Viaxes O Lóstregho


Furancho Oficial de Cabañas & Catoira Travels
A partir deste santo día de Nadal do ano 2006 este vai ser o Furancho Oficial da xa célebre axencia de viaxes perralleiros Cabañas & Catoira Travels. Este e-zulo está especialmente deseñado para todos aqueles infelices ós que xa non lles carbura ben o 4 Latas, que xa están cansos de viaxar con AirZambia ou que levan toda a vida facendo auto-stop en carromato. Chegamos a un punto onde a xente moderna quere viaxes modernas, opinións modernas e visións modernas. Pois ben, para estes últimos non é esta páxina. Estes deben ir á páxina da COPE. Neste "fotolog" haberá fotos das nosas viaxes, comentando diferentes aspectos e anécdotas vividas. Recomendaremos lugares e esperamos que todo o mundo o pase ben e teña ganas de repetir a visita.

O meu perfil
 CATEGORÍAS
 FOTOBLOGOTECA
 RECOMENDADOS
 BUSCADOR
 BUSCAR BLOGS GALEGOS
 ARQUIVO
 ANTERIORES

Maratón de lectura e charla de Neira Vilas
Hai uns días tivemos na A.C. Alexandre Bóveda unha intensa tarde en torno a Neira Vilas e a súa obra "Memorias dun neno labrego".

De 5 a 8 da tarde tivemos o maratón de lectura de "Memorias dun neno labrego" que foi editado en Bos Aires hai 50 anos. Participaron uns 75 alumnos de catro colexios coruñeses (3 concertados relixiosos e 1 público).

Neira Vilas chegou sobre as 7 da tarde, cando aínda quedaba un bo pedazo para rematar. Deu tempo a ler a obra completa unha vez e ler de novo os catro primeiros capítulos por segunda vez.

Ás 8 e pico comezou unha charla, na que xa case non había ningún adolescente (algún si), pero bastantes adultos, no que Neira nos contou como foi a creación desa obra, que resultou moi amena.

Despois ata fomos cear algo con el, pero marcharon "cedo", xa que el estaba moi canso, despois dun día tan intenso. A verdade é que dá envexa ver a lucidez e axilidade mental coa que se atopa cando xa ten máis de 80 anos, como podedes ver neste vídeo.

Saúdos. Os Mártires da Caeira.


Comentarios (0) - Categoría: Os Mártires da Caeira - Publicado o 15-05-2011 13:22
# Ligazón permanente a este artigo
O libro, a canción e a película de Xulia Santiso
Hai unhas semanas Xulia Santiso, a conservadora do Museo Emilia Pardo Bazán, veu á Agrupación Cultural Alexandre Bóveda a contarnos cal foi o seu libro, canción e película que máis lle marcaron.

En canto a libros, mencionou catro ou cinco, e ademais non os lembro todos, así que sería mellor non pararme aí.

En canto a canción, dixo que lle gustaba a música electrónica, e salientou a canción "Porcelain" de Moby, o descendente de Herman Melville, autor de Moby Dick (de aí o seu nome artístico).



E en canto ao cine, aínda que dixo que non era seguramente para ela a mellor película, dixo que si estaba moi unida, porque tivera que facer no seu momento un estudo e análise intensiva, á película "Ran" de Akira Kurosawa. Como un dos puntos salientables que aínda lembro que mencionou, estaba o das esceas de guerra sen o son real senón con música clásica, que resultaron moi vangardistas cando se presentou a película, no ano 1985.



Saúdos. Os Mártires da Caeira.
Comentarios (0) - Categoría: Os Mártires da Caeira - Publicado o 15-05-2011 12:29
# Ligazón permanente a este artigo
Recendo na Real Academia Galega
Hai unhas semanas, o programa de radio "Recendo", que a A.C. Alexandre Bóveda emite todos os martes de 19 a 20 horas en CUAC FM, no 103.4 na comarca da Coruña, tivo unha edición especial.

Nese caso, o programa durou o dobre, de 19 a 21 horas, e fixémolo dende a Casa-Museo Emilia Pardo Bazán, no edificio onde se atopa a Real Academia Galega.

Basicamente tivo catro bloques:
- Unha entrevista a Xosé Luís Méndez Ferrín, presidente da Real Academia Galega.
- Unha pequena tertulia entre Xosé Ramón Freixeiro e Iria Taibo, da Mesa pola NL, sobre a situación actual da lingua galega.
- Outra pequena tertulia entre Xulia Santiso e Dores Tembrás sobre a presenza da muller na literatura galega.
- E unha última tertulia entre Miguel Mato e Miguel Anxo Fernán-Vello sobre a figura de Lois Pereiro, homenaxeado este ano nas Letras Galegas.

Tamén houbo unha breve sección sobre Alexandre Bóveda, outra sobre os 15 anos de CUAC FM e sobre a Rede Estatal de Medios Comunitarios, e tamén coñecemos os primeiros capítulos de "Isto é galego", un divertido espazo para aprender galego que están facendo os compañeiros de CUAC FM.

Obviamente, nada disto sería posible sen a pericia técnica da xente de CUAC FM, como Mariano, Alex e David de Crossover, Iverson, etc.

Saúdos. Os Mártires da Caeira.
Comentarios (0) - Categoría: Os Mártires da Caeira - Publicado o 18-04-2011 11:00
# Ligazón permanente a este artigo
Achegarte 2011
Este ano 2011 volveu celebrarse a Feira Cultural Achegarte na Coruña, que está comezando a coller moito peso, e na miña humilde opinión está bastante mellor e ten máis repercusión que o Culturgal.

A A.C. Alexandre Bóveda volveu ter presenza na mesma, non cun stand, como na edición anterior, senón simplemente cunha mesa-expositor, pero penso que aproveitamos ben a oportunidade para facernos visibles.

Tamén tivemos un taller onde sacabamos fotografías á xente, un obradoiro de xadrez e a presentación do libro de Miguel Mato sobre a obra poética de Manuel María.

Se volve celebrarse, alí estaremos, coma sempre.

Saúdos. Os Mártires da Caeira.
Comentarios (0) - Categoría: Os Mártires da Caeira - Publicado o 18-04-2011 10:47
# Ligazón permanente a este artigo
O libro, a canción e a película de Francisco Cerviño
No último mes, tivemos a visita de Francisco Cerviño no ciclo de "Un libro, unha canción, unha película".

El si foi un dos que conseguíu escoller un elemento en cada categoría. Como libro, escolleu "Memorias de Adriano" de Marguerite Yourcenar, como canción escolleu "All you need is love" dos Beatles, e como película "O gatopardo" de Visconti.

Saúdos. Os Mártires da Caeira.





Comentarios (0) - Categoría: Os Mártires da Caeira - Publicado o 18-04-2011 10:41
# Ligazón permanente a este artigo
Fotos do Entroido en Viana do Bolo
Uns compañeiros da A.C. Alexandre Bóveda que este ano estiveron visitando o entroido en Viana do Bolo fixeron unha proxección das fotografías que alí tomaron.

Non é un dos máis célebres dos moitos que hai na provincia de Ourense, pero tamén son moi vistosos, como case todos os daquela zona.

Hai uns anos, nun dos famosos safaris fotográficos que fixemos a esa festa, paramos en Viana, precisamente para disfrutar da pantagruélica Festa da Androlla. E iso xa nos permitiu coñecer aquel curioso entroido, con moita relación co de Portugal.

As figuras máis habituais son os folións, cos moitos percusionistas con bombos xigantescos, que se escoitan a moitos quilómetros de distancia, e que nalgúns casos fanlles sangrar as mans; e os boteiros, curiosas figuras que levan estruturas sobre a cabeza adornadas con flores de cores, e que executan curiosos bailes.

Saúdos. Os Mártires da Caeira.


Comentarios (0) - Categoría: Os Mártires da Caeira - Publicado o 18-04-2011 10:18
# Ligazón permanente a este artigo
Verbas pola igualdade
A mediados de marzo a A.C. Alexandre Bóveda celebrou unha gala co gallo do Día da Muller Traballadora, titulada "Verbas pola igualdade", que se celebrou no Fórum Metropolitano.

Foi unha cousa sinxela pero moi resultona. Recitaron poemas Olga Patiño, moi amiga da casa, e Gabriela Rodríguez, unha nova poetisa e presidenta da A.C. Eira Vella, de Betanzos, coa que estamos estreitando lazos.

E despois houbo un fragmento da representación da obra "Melmeniñas" a cargo da nova e talentosa actriz galega Lía Pichel.

Déixovos un breve vídeo da AELG no que aparece Olga Patiño recitando un dos seus poemas.

Saúdos.


Comentarios (0) - Categoría: Os Mártires da Caeira - Publicado o 18-04-2011 10:03
# Ligazón permanente a este artigo
O libro, a canción e a película de Ánxel Vázquez de la Cruz

Hai algún tempo veu o médico e escritor coruñés Ánxel Vázquez de la Cruz ao ciclo organizado pola A.C. Alexandre Bóveda titulado "Un libro, unha canción, unha película" onde cada último xoves de mes un persoeiro nos fala sobre eses obxectos culturais que lle marcaron na súa vida.

En canto a libros, non se decantou por ningún, e falou de moitos preferidos.

En canto á música, escolleu "Sus ojos se cerraron" de Carlos Gardel.



E en canto a cine, escolleu "Moby Dick" e "La strada".

Saúdos. Os Mártires da Caeira.





Comentarios (0) - Categoría: Os Mártires da Caeira - Publicado o 16-04-2011 13:51
# Ligazón permanente a este artigo
Exposición de fotografías de Carlos Valcárcel Gay
Hai uns días inauguramos na A.C. Alexandre Bóveda unha exposición do fotógrafo lucense Carlos Valcárcel Gay.

Polo visto, é un dos fotógrafos máis importantes da historia de Galicia, pero tristemente non é moi recoñecido. Xa ten 82 anos e aparece nalgúns dos catálogos máis importantes do mundo.

As fotos que colgou na nosa asociación pertencen principalmente ao tipo costumista que facía nos anos 60, aínda que ten de moitas temáticas diferentes. A min lembroume bastante a Virxilio Vieitez, a quen tiven a sorte de coñecer en persoa nos últimos anos da súa vida, aínda que ninguén diría que aquel señoriño fora un dos fotógrafos máis importantes de Galicia.

Saúdos. Os Mártires da Caeira.
Comentarios (0) - Categoría: Os Mártires da Caeira - Publicado o 20-02-2011 16:50
# Ligazón permanente a este artigo
Festival benéfico de cómicos galegos para Intermón Oxfam
O outro día houbo un festival benéfico de cómicos galegos (mellor dito monologuistas, e eses de cómicos moito non teñen, aínda que eles pensen que si) para recaudar cartos que Intermón Oxfam invertirá en Tanzania.

Houbo sete ou oito, pero na miña opinión só houbo dous ou tres que fixeron un papel digno: Isabel Risco, Gari e Oswaldo Digón. Déixovos unhas pequenas intervencións que tiveron os dous primeiros no famoso documental sobre o koruño que se fixo hai pouco.


Vídeo de Isabel Risco sobre o Koruño.




Vídeo de Gari sobre o Koruño.




Saúdos.
Comentarios (0) - Categoría: Os Mártires da Caeira - Publicado o 07-02-2011 00:34
# Ligazón permanente a este artigo
© by Abertal