Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Aeroplanos
Fomos ver hai varias semanas a obra de teatro "Aeroplanos", do arxentino Carlos Gorostiza.

Conta a amizade de dous vellos, xa cos seus achaques, que están protagonizados por Ernesto Chao e por X. M. Olveira "Pico", dous dos mellores actores galegos, unha absoluta garantía.

Comedia moi amable e levadeira, recoméndase ver.

Saúdos.
Comentarios (0) - Categoría: Xeral - Publicado o 02-01-2009 00:27
# Ligazón permanente a este artigo
Héitor Mera e a súa tese (en galego) sobre a obra de Bernardino Graña
Hai unhas semanas viñeron ao noso local da Agrupación Cultural Alexandre Bóveda Héitor Mera e Bernardino Graña.

Como supoño que saberedes, Héitor Mera leva anos facendo unha tese na UNED sobre a obra do seu amigo Bernardino Graña e estanlle poñendo moitos atrancos para presentala en galego. Polo que parece, a cousa xa está moi cerca do seu final feliz, pero non o creremos ata que o vexamos.

Alí contounos todos os tragos amargos polos que tivo que pasar. Curiosamente, cando tiña algún problema grave, avisaba aos parlamentarios dun determinado grupo político, facían unha interpelación no Parlamento en Madrid, saía nos medios de comunicación e, de súpeto, todos os problemas desaparecían. Dá gusto ver que ben funcionan algunhas cousas se un fai un pouquiño de esforzo.

Saúdos. Os Mártires da Caeira.
Comentarios (0) - Categoría: Os Mártires da Caeira - Publicado o 02-01-2009 00:24
# Ligazón permanente a este artigo
Gala do XX Aniversario de Amnistía Internacional na Coruña
Hai unhas semanas, tivo lugar esta gala. Nun Teatro Rosalía con moi boa entrada, Lino Braxe dirixiu unha gala onde houbo recitais poéticos, de textos e algo de música.

Iria Peña con Miguel Ladrón de Guevara, A Caricia da Serpe, Manolo Rivas con Pulpiño Viascón, Xosé Carlos Caneiro con Xosé Manuel Salgado, Rosa e Xavier Cedrón, ....

Unha noite agradable. Déixovos cun video do Pulpiño Viascón tocando o serrucho, un dos momentos memorables da noite.

Saúdos.

Comentarios (0) - Categoría: Xeral - Publicado o 02-01-2009 00:19
# Ligazón permanente a este artigo
[1] 2
© by Abertal