Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Dúas donas que bailan
Pasou estes días pola Coruña a nova montaxe da veterana compañía galega Teatro do Atlántico, titulada "Dúas donas que bailan". Dirixida, como sempre, por Xulio Lago, foi representada por María Barcala, a actríz principal da compañía, e por unha nova actriz chamada María Ángeles Iglesias, á que recoñezo que non vira nunca.

Esta compañía resulta moi fiable e solvente. Pero recoñezo que lendo a sinopse da obra, non me chamou demasiado a atención, e a tiña bastante esquecida. Pero recibín un "sopro" de alguén que asistiu á primeira representación na cidade (quedáballes aínda unha segunda función ao día seguinte), dicindo que estaba moi ben. E como estaba dispoñible ao día seguinte, decidín ir.

E si, está ben, seguramente moi ben, aínda que creo que non tanto como me prometeran, e resultou máis atractiva do que a sinopse facía adiviñar.

Poderíamos resumila dicindo que é a historia dunha muller xa maior, que vive na súa casa, con algúns recordos da infancia como os seus cómics preferidos, dos que no seu momento non puido disfrutar demasiado. Aínda se vale ben, pero os seus fillos deciden mandarlle unha asistenta á que non coñece.

A relación entre eles non é doada porque a muller maior ten un caracter moi difícil. A criada é moito máis doce, pero tamén é certo que esconde unha anguria vital que vai desvelando ao longo da obra. Pero a súa relación vai mellorando cando se van coñecendo, ata chegar a un final bastante sorprendente.

Saúdos.


Comentarios (0) - Categoría: Xeral - Publicado o 07-02-2019 16:20
# Ligazón permanente a este artigo
Chuza! Meneame
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal