|
|
|
|
| Novidades na fotogalería |
|
 Tras superar a resaca de tanta troula, viño e música, chegáronos as fotos de varios amigos e veciños. Así que velaí vos van, para mirar, comentar e lembrar a feita deste 2010.
Tamén deixamos aquí a ligazón que un amigo nos mandou con máis fotos da histórica xornada vitinícola!
Galería de fotos da feira do viño de Vilachá de Salvadur, 2010
O vindeiro ano, máis e mellor!! |
|
|
|
|
| PROGRAMA DA FEIRA DO VIÑO DE VILACHÁ 2010 |
|
|
|
|
|
|
| FEIRA DO VIÑO 2010 |
|
Neste ano 2010 a Feira do Viño de Vilachá de Salvadur comeza o 1º de Maio e continúa no domingo 2 de maio.
Ide preparando as vosas gorxas, adecentando o ceo do padal e poñéndovos ao día porque esa fin de semana correra o viño deica o bandullo, pintaredes os beizos de morado e fartarédesvos de comer e bailar entre as adegas da Abelaira.
Non faltades porque logo de nada vale laiarse. Avisade aos vosos amigos, familia ou veciños; achegádevos a Vilachá na primeira fin de semana de maio para saborear os famosos caldos da ribeira do Sil.
Agardamos nestes días poder colocar o cartel da feira e anunciarvos os grupos que veñen tocar máis o pregoeiro.
Gaiteiros, tamborileiros, colleiteiros, veciños... todos á feira de Vilachá! |
|
|
|
|
| Xuntanza veciñal ordinaria |
|
Para o derradeiro fin de semana do mes de febreiro, o sábado 27, a Asociación Veciñal de Vilachá de Salvadur convoca unha xuntanza ordinaria para tratar diferentes temas e abordar o ano que acaba de entrar.
Agardamos a asistencia da veciñanza e a súa participación activa. |
|
|
|
|
| O equipo de fútbol de Vilachá |
|
Velaqui unha foto que nos enviou Ramiriño xa hai uns meses onde está o glorioso equipo de fúbtol de Vilachá do ano 1976.
O partido disputouse contra o Bascós, no lameiro do Sacana. O resultado final foi de empate a tres.
Por Vilachá xogaron: de esquerda a dereita os que están en pé son Carlos, Pedrito, Pepe, Pepón, Eduardo e Ramiro. Os que están de crequenas de esquerda a dereita son Jose, José, Pedro, Santiago e Jaime.
Animamos tamén a que se sigan enviando fotos antigas de Vilachá para colgar no noso blogue.
Aupa Vilachá!
|
|
|
|
|
| Novidades na fotogalería |
|
Acabamos de recibir numerosas fotos de diversos actos que se fixeron en Vilachá (a malla e feira do viño) como fotos dos recunchos da parroquia e da ribeira do Sil.
Por iso creamos novas galerías: Abelaira-adegas e Ribeira do Sil.
Convidámosvos a botarlle un ollo, a que comentedes e a cal quen queira enviarnos fotos (que sería de agradecer) que o faga ao noso enderezo electrónico: vilachadesalvadur@gmail.com
Que vos presten! |
|
|
|
|
| Xuntanza veciñal |
|
 Este sábado 12 de setembro celebrarase na Abelaira unha xuntanza da Asociación Veciñal de Vilachá, ás 20h.
Nesta xuntanza tratarase o tema da festa parroquial e a valoración. Tamén se dará paso á elección da nova directiva da asociación. A orde do día está aberta a outros puntos.
Polo interese e importancia que garda dita xuntanza, agardamos a vosa asistencia e participación. |
|
|
|
|
| Novidades na fotoblogoteca |
|
Acabamos de renovar o blog parroquial con dúas novas galerías de fotos.
Unha recolle fotos do barrete de Trasmonte, tomandos días atrás, no mes da herba. A outra galería son fotos do Castrelado, onde existe uns restos ou vestixios castrenses e unhas moi boas vistas.
Queremos animar dende este blog á veciñanza a enviar fotos, ideas ou comentarios ao nosos enderezo electrónico (vilachadesalvadur@gmail.com) para renovar e enchar de contidos.
Cedo iniciaremos tamén unha recolleita de contos, lendas, coplas e cantares que nos son propios.
|
|
|
|
|
| Acordos adoptados trala xuntanza do 25 de xullo de 2009 |
|
 Na xuntanza celebrada na Abelaira, á cal asistiron dez veciños, tomáronse as seguintes decisións a partir do único punto na orde do día: a festa parroquial.
1. Fixéronse as contas de ingresos e gastos para os dous días da festa. As contas están recollidas na acta da Asociación, para dispor da veciñanza.
2. Acordouse que o venres 7 haberá contra as 21h unha pancetada no Campo da Festa, que contará con crioulos e pan de Cea. Despois haberá un trío musical e no remate desta unha queimada popular.
3. O sábado 8 iniciarase cunha alborada, contra as 11h, dende Salgueiros até Trasmonte, para vir a Vilachá e rematar na Eirexa. A misa celebrarase ás 13h. Á noite actuará a orquestra e contarase cun barra para consumir.
Dende a Asociación Veciñal de Vilachá animámosvos a particpar e colaborar nas festas. |
|
|
|
|
| Xuntanza veciñal |
|
 Este sábado, 25 de xullo, haberá unha nova xuntanza da Asocciación Veciñal de Vilachá, ás 20:30h na Abelaria.
Nesta xuntanza ordinaria trataremos principalmente a cuestión da festa parroquial, así como outras pendentes ou que se queiran propor.
Agardamos a vosa asistencia e participación. |
|
|
|
|
|
|
|
