Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Seminario de Arte Contemporánea

Durante as últimas semanas desenvolveuse na Agrupación Cultural Alexandre Bóveda un Seminario de Arte Contemporánea.

Basicamente tratábase, para os máis novatos na comprensión desta arte, entre os que me atopo, de atopar algunhas claves e afondar no coñecemento dos movementos máis salientables da mesma.

Foi impartido por Xulia Santiso, directora do Museo Emilia Pardo Bazán, pero que tamén traballou como asesora didáctica en exposicións de arte contemporánea.

Sorprendeunos nunha das últimas sesións porque fixo unha visita guiada ao Museo da Fundación María José Jove, no polígono da Grela. Ten uns fondos excepcionais, con obras, por exemplo, de Kandinsky, Tàpies e Picasso.

Pero algúns seguimos tendo dificultades para atopar o verdadeiro camiño para a comprensión destas obras, sempre tan "sorprendentes".

Saúdos. Os Mártires da Caeira.
Comentarios (0) - Categoría: Os Mártires da Caeira - Publicado o 12-04-2009 17:15
# Ligazón permanente a este artigo
Unha primavera para Aldara
Hai xa algún tempo (teño que recoñecer que nalgúns momentos demórome demasiado en actualizar este blog, cousas da vida) fun ver unha moi interesante obra de teatro, que poucos días despois foi premiada como a mellor do teatro galego do ano pasado.

Titúlase "Unha primavera para Aldara", está baseada nunha obra de Teresa Moure e foi representada por Teatro do Atlántico. O director foi Xulio Lago e entre as actrices destacan María Bouzas, Belén Constenla e María Barcala. Digo entre as actrices porque case non hai ningún actor (entre os poucos, Xoan Carlos Mexuto, director do taller de teatro da Agrupación Cultural Alexandre Bóveda). A temática é eminentemente feminina e incluso algunha das actrices fai un papel case-masculino.

Trata dun caso en torno a un mosteiro feminino medieval, onde hai algo de malos tratos, dunha historia de amor da abadesa cun soldado (ou non será un soldado??). Estou sendo deliberadamente ambiguo porque a obra o é. Xa se nota que está escrita na época actual, porque algúns temas son moi audaces para a época. Quen teña dúbidas, que vaia vela, non perderá o tempo. Seguro que cos moitos premios seguirá de xira algún tempo máis.

Saúdos.
Comentarios (0) - Categoría: Xeral - Publicado o 12-04-2009 17:10
# Ligazón permanente a este artigo
[1] 2
© by Abertal

Warning: Unknown: Your script possibly relies on a session side-effect which existed until PHP 4.2.3. Please be advised that the session extension does not consider global variables as a source of data, unless register_globals is enabled. You can disable this functionality and this warning by setting session.bug_compat_42 or session.bug_compat_warn to off, respectively in Unknown on line 0