Víchelo, miráchelo!



O meu perfil
 CATEGORÍAS
 BUSCADOR
 BUSCAR BLOGS GALEGOS
 ARQUIVO
 ANTERIORES

CONTRA A VIOLENCIA DE XÉNERO
Este ano no que centramos o noso traballo no respecto non debemos deixar pasar esta data para reclamar a atención sobre este problema fondamente arraigado na nosa sociedade como é o da violencia de xénero.
Tamén a lingua galega ten bos referentes que nos axudan a entender coas palabras a loita pola igualdade da muller e a necesidade de vivir co respecto como norma de vida.

Dúas recomendacións, para os máis lectores o libro de Marilar Alexandre "A Cabeza da Medusa" editado por Xerais, e para quen teña pouco tempo uns minutos para escoitar este poema de Rosalía en dúas fermosas versións.
Comentarios (0) - Categoría: Xeral - Publicado o 25-11-2010 10:57
# Ligazón permanente a este artigo
RESPECTO Á DIFERENZA, DEREITO Á IDENTIDADE (I)

Comeza o curso 2010/2011. Traballaremos en primeiro lugar, co lema do curso que para nós terá esta formulación: RESPECTO Á DIFERENZA, DEREITO Á IDENTIDADE.

A defensa da lingua propia non converte as alleas en inimigas porque o respecto que demandamos para a nosa convértenos en respectuosos e solidarios con todas as demais; ao cabo, a palabra é a produción máis especificamente humana, e mal se pode ser respectuoso co home sen selo coa lingua que fala.

Velaí, logo, que a tolerancia debe ser emblema dos loitadores pola dignificación da lingua, e nunca deben facer súas as actitudes de desprezo das que outros fan uso. Tolerantes, que non febles, nesa loita esperanzada pola dignificación da nosa lingua, é dicir, pola nosa dignificación. Orgullos@s e conscientes da nosa diferenza, esa que nos fai orixinais ante o mundo.

Imos pois co texto que será o primeiro no que nos centraremos, un poema moi coñecido de Celso Emilio Ferreiro:

DEITADO FRENTE AO MAR

Lingoa proletaria do meu pobo,
eu fáloa porque sí, porque me gosta,
porque me peta e quero e dame a gaña;
porque me sai de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sin raíces
que ao pór a garabata xa nen saben
afirmarse no amor dos devanceiros,
falar a fala nai,
a fala dos abós que temos mortos,
e ser, co rostro erguido,
mariñeiros, labregos do lingoaxe,
remo i arado, proa e rella sempre.

Eu fáloa porque sí, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra lingoa.

Non falo pra os soberbios,
non falo pra os ruis e poderosos,
non falo pra os finchados,
non falo pra os valeiros,
non falo pra os estúpidos,
que falo pra os que agoantan rexamente
mentiras e inxusticias de cotío;
pra os que súan e choran
un pranto cotidián de volvoretas,
de lume e vento sobre os ollos núos.
Eu non podo arredar as miñas verbas
de tódolos que sofren neste mundo.
E ti vives no mundo, terra miña,
berce da miña estirpe,
Galicia, doce mágoa das Españas,
deitada rente ao mar, ise camiño...

CELSO EMILIO FERREIRO,
Longa noite de pedra.1963

Agora ímoslle poñer música:

Comentarios (0) - Categoría: Xeral - Publicado o 20-09-2010 06:51
# Ligazón permanente a este artigo
Presentámonos cos maios
Estamos @s nen@s de 2º B
do Colexio San Narciso
a cantarlle a esta xente
que veu aquí sen compromiso.

Xa chegou o noso maio
pero está avergoñado
porque é novo en Marín
e comeza este ano.

Na alameda de Marín
non nos deixan patinar
porque están atropelando
aos vellos que están andando.

Os nenos do San Narciso
quereríamos cantare
unha copla ben bonita
para asi poder gañare.

Agora só falta que vos acomodedes
que agora imos comezar
esta copla coa que imos criticar.

Facendo barullo
imos criticar
aos políticos corruptos que están a gobernar

As bruxas e os demos
irán asustar
a todos eses mestres
que nos fan estudar.


No Eguren de Marin Os nenos do San Narciso
Aquí estamos a cantar
Dando remate o maio
Faremos un bo xantar.


Os nenos de Marin
Estamos a cantar
Veña a xente de fora
Que se queira apuntar.

Estamos os nenos de 2ªB
Do colexio San Narciso
A cantarlle a esta xente
Que ben sen compromiso.

E nos como todos anos
No lle imos a falar
E imolles cantar unhas coplas
Que todos van a flipar.

Albariño no Ribeiro
O Ribeiro no Salnés
Aquí parece que o mundo
Vaise poñer do revés.

É unha cesta curiosa
De acios tan pequeniños
Que para facer unha cesta
Compren mais de 100 racimos.

Os nenos do San Narciso
Imos hoxe a cantar
A decirlle a xente o
Que pasa no lugar.

Os nenos do San Narciso
Querévovos cantar
Unha copla ben bonita
Para asi poder gañar.




Xa chegou o noso maio
Pero está avergoñado
Porque é novo en Marín
Que comeza este ano.

Vimos todos a falare
Deses homes que gobernan
Porque están sempre falando
Van mandar todo a merda.


Tamen imos a dicirlles
que estedes tranquiliños
porque o prezo destes pisos
baixarán un pouquiño

Todos os amigos
Imos hoxe a cantar
arredor deste maio
que estamos a fabricar.

A neve este ano
chegou a Galicia
Para darnos a todos
Un pouco de Ledicia.

Un novo ano?
Marin faltaria mais!
Os nenos do San Narciso
Non escasamos xamais.

Todos escoitachedes
A noticia do volcán
Que nos deixou en terra
Sen podernos desprazar.

Houbo nenos no aeroporto
cansadiños de esperar
a que as cinzas do ceo
os deixasen marchar.

Tamén hai outra nova
Que ten que ver co Garzón
Un xuíz moi estimado
Queren metelo en prisión

Son moitos os que protestan
persoas sen condicóns
como meter nun cuarto
A un home que ten razón?




Con esta despedímonos
deixámosvos marchar
Que todo aquel que queira
vén aquí a disfrutar.

Que se achegue ao San Narciso
Se quere mellorar
Pero que teña coidado
Non o vaian a matar!


Comentarios (3) - Categoría: Xeral - Publicado o 21-04-2010 09:31
# Ligazón permanente a este artigo
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0