII FESTIVAL INTERNACIONAL DE TÍTERES DE REDONDELA Memorial Juanjo Amoedo do 16 ao 22 de maio de 2016
Comentarios (0) - Categoría: 17 festival 2016 - Publicado o 25-03-2016 15:36
# Ligazón permanente a este artigo

XVII FESTIVAL INTERNACIONAL
DE TÍTERES DE REDONDELA
Memorial Juanjo Amoedo
do 16 ao 22 de maio de 2016
Comentarios (0) - Categoría: 17 festival 2016 - Publicado o 25-03-2016 15:32
# Ligazón permanente a este artigo
Comentarios (0) - Categoría: 17 festival 2016 - Publicado o 25-03-2016 13:14
# Ligazón permanente a este artigo
XVII FESTIVAL INTERNACIONAL DE TÍTERES DE REDONDELA Memorial Juanjo Amoedo
.Estamos felices en presentar o novo personaxe do
XVII FESTIVAL INTERNACIONAL DE TÍTERES DE REDONDELA
Memorial Juanjo Amoedo
Do 16 ao 22 de maio de 2016.
Como sempre un agasaio do noso companheiro e membro de Xente Titititeira P. Pastor.
Comentarios (0) - Categoría: 17 festival 2016 - Publicado o 25-03-2016 13:12
# Ligazón permanente a este artigo

O TEATRO DE MONICREQUES E A MÚSICA INUNDAN REDONDELA
ESTE SÁBADO ! • As rúas e prazas encheranse coas máis de 22 actividades programadas a cargo de11 compañías internacionais . A programación de rúa do XVI Festival Internacional de
Títeres de Redondela (Memorial Juanjo Amoedo) arranca esta sábado con máis de
22 propostas de teatro de títeres, música, xogos e itinerantes que encherán a vila dos
viadutos con máis de 11 compañías internacionais. !O programa de rúa arrancará ás 13:00h coa primeira función na Praza do Concello, a cargo dos galegos de Títeres Cascanueces e ‘Ikú & Elegguá’, un espectáculo
tradicional de monicreques de luva no que a morte persegue a un neno, que representa a alegría de vivir, as bromas e as trasnadas, e que se volverá a representar no mesmo espazo ás 19:30h. Cascanueces traerá tamén o espectáculo ‘Un diaño na maleta’, coa mesma técnica de títere de luva, que representará ás 18:00h e ás 20:30h na Praza do Concello. !Na Casa da Torre ás 20:00h, Mutis Teatro, de Castela-León, porá en escena ‘El espantapájaros fantasma’, a historia dun nena e un neno que deciden entrar nunha granxa abandonada por motivos secretos. As trapalladas alí dentro parecerán estar vivas baixo as ordes dun espectral espantallo. !Homenaxe aos espectáculos itinerantes !Un dos pratos fortes desta xornada serán os espectáculos itinerantes, como o ‘Pas si
bête’ da compañía francesa Ekart, un mono xigante que percorrerá a vila portando a
un antropólogo co que vivirá situacións tenras e burlescas. Os dous amigos deixaranse ver por Afonso XII e o Paseo da Ribeira ás 17:30h e en Afonso XII e os Xardíns da Alameda ás 20:30h. !Os tamén franceses Les Fréres Carton traerán ás rúas redondelás ‘Les Réveil des
Vilains’, un itinerante no que tres extrañas caixas abanean no medio da xente, e que
cando abren, descubrirán os segredos e o humor que gardan. Os dous pases deste
grupo ter´n lugar ás 18:30h en Afonso XII e Praza da Ribeira e ás 21:00h facendo o
camiño contrario. !Música ao vivo nunha roda xigante !A música será outra constante na programación de rúa para animar todos os
recunchos da vila. Dende as 17:00h, os grupos galegos Fanfarria Taquikardia, Cé
Orquestra Pantasma e Calcetín Furado amenizarán as rúas e prazas como Afonso
XII, soportais e Praza do Concello, Campo da Petanca, Paseo Ribeira, Paseo da
Xunqueira e os Xardíns da Alameda. !Pero quizáis a proposta musical máis rechamante sexa a da compañía catalana
Factoría Circular co seu ‘Rodafonio’, un triciclo cunha roda xigante na que están
situados os músicos, e que se irán movendo (subindo e baixando) a medida que vaia
andando e xirando. A compañía fará dous pases itinerantes por Afonso XII e Paseo
da Ribeira ás 18:20h e ás 21:00h. !Titiriguiri e Pelmánec no Multiúsos da Xunqueira !Na programación de sala, os protagonistas serán as compañías Titiriguiri de Madrid
e a catalana Companyia Pelmánec. A primeira representará o espectáculo familiar
‘Hay un gallo en tu tejado’ ás 17:00h, unha obra que mestura o teatro de
monicreques e o traballo de actor coas novas tecnoloxías. Sobre unha escenografía
proxectada, a obra conta a historia dun galo que muxe como unha vaca. A veciña de
abaixo, intrigada, pregúntalle o por que do seu canto. É entón cando dá comezo
unha historia que transportará ao espectador a un campo cheo de vacas divinas,
galiñas poñedoras, un touro namorado e de Maca, unha simple vaca. As últimas
entradas para este espectáculo poderanse adquirir dende as 16:00h na billeteira do
Multiúsos a un prezo de 5€ adultos e 3€ nenos. !En canto á proposta de adultos, que terá lugar ás 21:00h na Xunqueira a un prezo
único de 5€, a Companyia Pelmánec porá en escena ‘El Álvaro’, unha hilarante e
orixinal versión da obra de Moliére na que se substitúe o valor e a riqueza do ouro
pola da auga, un ben en risco. A peza, protagonizada por Miguel Gallardo, recibiu
máis de 8 premios internacionais, e combina o teatro de actor coa manipulación de
obxectos. !A programación compleméntase tamén cos xogos dos cataláns Katakrak, na Pista da
Xunqueira de 17:30h a 20:30h, os espectáculos pola gorra e a exposición ‘Foto
Colectiva’ na que poderán participar coas súas instantáneas todos os asistentes ao
Festival.
Comentarios (0) - Categoría: XVI FESTIVAL 2015 - Publicado o 30-05-2015 16:15
# Ligazón permanente a este artigo
Comentarios (0) - Categoría: 15 festival 2014 - Publicado o 26-05-2015 18:11
# Ligazón permanente a este artigo

MIMAIA TEATRO ABRE A PROGRAMACIÓN DE SALA DO XVI FESTIVAL
INTERNACIONAL DE TÍTERES DE REDONDELA ESTE MÉRCORES !
•A compañía catalana representará ‘Adiós Bienvenida’ no Multiúsos da Xunqueira ás 21:00h para público xeral despois de facer dous pases para escolares pola mañá !Redondela, 26/05/2015. A segunda xornada da XVI edición do Festival Internacional de Títeres de Redondela (Memorial Juanjo Amoedo) estará protagonizada pola compañía catalana Mimaia Teatro, que porá en escena o seu espectáculo ‘Adiós Bienvenida’ no Multiúsos da Xunqueira. As primeiras representacións terán lugar no marco da campaña escolar, ás 10:30h e ás 12:00h, e xa pola tarde, abrirá a
programación de sala co mesmo espectáculo para público xeral ás 21:00h. !Nesta proposta, Mimaia Teatro fala dos ciclos da vida, da necesidade de que as cousas rematen para que algo novo poda comezar. Todos os domingos, a mesa de Bienvenida énchese de mariñeiros e pescadores que van desfrutar das mellores sardiñas do porto. Unha grande mesa sen mantel, con cheiro a peixe, unha mesa na que se permite
escribir, como un grande libro aberto… Do mar á mesa, da mesa ao mar, a vida pasa nun ciclo contínuo, coma o peixe que morde a cola. !O espectáculo, que tamén se representará no marco da campaña escolar o xoves, está destinado para maiores de 6 anos e mestura o teatro de obxectos co de monicreques. !Na primeira xornada de Festival, a compañía Caramuxo Teatro e a obra ‘As fabas máxicas’ congregou no Auditorio Piñeiral do Crego de Chapela a máis de 300 cativos, enchendo as dúas sesións programadas ás 10:30h e ás 12:00h. !!Entradas xa á venda dende ás 19:00h !Como xa é habitual, as billeteiras do Festival abrirán este mércores dúas horas antes da primeira función de sala, é dicir, ás 19:00h, e poranse á venda as entradas para todas as representacións. Por regra xeral, os prezos serán de 5€ adulto e 3€ neno, que poderán variar segundo a función. De cada espectáculo gardaranse unha porcentaxe de
entradas para vender no mesmo día.
!A billeteira estará aberta sempre dende dúas horas antes de cada representación agás o
sábado e o domingo, que abrirá ás 16:00h. !!!
Comentarios (0) - Categoría: XVI FESTIVAL 2015 - Publicado o 26-05-2015 17:24
# Ligazón permanente a este artigo
Comentarios (0) - Categoría: XVI FESTIVAL 2015 - Publicado o 21-05-2015 20:08
# Ligazón permanente a este artigo
Comentarios (0) - Categoría: XVI FESTIVAL 2015 - Publicado o 21-05-2015 19:43
# Ligazón permanente a este artigo
XVI FESTIVAL INTERNACIONAL DE TÍTERES DE REDONDELA Memorial Juanjo Amoedo do 26 ao 31 de maio do 2015

O 16 FESTIVAL INTERNACIONAL DE TÍTERES DE REDONDELA (Memorial Juanjo Amoedo) AMPLÍA A PROGRAMACIÓN DE RÚA AO VENRES.
A XVI edición contará con 24 compañías e máis de 70 espectáculos, que encherán a Vila dos Viadutos de teatro e música dende o 26 ao 31 de maio, con importantes novidades, como a extensión da programación de rúa ao venres e o itinerante colectivo ‘O Paseo dos Pitiños’. !Programación de rúa dende o venres !A programación de rúa, por tanto, arrancará nesta edición o venres pola tarde, cos cataláns de Katakrak con ‘Enginys Elo-Poetiks’ e a Fanfarria Taquikardia polo paseo da Xunqueira e Títeres Cascanueces na Praza Reveriano Soutullo con ‘Un diaño na maleta’. Pero tamén haberá programación de sala. Os brasileiros de Pigmaliâo Escultura que mexe representarán 5 pases de 15 minutos para un máximo de 80 espectadores no Multiúsos da Xunqueira da súa obra ‘O Quadro de uma familia’, mentres que o Centro Dramático de Évora escenificarán ‘Bonecos do Santo Aleixo’ no Auditorio Piñeiral do Crego de Chapela. !Ademais, no marco da programación Redond-Off, o Centro Recreativo Cultural de Redondela acollerá o espectáculo ‘A espera’ de Titeresficcións, que desenvolverá tres pases de 20 minutos para un máximo de 40 persoas. !Como peche da xornada e homenaxe ao mundo dos titiriteiros, ás 21:00h terá lugar un
Encontro-Coloquio cos titiriteiros históricos galegos na Casa da Cultura dirixido por Quico Cadaval. !O Paseo dos Pitiños !Outra das novidades coas que se arrancará a programación do domingo é o denominado ‘Paseo dos Pitiños’, unha excursión que mestura contorno e espectáculo e que está capitaneado pola compañía Ekart e o seu ‘Maurice et Jules’. A idea é que o maior número de nenos e nenas, así como pais e nais da vila, se acheguen disfrazados de pitiños ou de calquera outro animal ao fin do Paseo da Portela ás 11:30h. Unha vez alí, e acompañados por unha galiña xigante e pola música, comezarán o camiño ata o centro de Redondela, onde se irán sucedendo as sorpresas. Un xeito de facer partícipes aos máis pequenos da programación do Festival ao mesmo tempo que se descubre unha das partes máis bonitas da nosa vila.
Foto Colectiva !A exposición deste ano quere ser un inmenso collage de experiencias persoais dos veciños e veciñas co Festival. Habilitarase na Sala de Exposicións do Multiúsos un gran panel con fotografías de edicións anteriores para que se vaia enchendo coas fotografías que cada persona traia. No propio Multiúsos haberá unha impresora para que todas aquelas personas que queiran participar, poidan imprimir as fotos que saquen na edición deste ano, tanto dos espectáculos, como do público, como de si
mesmos gozando dunha das obras programadas. Máis de 70 espectáculos. Ademais das principais novidades deste ano, a programación do Festival continuará coa tradicional campaña escolar, espectáculos de sala, espectáculos de rúa -que pretenden homenaxear aos espectáculos itinerantes- o Redond-Off e mais o Mercadiño
Titiriteiro.
Datas do Festival: do 26 ao 31 de maio do 2015
- Programación de rúa: 29, 30 e 31 de maio
Moitas grazas e un saúdo
Asociación Xente Titiriteira.
Máis información:
http://www.blogoteca.com/xentetitiriteira/
https://www.facebook.com/FestivalDeTiteresDeRedondela
fitcomunicacion@gmail.com // fitredondela@hotmail.com // 679559401
Comentarios (0) - Categoría: XVI FESTIVAL 2015 - Publicado o 15-05-2015 16:15
# Ligazón permanente a este artigo
© by Abertal
festivaltiteresredondela.es