Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Menú da noite
Onte fun ao Teatro Colón da Coruña, para ver o espectáculo "Menú da noite", do humorista Carlos Blanco e o debuxante Luis Davila, que se supón que é a continuación de "Menú do día", no que se xuntaron hai varios anos.

A receta vén sendo a mesma de sempre, pero ten bastante gancho. Xa hai anos que a Carlos Blanco o vexo máis seco de ideas do que era habitual nel, pero soubo reinventarse e aliarse con Luis Davila, que é un auténtico xenio, e os dous traballando xuntos dan lugar a unha cousa moi dixerible.

O principal do que contou Carlos onte segue sendo inxenio sacado de Internet, que se nomes de grupos de Facebook, comentarios doutro tipo, e ademais eles agora convocan aos seus moitos seguidores, para que digan frases sobre temas concretos. Boa parte deste espectáculo xira sobre "frases das avoas", que despois Luis ilustra con debuxos. E deben ter moitas, porque ningunha das que sae neste vídeo que vos puxen as amosaron onte en Coruña. Así que para este espectáculo deben ir variando o repertorio.

Si, claramente o valor engadido deste espectáculo o pon Luis Davila debuxando en directo na pantalla xigante. Tamén cantan e bailan os dous, cos sachos na man (que supostamente é o obxecto fetiche do espectáculo, pero apenas o usan), pero o que realmente gusta é o outro.

Saúdos.


Comentarios (2) - Categoría: Xeral - Publicado o 18-06-2016 11:38
# Ligazón permanente a este artigo
Chuza! Meneame
2 Comentario(s)
1 Bonjour,
je découvre votre blog cet après-midi
et je tiens à vous#blgtk08# féliciter pour le travail accompli
bravo et bonne continuation
Comentario por voyance gratuitement (20-06-2016 15:12)
2 Muy buen artículo, ha sido divertido para ju#blgtk08#gar este tipo de sitio! buena continuación.
Comentario por voyance en ligne (21-06-2016 13:49)
Deixa o teu comentario
Nome:
Mail: (Non aparecerá publicado)
URL: (Debe comezar por http://)
Comentario:
© by Abertal