Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

A ponte que non une dúas ribeiras
A ponte que non une dúas ribeiras

Esta curiosa estampa dase nun lugar do norte de Cáceres indo de Granadilla cara ás Hurdes ou ás Batuecas.

Se non lembro mal está no río Alagón. O que está encorado no Gabriel y Galán. O máis importante afluente do Teixo pola dereita que hai en Extremadura, xunto co Tiétar. (Nota: o Tiétar e o Teixo xúntanse no Parque Natural de Monfragüe, iso verédelo dentro dun par de meses).

A que se debe que estea nesta estraña posición? Se a memoria non me engana, era algo así como que fora destruído e non quedou case nada en pé. Entón decidiron reconstruír unha pequena parte e poñelo "de cara ao público" para que se vira mellor".

E agora que o penso pode que a causa da súa destrución fora o famoso terremoto de Lisboa do ano 1755. Dígoo porque nesta zona hai máis secuelas diso. Por exemplo, en Coria, cerca de aquí, hai unha ponte baixo a cal non pasa o río. O río vai uns 20 ou 30 metros a un lado. Din que foi o terremoto quen causou iso. Pero semella improbable. Probablemente cambiaron o cauce para facer a ponte e despois resultoulles imposible ou incómodo volver poñelo no seu sitio.

Saúdos.

Anterior Volver á galeríaSeguinte

Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal