Víchelo, miráchelo!



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

ENCONTRO CO AUTOR: SANTIAGO JAUREGUÍZAR

Comentarios (0) - Categoría: PLAN LECTOR - Publicado o 10-12-2019 23:17
# Ligazón permanente a este artigo
MEMORIAS DUN NENO LABREGO, UN CLÁSICO

A lectura que propoñemos para despois de Nadal é un clásico, un dos libros de maior éxito editorial en galego: Memorias dun neno labrego de Xosé Neira Vilas.

Como imos ler este libro?
Hai que facer un resumo de cada capítulo e incorporar a un vocabulario as palabras que non coñecemos de cadanseu capítulo. Podes consultar aquí parte das palabras e expresións que aparecen en cada capítulo do libro.

A proba de lectura e entrega dos resumos dos 16 capítulos e léxico consultado do libro será o próximo 16 de xaneiro.
Comentarios (0) - Categoría: PLAN LECTOR - Publicado o 19-12-2018 06:37
# Ligazón permanente a este artigo
UNHA LECTURA PARA ANTES DE QUE REMATE O ANO

Imos facer unha lectura breve dun clásico para antes que remate este trimestre.
TRES OBXECTIVOS:
1-Coñecer ao autor: Castelao
Pretendemos achegármonos á xenialidade de A. D. R.Castelao, a súa vida, pero sobre todo a coñecer cinco das súas facetas creativas caricaturista, escritor, ensaísta, dramaturgo e político, que trataremos de ir explicando á vez que lemos.

2-Ler un texto do autor: Un ollo de vidro. Memorias dun esquelete
Trátase dunha pequena obra, a primeira obra narrativa que fixo e que xira sobre un tema recorrente do autor, a morte.

3-Madurar na nosa comprensión lectora: Descubrir os narradores. Ao ler esta obra entramos nun tipo de literatura que xoga a confundir ao lector con distintos narradores, que ten certa complexidade e que esixe unha lectura atenta por parte do lector para poder entender a estrutura coa que está creada.
Comentarios (1) - Categoría: PLAN LECTOR - Publicado o 05-12-2018 05:46
# Ligazón permanente a este artigo
Boas lecturas no Día do Libro

Comentarios (2) - Categoría: PLAN LECTOR - Publicado o 23-04-2018 20:32
# Ligazón permanente a este artigo
Unha lectura para o mes de abril

Tras a sombra do bruxo de Francisco Díaz Valladares.
Comentarios (0) - Categoría: PLAN LECTOR - Publicado o 03-04-2018 00:03
# Ligazón permanente a este artigo
A voz de muller de Rosalía
Hai poucas literaturas no mundo onde de xeito indiscutible haxa unha autora, unha muller que as represente. A literatura galega conta con Rosalía como a máis destacable dos creadores e creadoras das nosas letras de todos os tempos.Por iso é importante que vaiamos coñecendo mellor o seu mundo literario, curos a curso:


Imos indagar sobre certos datos biográficos e tamén é imprescindible facelo sobre os seus versos:




Temáticas dos versos de Rosalía:

Rosalía inspirouse para escribir en galego nas cantigas da tradición oral de aí que a súa poesía presente unha temática costumista que describe costumes e tradicións propias do pobo galego seguindo o modelo doutros autores (entre eles as Coplas do P.Sarmiento). Tamén estaba moi de moda na súa época, a temática amorosa.
Ela como poeta vai superar a etapa do Romanticismo cunha temática intimista moi persoal, tanto no contido como no formal con figuras como plurisignificativas como a "negra sombra" que fan de Rosalía unha poeta innovadora. Tamén ten unha grande transcendencia a temática social-reivindicativa de dignificación da terra, de denuncia das inxustizas e, especialmente, de protagonismo da muller. A Rosalía preocúpanlle a dor colectiva, pero fai fincapé na da muller, procura darlle voz ás mulleres e singularmente a muller galega. No seu poemario Cantares Gallegos comeza e remata con composicións onde invita a unha meniña gaiteira a cantar.
Has de cantar
meniña gaiteira
has de cantar
que morro de pena...

Canta si queres,
na lengua que eu falo;
dareiche un mantelo,
dareiche un refaixo.

Co son da gaitiña,
co son da pandeira,
che pido que cantes,
rapaza morena...

Case no final do libro nun dos últimos poemas di:
Eu cantar, cantar, cantei,
a grasia non era moita...
,

Canta que te canta, mentras
os corazóns tristes choran.
Esto e inda máis, eu quixera
desir con lengua grasiosa;
mais donde a grasia me falta
o sentimiento me sobra,
anque este tampouco abasta
para espricar certas cousas,
que a veces por fora un canta
mentras que por dentro un chora...

Tamén un dos últimos poemas é a alborada un poema cun fondo valor simbólico. A Alborada como metáfora da esperanza dun futuro que ha de vir, protagonizado pola mocidade, e de novo polas rapaciñas:

¡Arriba
todas, rapaciñas do lugar!,
que o sol
i a aurora xa vos vén a dispertar.
¡Arriba!
¡Arriba, toleirona mocidad!,



1- Procuremos agora as cantigas/poemas de Rosalía nas que se evidencia unha voz de muller e escollamos os que máis nos gusten.

2-Procura ademais antes de pasar a cometalo, unha boa tradución ao galego do texto que nos leu Natalia Carou de Rosalía que lemos tamén o venres na celebración do Día de Rosalía no San Narciso
Comentarios (0) - Categoría: PLAN LECTOR - Publicado o 25-02-2018 22:33
# Ligazón permanente a este artigo
Encontro con Natalia Carou na Biblioteca

Unha experiencia enriquecedora a de poder conversar coa autora do libro que lemos e poder analizar xuntos o seu contido, a temática e intencións cos que Natalia escribe esta novela.

Podemos ver unha reportaxe fotográfica no blog da biblioteca
Comentarios (0) - Categoría: PLAN LECTOR - Publicado o 23-02-2018 06:38
# Ligazón permanente a este artigo
Seguimos lendo

Imos participar dos Premios literarios Martín Sarmiento das Escolas Católicas de Galicia como en cursos anteriores. Para participar só temos que ler e logo botar á novela que máis nos gustara.

Comezamos cunha novela de Natalia Carou Figueira ambientada na Idade Media, titulada A cova da moura

A idea é ter lido este libro despois do Nadal, para despois das vacacións anunciamos logo unha proba de lectura, que será despois das probas do avance a finais de xaneiro, na que temos que entregar un resumo de cada capítulo do libro.





Pedro Madruga, quen era?
Comentarios (3) - Categoría: PLAN LECTOR - Publicado o 10-12-2017 11:31
# Ligazón permanente a este artigo
O AUTOR DE: UN OLLO DE VIDRO. MEMORIAS DUN ESQUELETE

BIOGRAFÍA: Afonso Daniel Rodríguez Castelao
Nado en Rianxo o 30 de xaneiro do 1886, no seo dunha familia mariñeira. Seu
pai enriqueceu na emigración: instalara na Pampa unha especie de taberna
que axiña se converteu nun importante centro comercial. Naquelas terras
arxentinas viviu Castelao dos dez aos catorce anos; a vida da Pampa e da
emigración deixaron fonda pegada no rapaz, que habería de reflectilas en
máis dunha ocasión na súa obra. De volta en Galiza, estuda o bacharelato e
logo a carreira de Medicina en Compostela, comezando a ser popular polas
caricaturas de profesores e compañeiros. Licenciado no 1908, cursa en Madrid
o doutorado, presentándose á I Exposición de Humoristas e obtendo un grande
éxito.

Regresa a Rianxo a exercer a medicina, e alí participa na política municipal,
seguindo a seu pai que era daquela alcalde e líder do conservadurismo
local. Casou no 1912 e deixou a medicina (“fíxenme médico por amor a meu pai;
non exerzo a profesión por amor á humanidad"
) para ingresar por oposición no
Instituto Xeográfico e Estatístico. Destinado en Pontevedra, tamén exerceu o
profesorado como axudante de cátedra de Debuxo no Instituto desta cidade.

Nos anos de efervescencia do agrarismo, Castelao achégase ao movemento
galeguista e nel participa activamente coas Irmandades da Fala, ao tempo que
expón debuxos, dá conferencias e colabora na prensa da época. Vencellado ao
grupo intelectual de Ourense, asume a dirección artística da revista Nós dende
a súa fundación no 1920. No 1922 publica a súa primeira obra narrativa: Un
ollo de vidro
. No 1926, o primeiro libro de Cousas, e ese mesmo ano é elixido
membro da Real Academia Galega. No 1927 vese afectado fondamente pola
morte do seu único fillo e fai unha viaxe a Francia para estudar os cruceiros
bretóns, que deu coma froito o libro As cruces de pedra na Bretaña, publicado
no 1930.

Coa proclamación da II República, Castelao, nas filas do Partido
Galeguista, é elixido deputado pola provincia de Pontevedra e nas Cortes
Constituíntes fai unha apaixonada defensa da lingua galega. Participa
activamente na vida política, especialmente a prol da consecución do Estatuto
de Autonomía para Galiza. Do 1934 ao 1935 foi desterrado a Badajoz. Coincidindo con este feito edita a súa novela Os dous de sempre. Logo
da aprobación por plebiscito do Estatuto de Autonomía, o inicio da Guerra
Civil sorpréndeo en Madrid, onde se atopaba en calidade de deputado para
entregarlle ao presidente das Cortes o texto do Estatuto. Reside en Madrid,
Valencia e Barcelona, acompañando ao Goberno da República nos seus
desprazamentos.

No 1938 viaxa a Moscova, onde expón as coleccións de
debuxos que amosan estampas da guerra. En Nova Iorque tamén expón e nesa
cidade publica a colección Milicianos, con debuxos sobre o mesmo tema. Viaxa
logo a Cuba e finalmente establece a súa residencia en Bos Aires, onde funda,
con outros exiliados, a revista Galeuzca.Escribe alí a súa obra dramática Os vellos non deben namorarseen 1941
En 1944 publica Sempre en Galizaconsiderada unha especie de biblia do nacionalismo galego. No ano 1946 é nomeado ministro do
goberno da República no exilio.Daquela tamén remata o seu traballo sobre As cruces de pedra na Galiza . Un dos derradeiros discursos que dá no Centro Galego de Bos Aires é o titulado Alba de Groria (1948).

Morreu en Bos Aires o 7 de xaneiro do 1950
e foi soterrado no panteón do Centro Galego. No 1984 os seus restos foron
trasladados a Galiza.

Sobre a obra que imos ler e realizar un exercicio de comprensión lectora. Ver máis
Comentarios (1) - Categoría: PLAN LECTOR - Publicado o 23-10-2017 06:45
# Ligazón permanente a este artigo
Un libro de lectura para a 3ª avaliación

O libro que debemos ler na casa nos próximos 30 días son dous relatos moi coñecidos de Edgar Alan Poe o coñecido autor norteamericano que traslada aos seus relatos unha parte do seu mundo atormentado. Son os relatos de suspense: O escaravello de ouro e Os crimes da rúa Morgue.

Lembra que xunto que ademais da proba de lectura que realizaremos a no mes de maio, deberán presentarse unha serie de actividades sobre:
- Os textos auxiliares.
- A Análise literaria dos dous textos.
- A lingua e o estilo.
- As leccións de Poe.

Boa lectura!!
Comentarios (0) - Categoría: PLAN LECTOR - Publicado o 18-04-2017 06:43
# Ligazón permanente a este artigo
1 [2] [3] [4]
© by Abertal